“Ereyɛ Ahoboa Akɔ Temple,” Liahona, Mumu 2023
Bosoom Bosoom Liahona Amandzɛɛbɔ, Mumu 2023
Ereyɛ Ahoboa Akɔ Temple
Ogden Utah Temple Mfonyin a Mark Brunson twae
Jesus Christ N’Asɔr a ɔwɔ hɔ ma Nda a Odzi Ekyir Ahotseweefo ne temple horow mu no yebotum agye ahyɛmudzi na ayɛdze horow ama hɛnho na hɛn ewuakɔr. Yɛkɔ temple dze kyerɛ hɛn dɔ na enyisɔ ma hɛn Ɔsor Egya na Jesus Christ. Yebotum ayɛ ahoboa akɔ temple ber a yerusũa Jesus Christ asɛmpa no na yɛdze robɔ bra. Ama eenya temple ho nsɛm mbordo no, hwɛ Asɛmpa Ahyɛse nkyerɛwee “Temple Work” wɔ LiahonaƆbɛsɛ 2021 dze no mu.
Durban South Africa Temple Mfonyin a Matthew Reier twae
Ewuradze ne Fie
Temple horow wɔfrɛ no “Ewuradze ne fie.” Ɔyɛ mbea krɔnkrɔn a yebotum atse Nyame No Sunsum na No dɔ ma hɛn no ne nkã Ɔyɛ mbea so a yebotum edzi ahyɛmu horow na yɛagye ayɛdze soronko ahorow a ɔbɛyɛ hɛn ahoboa ma yeenya onnyiewiei nkwa. (Ahyɛmudzi yɛ anohoba krɔnkrɔn a ɔda Nyankopɔn na Ne mba ntamu.) Yeridzi nokwar ama hɛn ahyɛmudzi na yɛregye ayɛdze horow yinom no bɔboa hɛn ma yɛnye Ɔsor Egya na Jesus Christ enya nkitahodzi soronko.
Guayaquil Ecuador Temple Mfonyin a Janae Bingham twae.
Woana Botum Akɔ Temple?
Ɔhyɛ ase wɔ afe no a wodzi mfe 12 mu no asɔrmba botum ayɛ enuma ama ewufo. Asɔrba botum agye endowment no sɛ annyɛ yie koraa no oedzi mfe 18, na ɔayɛ Asɔrba annyɛ yie koraa afe kor a, na ɔdɔ pɛ dɛ obedzi temple ahyɛmu horow na oesie a (hwɛ General Handbook: Serving in The Church of Jesus Christ of Latter-day Saints, 27.2.2, ChurchofJesusChrist.org). Ɔbarimba na ɔbaa a woedzi kan agye hɔn endowment no wobotum asɔw hɔn ano (wɔawar) ama mbersantsen wɔ temple mu
Ahyɛmudzi na Ayɛdze horow
Ibedzi ahyɛmu na agye ayɛdze horow wɔ temple. “Yɛnye Nyankopɔn rehɛn ahyɛmu nkitahodzi mu no kyekyer hɛn fam No ho wɔ kwan a ɔma biribiara a ɔfa abrabɔ yi ho yɛ mberɛw ara yie” (Russell M. Nelson, “Overcome the World and Find Rest,” Liahona, Ɔberɛfɛw 2022, 97). Ayɛdze yɛ ndzeyɛɛ krɔnkrɔn a wɔdze asɔfodzitumdzi no yɛ. Ayɛdze wɔ sunsum mu nkyerɛasee a ɔdɔ bun mu. Mfatoho, sɛ edze woho hyɛ ayɛdze bi ne nyɛe mu a, ekyerɛ Nyame dɛ ewɔ pɛ dɛ ebɛgye na ibesie N’ahyɛmudzi no.
Ankorankor Ahosiesie
Yɛ sunsum mu ahosiesie ber a idzi Jesus Christ ne nkyerɛkyerɛ do na isie ahyɛmu a enye Nyankopɔn dzii no enuma ber no. Ibotum so esũa kyerɛwsɛm Asɔr mboa ndzɛmba horow, tse dɛ kyerɛwsɛm no na wiadze mfɛndzanan ehyiadzi mu kasa ahorow no. Temples.ChurchofJesusChrist.org ma dza enyi bɛda ho kwan ho nsɛm ber a ekɔ temple. Temple ahyɛmudzi na ayɛdze horow, na ngyinahɔmadze ho nsɛm a ɔkyerɛkyerɛ mu yie kã ho.
Nauvoo Illinois Temple ne Mfonyin a Eve Tuft twae
Ngyinahɔmadze
Ɔtaa dɛ Ewuradze dze ngyinahɔmadze kyerɛkyerɛ hɛn adze. Mfatoho, enuma—erekɛhyɛ nsu no ase na irupue bio aba sor—tse dɛ wo nyimpa dadaw no ruwu na wo nyimpa fofor no wɔresan awo no bio (hwɛ Romefo 6:3–6). Temple ayɛdze horow no kyerɛ Jesus Christ na No Werdambɔ no. Ɔbɛyɛ dzen dɛ ber a odzi kan a ekɔ temple no ebɛtse ngyinahɔmadze no nyina ase, mbom ibotum akɔ do esũa ber a esan kɔ temple wɔ w’abrabɔ nyina mu.
Temple Recommend
Ama aahɛn temple mu no, ohia dɛ eyɛ ahoboa na efata. Ibotum agye recommend dze ahɛn temple mu ber a enye wo bishop anaa nkorbata president na enye wo stake anaa asɛmpakã president ayɛ kokoamu mpɛnsapɛnsamu ekyir no. Banodzifo yinom bebisa nsɛmbisa ahorow binom dze ehu no pefee dɛ edze Jesus Christ Asɛmpa no robɔ bra. Hom banodzifo botum nye hom akasa afa nsɛmbisa yinom ho ansaana ber no edu.
Hom Resan akɔ Temple ama Hom Ewuakɔr
Ɔsor Egya pɛ dɛ Ne mba nyina nye No dzi ahyɛmu na wɔgye ayɛdze krɔnkrɔn horow. Ayɛdze horow yinom, tse dɛ enuma na endowment no, otwar dɛ wɔyɛ no temple mu ma hɔn a woetwa mu kɔ a wɔanngye asɛmpa no. Ibotum asan akɔ temple dze akɛyɛ ayɛdze horow ama w’ebusua mu mba a woewuwu.
© 2023 odzi wɔ Intellectual Reserve, Inc. Wɔakora ho tumdzi nyinara. Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly Liahona Message, December 2023. ne nkyerɛasee Language. 19049 502