“A re Bladek a mo Mukerekeriil ra Medal a Dios,” Kirel a Klisichir a Rengeasek, Ongeteruich ma ongerung el buil. 2023.

Bek el Buil Kirel a Klisichir a Rengeasek,Klumech, Ongeteruich ma ongerung el buil 2023

A re Bladek a Mo Mukerekeriil ra medal a Dios

Ngocholt el mlo rengii, ea Johanes a milsang sel Rekir a Kerekeriil.

a re bladek, mekekerei ma re meklou, a mukerekeriil ra medal a Dios

Sel klisichel a Jesus Kristo ra Okisel ra Kodall a ngoititerir a rokui el chad mora medal a Dios elmo mukerekeriil (mesa Alma 11:42–44; 33:22; 40:21; Helaman 14:15–17; Mormon 9:13–14).

a babier a ulebok

A ikal babier a olecholt a rekord el mlengai er tial beluulechad el kirel a luruul a rechad er tial beluulechad el mloltirakl er sel rael ra telbiil (mesa Doctrine and Covenants 128:7).

babier er a klengar

“Beot lomsodel ea Babier ra Klengar sel cherrengelel a uldeseul ma omerellel a chad—ng rekord ra klengar er ngii. Engdi, a chedaol llechukl a dirrek lolecholt el kmo a rekord ra babeluades a keltmokl el kirel a re mekedung, luldimukl ra ngklir ma tekingel a ikel melmalt e ungil lomerellir” (Guide to the Scriptures, “Book of Life,” scriptures.ChurchofJesusChrist.org).

mukerekeriil

Sel Rekir a Kerekeriil a mei ruriul er a rechad a le bekiis ra kodall. A Jesus Kristo a mo ou kerekeriil ra re dertal chad. Tial kerekeriil a mo michii sel mo diak a ulebengelel klebkall el dertal chad a mo nguu. (Mesa Guide to the Scriptures, “Judgment, the Last,” scriptures.ChurchofJesusChrist.org; Alma 41:3–5; Doctrine and Covenants 88:26–32.)

ngoltirakl a ikel luruul

Dertal chad a mo mukerekeriil el kirel a ikel riruul ma ikel mle sorir (mesa Doctrine and Covenants 137:9). Te mo mukerekeriil ra kmo te mle oltirakl a llechul a Dios e meruul el ungil loltirakl er a llomes ma klemerang el ngilai er tial klengar.

© 2023 by Intellectual Reserve, Inc. Urrekodel a rokui el klisichel. Milluches er a USA. Kengei er a English: 6/19. Kengei er a Oidel: 6/19. Oidel a Monthly For the Strength of Youth Message, December 2023. Language. 19049 881