Mukenji wa ku Ngondu wa Liahona, Ngondu Muitanu 2023
Mutukuatshishi wa Misangu Yonsu
Tshikepeshelu
Tudi tujinga ne netujinga, dikuatshisha dia Nyuma wa Tshijila. Mpindiewu, tudi tudikeba, ne tudi bamanya kupitshila ku dimanya ne ki mbipepela bua kudipeta. Tudi tuela bonsu meji ne tuamba ne tuenza bintu mu matuku etu a moyo bidi bibungamija Nyuma.
Padibi bifika, bu muafikabi, tudi mua kudiumvua balekedibua kudi Mukalenga. Ne tudi mua kutêtshibua bua kumvua ne tudi nkayetu.
Wewa mudisangana ne ntatu mu diumvua dia Nyuma wa Tshijila, udi mua kuela meji ne; kudi mua kuikala bualu buwudi ne bua kukudimuina mutshima ne kupeta dibuikidila. Udi mua kusambila ne ditabuija bua kumanya tshiwudi nebua kuenza bua kuikala mutokeshibua ne kupeta dikuatshisha dia misangu yonsu dia Nyuma wa Tshijila.
Wewa musua bua kupeta dikuatshisha dia Nyuma wa Tshijila, udi ne bua kudijinga ne tubingila tuakane. Tuipatshila tueba tuikala tuipatshila tua Mukalenga kabidi. Majinga eba owu mikala a didinanga, nebikukolela bua kupeta ne kumvua bidi Nyuma ne bua kukuleja.
Tshia nsongu buanyi ne bueba wewa, tshia kujinga tshidi Mukalenga ujinga. Majinga etu mbimpa ikala maludikibua kudi dinanga dikezuke dia Kilisto. …
… Nyuma wa Tshijila udi utumibua kudi bidimba bia Ekelezia wa Yezu Kilisto bidi bilamata ku bipungidi. Pindiewu, dimanya dieba nedikala dishilangana, ne Nyuma neakulombola bilondeshila bunena bua ditabuija dieba ne bukola bua kupetamabuluila eba ne a bawudi munanga ne bawudi usadila. Ndi nsambila ne moyo wanyi mujima bua ne ditekemena dienu nedikole.
© 2023 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, November 2023. Language. 19050 760