“Mengetmokl elmo Soiseb e ra Templo,” Liahona, Dec. 2023.
Bek el Buil Liahona,Klumech, Ongeteruich ma ongerul buil 2023
Mengetmokl el mo Soiseb er a Templo
Siasing ra Templo er a Ogden Utah el mlara Mark Brunson
Ngara chelsel a templo ra Ikelesia er a Jesus Kristo er a Uriul-klebesei el Santo eng sebeched el ngmai a chedaol telbiil ma chedaol lureor el kired me a re bebil rekid el mla mad. Kede mora templo el olecholt e ra beltkil a rengud ma omereng el saul el mora Demad ra Babeluades ma Jesus Kristo. Ng sebeched el kutmeklid elmo ra templo el okiu omesuub e oltirakl e ra ebangkelio ra Jesus Kristo. A lmuut el bebil ra tekingel a templo, mesa sel babier ra Gospel Basics“Temple Work” e ra Ongeteruich el buil 2021 babier ra Liahona.
Siasing e ra Templo ra Durban South Africa el mlara Mattherw Reier
Blil a Rubak
A templo a okedongall el “blil a Rubak.” A ikang a chedaol basio el sebeched el melchesuar ra Reng ra Dios mesel beltkil a rengul el me rekid. Ng dirrek el basio el sebeched el remuul a telbiil eng mai a tokubets el chedaol lureor elmo kutmeklid el nguu a diak a ulebengelel klengar. (A telbiil a chedaol yaksok el delongelel a Dios ma rengelekel.) Sel doltirakl a telbiled e dengai a ikel chedaol lureor a ngosukid meng morngii a tokubets el delongeled ma Demad ra Babeluades ma Jesus Kristo.
Siasing e ra Templo ra Guayaquil Ecuador mlara Janae Bingham
Ng techang a sebechel mora Templo?
A rechedal a Ikelesia a sebechir el metecholb el kirir a re bladek lomuchel ra uchelel a rak sel bocha le teruich me a eru rekrir. A chedal a Ikelesia a sebechel nguu sel chedaol klisiich alsekum e te mla mo teruich ma eai a rekrir, mla chedal a Ikelesia el ta er rak, e soal kutmokl e mengeluolu a telbiil ra templo (mesa General Handbook: Serving in The Church of Jesus Christ of Latter-day Saints, 27.2.2, ChurchofJesusChrist.org). A sechal ma redil el mla ngmai a chedaol klisiich e ra templo a sebecherir elmo kaubuch el mora diak a ulebengelel ra templo.
Telbiil me a Chedaol Ruoll
Ke mo kutmokl a telbiil e ngmai a chedaol lureor ra elsel a templo. “Soiseb e ra telbiil lobengkel a Dios a omak er kid el morngii meng mo kutmokl a rokui el tekoi el kirel a klengar el mo mimokl” (Russell M. Nelson, “Overcome the World and Find Rest,” Liahona, Nov. 2022, 97). Chedaol ruoll a chedaol lomeruul longetmokl er ngii a robang a klisichel a priesthood. Chedaol ruoll a dmolech a belkul a reng el ngarngii. El uai sel, moruul e ra chedaol ruoll, e kau a olecholt e ra Dios el kmo kau a kongei el mo nguu e mengeluolu a telbilel.
Kedmeklel a Klechad
Mongetmokl ra reng loltirakl ra ikel losisecheklel a Jesus Kristo e mengeluolu a ikel telbiil el mriruul lobengkel a Dios ra ometecholb. Ng sebechem el dirrek el mesuub a babier ra Ikelesia, el ua chedaol llechukl ma cheldecheduch ra klou longdibel. Temples.ChurchofJesusChrist.org a meskid a tekoi el kirel a kmo ngera kirem elmo medengei sel bora templo. Ng dirrek el luldimukl a betok el komakai el tekoi el kirel a telbiil ra templo, chedaol lureor, ma okesiul.
Siasing e ra Templo ra Nauvoo Illinois mlara Eve Tuft
Okesiul
A Rubak a blechoel el olsichakl lousbech a okesiu. El uai a, techolb chelid—mo moduleb ra chelsel a ralm e lmuut el me rebab—a di ua ea mechut el klengar er kau el mla mad ea beches el klengar er kau a mla mechell el beches (mesa Roman 6:3–6). Chedaol lureor ra templo a melutk el mora Jesus Kristo ma Tngakireng er Ngii. Altang eng mo meringel a bo dodengei a rokui el lokesiu ersel kot el taem el bora templo, engdi kau a sebechem el melmolm el mesuub sel omluut el mora templo ra klengar er kau el rokir.
Babier er a Kengei el mo er a Templo
Sel bom siseb ra templo, eng kirem el keltmokl e klikiid. Ng sebechem el nguu a babier er a kengei elmo soiseb ra templo ra uriul ra om chadecheduch kau ma bisop malechub a branch president me ngkel stake malechub a mision president. Tirkal merredel a mo oker a klebechel ker me bol bleketakl el kmo kau a oltirakl e ra ebangkelio ra Jesus Kristo. A re merredelem a sebechir el mengedecheduch er kau el kirel a ikal ker ruchei.
Lmuut el mora Templo el kirir a re Bladek
A Demad ra Babeluades a soal a rokui el Ngelekel a le ketmokl a telbilir lobengkel el ngai a chedaol el lureor. A ikal chedaol lureor, el uai a techolb chelid ma chedaol klisiich, a kirel meketmokl ra chelsel a templo el kirir tirkel a mla mad el dimlak el nguu a ebangkelio. Ke sebechem el lmuut el mora templo elmo meruul a chedaol lureor el kirir a re bladk el chedam.
© 2023 by Intellectual Reserve, Inc. Urrekodel a rokui el klisichel. Milluches er a USA. Kengei er a English: 6/19. Kengei er a Oidel: 6/19. Oidel a { Monthly Liahona Message, December 2023. Language. 19049 881