ሙታን በእግዚአብሔር ፊት ይቆማሉ

ዮሃንስ በራዕዩ ስለ መጨረሻው ፍርድ አይቷል።

ሙታንም፣ ታናናሾችና ታላላቆች፣ በእግዚአብሔር ፊት ይቆማሉ።

የኢየሱስ ክርስቶስ ትንሳኤ ሃይል ሰዎችን ሁሉ ለፍርድ ወደ እግዚአብሔር ፊት ያመጣል (አልማ 11፥42–44፤ 33፥22፤ 40፥21፤ ሔላማን 14፥15–17፤ ሞርሞን 9፥13–14 ተመልከቱ)።

መጽሐፎቹ ተከፍተው ነበር

እነዚህ መጻሕፍት ሰዎች የቃል ኪዳኑን መንገድ ለመከተል በምድር ላይ ስላደረጉት ነገር በምድር ላይ የተቀመጡ መዝገቦችን ይወክላሉ (ትምህርት እና ቃል ኪዳኖች 128፥7 ተመልከቱ)።

የህይወት መፅሐፍ

“በአንድ መንገድ፣ የሕይወት መጽሐፍ የአንድ ግለሠብ አጠቃላይ ሀሳቦች እና ድርጊቶች—የህይወቱ መዝገብ ነው። ነገር ግን፣ ቅዱሳት መጻህፍት ለታማኞች ስማቸው እና የጽድቅ ሥራቸውን የሚገልጹ ዘገባዎችን የያዘ ሰማያዊ መዝገብ እንደተቀመጠ በተጨማሪም ይጠቁማሉ” (የቅዱሳት መጻህፍት መመሪያ “የህይወት መዝገብ፣” scriptures.ChurchofJesusChrist.org)።

መዳኘት

የመጨረሻው ፍርድ የሚመጣው ሰዎች ከሞት ከተነሱ በኋላ ነው። ኢየሱስ ክርስቶስ የእያንዳንዱ ሰው ዳኛ ይሆናል። ይህ ፍርድ እያንዳንዱ ሰው የሚያገኘውን ዘለአለማዊ ክብር ይወስናል። (የቅዱሳት መጻህፍት መመሪያ “ፍርድ፣ የመጨረሻው፣” scriptures.ChurchofJesusChrist.org፤ አልማ 41፥3–5፤ ትምህርት እና ቃል ኪዳኖች 88፥26–32 ተመልከቱ።)

በስራቸው መሰረት

እያንዳንዱ ሰው በስራው እና በፍላጎቱ መሰረት ይፈረድበታል (ትምህርት እና ቃል ኪዳኖች 137፥9 ተመልከቱ)። የእግዚአብሔርን ትእዛዛት በማክበር አለማክበራቸው እንዲሁም በዚህ ህይወት ውስጥ ከተቀበሉት ከየትኛውም ብርሃን እና እውነት ጋር በሚስማማ መንገድ በመኖር አለመኖራቸው መሰረት ይፈረድባቸዋል።

© 2023 by Intellectual Reserve, Inc. All rights reserved. በዩ.ኤስ.ኤ ውስጥ የታተመ። እንግሊዘኛ የተፈቀደበት፦ 6/19። ትርጉም የተፈቀደበት፦ 6/19። Monthly For the Strength of Youth Message, August 2023 (እ.አ.አ) ትርጉም። Language. 19049 506