Подготовки за Присуство во Храм

Во храмовите на Црквата на Исус Христос на Светците од Подоцнежните Дни можеме да се заветиме и да добиеме свети обреди за себе и за нашите предци. Одиме во храм за да ја покажеме нашата љубов и благодарност кон Небесниот Отец и Исус Христос. Можеме да се подготвиме за присуство во храмот учејќи и живеејќи го евангелието на Исус Христос. За повеќе информации за храмовите, види го текстот од Основи на Евангелието „Храмска Работа“ во октомвриското издание на Liahona од 2021 година.

Фотографија од Храмот Дурбан во Јужна Африка од Метју Рајер

Господовиот Дом

Храмовите се нарекуваат „Господовиот дом“. Тоа се свети места каде можеме да го почувствуваме Божјиот Дух и Неговата љубов за нас. Тоа се и местата, каде можеме да се заветиме и да добиеме посебни обреди што ќе нѐ подготват за вечен живот. (Заветите се свети места меѓу Бог и Неговите чеда.) Да се биде верен на нашите заповеди и да се добијат овие обреди ни помага да имаме посебен однос со Небесниот Отец и Исус Христос.

Фотографија од Храмот Гвајакил, Еквадор од Џејн Брингам

Кој сѐ може да Присуствува во Храмот?

Членовите на Црквата може да вршат крштевања за мртвите почнувајќи од годината кога ќе наполнат 12 години. Член може да добие препорака ако има најмалку 18 години, ако е член на Црквата најмалку една година, и сака да се завети и да ги одржи овие храмски завети (види Општ Прирачник: Служење во Црквата на Исус Христос на Светците од Подоцнежните Дни, 27.2.2, ЦркватаНаИсусХристос.org). Маж и жена кои го имаат добиено храмското обдарување може да бидат запечатени (венчани) за вечност во храмот.

Завети и Обреди

Ќе склучувате завети и ќе добивате обреди во храмот. „Влегувањето во заветен однос со Бог нѐ поврзува со Него на начин што олеснува сѐ во животот” (Расел М. Нелсон, „Да се надмине светот и Пронајде Спокој“, Liahona, ное. 2022, 97). Еден обред е свет физички чин извршен од овластен свештеник. Обредите имаат длабоко духовно значење. На пример, кога учествувате во обред, му покажувате на Бога дека сте спремни да ги добиете и да ги одржувате Неговите завети.

Лична Подготовка

Подгответе се духовно следејќи ги учењата на Исус Христос и одржувајќи ги заветите што ги склучивте со Бог при крштевањето. Можете да ги проучувате и црковните ресурси, како светите писма и говорите од генералната конференција. Храмови.ЦркваНаИсусХристос.org дава информации што да очекувате при посета на храмот. Исто така, вклучува поподробни информации за храмските завети, обредите и симболиката на храмот.

Фотографија од Храмот Наву, Илиноис од Ева Тафт

Симболика

Господ често поучува користејќи симболики. На пример, крштевањето—потопувањето и повторното доаѓање—е како нашето погребување на стариот јас и преродување на нашето ново јас (види Римјаните 6:3–6). Храмските обреди укажуваат на Исус Христос и Неговото Помирување. Може да биде тешко да се разбере целата симболика првиот пат кога ќе посетите храм, но можете да продолжите да учите кога ќе се вратите во храмот во текот на вашиот живот.

Храмска Препорака

За да се влезе во храмот, потребно е да бидете подготвени и достојни. Можете да добиете препорака за влез во храмот откако ќе бидете интервјуирани од вашиот епископ или претседател на гранка и од претседателот на кол или мисија. Овие водачи ќе ви постават одреден број на прашања за да се уверат дека го живеете евангелието на Исус Христос. Вашите водачи можат предвреме да разговаат со вас во врска со прашањата.

Враќање во Храмот во име на Вашите Предци

Небесниот Отец сака сите Негови чеда да склучат завети со Него и да добијат свети обреди. Овие обреди, како што е крштевањето и обдарувањето, мора да се извршат во храмовите за оние кои починале без да го примат евангелието. Можете да се вратите во храмот за да ги извршите обредите за вашите починати членови на семејството.