“Ewufo Begyina Nyankopɔn Enyim,” Ma Mbabun Enya Ahoɔdzen, Mumu 2023.
Bosoom bosoom Ma Mbabun Enya Ahoɔdzen Amandzɛɛbɔ, Mumu 2023
Ewufo no Begyina Nyankopɔn Enyim
Ne nyikyerɛ mu no, John hun Atsɛmbu a Odzi Ewiei no.
He Comes Again to Rule and Reign, Mary Sauer yɛɛ nsaano mfonyin no.
ewufo no, nkakraba nye akɛse, gyina Nyankopɔn enyim
Jesus Christ No wusoɛr tum no dze nkorɔfo nyinara ba Nyankopɔn enyim dɛ worubobua hɔn atsɛn (hwɛ Alma 11:42–44; 33:22; 40:21; Helaman 14:15–17; Mormon 9:13–14).
na wobuebuei nwoma no mu
Nwoma yinom gyina hɔ ma nkyerɛwee no a wɔdze sie wɔ asaase do wɔ dza nkorɔfo a wɔwɔ asaase do yɛe dze dzii ahyɛmu anamɔn kwan no do (hwɛ Nkyerɛkyerɛ na Ahyɛmudzi 128:7).
nkwa nwoma no
“Adwenkyerɛ bi mu no, Nkwa Nwoma no nye nyimpa no n’adwendwen na ndzeyɛɛ nyinara a ɔbɔ mu—n’abrabɔ ho nkyerɛwee nsɛm. Mbom, kyerɛwsɛm no so kyerɛ dɛ wɔdze sor nkyerɛwee sie ma agyedzifo, a hɔn edzin na hɔn ndzeyɛɛ tseneenee ho nsɛm a wɔakyerɛw ka ho” (Kyerɛwsɛm no Kwankyerɛ, “Nkwa Nwoma,” scriptures.ChurchofJesusChrist.org).
woebu atsɛn
Atsɛmbu a Odzi Ewiei no ba do ber a nkorɔfo enya wusoɛr ekyir no. Jesus Christ bɛyɛ nyimpa kor biara no Ɔtsɛmbuafo. Atsɛmbu yi bɛkyerɛ onnyiewiei enyimnyam a nyimpa kor biara benya. (Hwɛ Kyerɛwsɛm no Kwankyerɛ, “Atsɛmbu, Odzi Ewiei,” scriptures.ChurchofJesusChrist.org; Alma 41:3–5; Nkyerɛkyerɛ na Ahyɛmudzi 88:26–32.)
dɛ mbrɛ hɔn ndwuma tse
Nyimpa kor biara no wobobua no wɔ dza ɔyɛɛ na dza ɔpɛɛ dɛ ɔbɛyɛ ho (hwɛ Nkyerɛkyerɛ na Ahyɛmudzi 137:9). Mbrɛ wosii yɛɛ setsie maa Nyankopɔn ne mbrasɛm na hɔn ndzeyɛɛ nye kan na nokwar biara a wonyaa no abrabɔ yi mu no saa na wɔdze bobua hɔn atsɛn.
© 2023 odzi wɔ Intellectual Reserve, Inc. Wɔakora ho tumdzi nyinara. Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly For the Strength of Youth Message, December ne nkyerɛase. Language. 19049 502