“Thulaganyo ya Kereke ya ga Jeso Keresete,” Liahona, Pha.2023.
Molaetsa wa Liahona wa Kgwedi le kgwedi, Phalane 2023
Thulaganyo ya Kereke ya ga Jeso Keresete
Morena Jeso Keresete, ka Del Parson
Jeso Keresete ke tlhogo ya Kereke ya ga Jeso Keresete ya Baitshepi ba Malatsi a Bofelo. O tlhotlheletsa baporofeti le baaposetole go etelela pele Kereke gompieno, jaaka A dirile mo dinakong tsa Kgolagano e Ntšha. Ba thusiwa ke baeteledipele ba bangwe ba Kereke.
Kereke ya ga Jeso Keresete ya Baitshepi ba Malatsi a Bofelo ke Kereke ya Mmoloki. E “agilwe mo motheong wa baaposetole le baporofeti, Jeso Keresete ka boene e le lentswe le legolo la kgokgotsho” (Baefeso 2:20). Seno se raya gore Ke karolo e e botlhokwa thata ya motheo. O kaela Kereke ka baporofeti le baaposetole Ba a ba itshenketseng go nna baeteledipele.
Boporesidente jwa Ntlha
Poresidente ya Kereke ke moperofeti wa Modimo mo lefatsheng gompieno. Ke Moaposetole mogolo le motho a le esi mo lefatsheng yo o amogelang tshenolo go kaela Kereke yotlhe. Morena o mo tlhotlheletsa go itse gore ke Baaposetole ba fe ba babedi ba a tshwanetseng go ba bitsa go direla jaaka bagakolodi ba gagwe. Ba nna Boporesidente jwa Ntlha. Botlhe ba bararo ke baporofeti, balebii, le basenodi.
Khoramo ya ba ba Lesome le Bobedi
Maloko a Khoramo ya Baaposetole ba ba Lesome le Bobedi le bone ke baporofeti, balebi, le basenodi. Babidiwa go nna basupi ba ba kgethegileng ba ga Jeso Keresete. Ba tsamaya lefatshe lotlhe ba ruta le go paka ka ga Ene. (Bona Dithuto le Dikgolagano 107:23, 33.)
Khoramo ya ba ba Masome a Supa
Maloko a ba le Masome a Supa le gone ba bilediwa go nna basupi ba ga Jeso Keresete (bona Dithuto le Dikgolagano 107:25). Ba thusa Khoramo ya Baaposetole ba ba Lesome le Bobedi go ruta efangele le go aga Kereke go ralala lefatlhe.
Setshwantsho ka Machiko Horii
Baeteledipe ba Selegae
Boporesidente ba lomapo kgotsa kgaolo, boporesidente jwa bobishopo kgotsa lekala, le boporesidente jwa khoramo ya bagolwane le Mokgatlho wa Thuso le bone ba biditswe ke Modimo. Ba ka go thusa go ithuta le go tshela ka efangele. O ka ithuta ka ga dingwe tsa dipitso tse mo mokwalong wa Motheo wa Efangele Mopitlo 2022, “Go Direla mo Dipitsong tsa Kereke.”
© 2023 ka Intellectual Reserve, Inc. All rights reserved. Printed in USA. Tetla ya Sekgoa: 6/19. Tetla ya thanolo: 6/19. Thanolo ya Molaetsa wa Liahona wa Kgwedi le kgwedi, Phalane 2023. Language. 19048 763