Porous ren Ren Ewe Pochokunen SerafoIteiten Maram February 2024

2 Nifai 5

Ngang Mi Nonnom “mwirin ewe Napanapen Pwapwa”?

Seni Eric D. Sniderr

Puken porousen Mwichefen

Ikkei ekkoch ekiek ren om kopwe nonnom ussun ewe napanap Nifai a apasa noun kewe aramas ra nonnom.

Sasing seni Alyssa Gonzalez

Ekis fansoun mwirin imuno seni ekkewe Lamanites, Nifai a apasa noun kewe aramas ra “nom mwirin ewe napanapen pwapwa” (2 Nifai 5:27). Ekieki pwe mi wor pwan ew mwichen aramas ekkewe ra mochen nir (nengeni 2 Nifai 5:1–6, 14), meni epwe amairu. Ifa ussun an emon epwe pwapwa fan nurun sokkun napanap.

Mwen meinisin, maketiw “sia nonnom mwirin ewe napanapen pwapwa” esap wewen “meinisin iteiten emon me emon Niphite a pwapwa 24/7.” Wewen ra nonnom non ewe sokkun napanap, me fori ekkewe sokkun mettoch, pwe napengeni ra emwen ngeni pwapwa. Unusanapan, inamo ren sosotur, ew fansoun mi apwapwa.

Nge met “napanapen pwapwa”? Ifa ussun sia fori napanapan non pusin manauach, minne mi pwan wor sosotun? Sia nengeni!

• Kopwe anneasosich “Sia nenengeni ach sipwe aponueta … ekkewe annukun ewe Samon” (2 Nifai 5:10).

  Manaueni ewe kapas allim ina Step 1. Meni kopwe pwapwa non tipis ren chok ekis fansoun, nge esap namotam. ”Tumunochu anneasonap Kot esap ina “ewe napanapen pwapwa” nengeni Alma 41:10).

• Kuta ekkewe pukfel. Iwe ngang, Nifai, ua pwan nukeato ekkewe uruo ra maketiw won ekkewe chön seleichen piras” (2 Nifai 5:12). “Sia … attonaochur me kuna pwe ra ra fokkun murinno; ewer, me a pwan watte auchear merem” (1 Nifai 5:21) .

  Noun Nifai kewe aramas ra anomu ekkewe pukefen. Me rese chok annomu rer—ra nenengeni ir.

• Rongorong an epwe amwasanga souemwen. “Ngang, Nifai, ua epinono Jacob me Joseph, pwe repwe pris me sense won … nei kewe aramas” (2 Nifai 5:26).

  Ekkei sense repwe nounou kewe pukefel pwe nour minen emwen (nengeni 2 Nifai 4:15; 6:4).

• Feinno ngeni ewe tempel (me ekkoch neni mi pin). “Ngang, Nifai, ua oueta ei tempel” (2 Nifai 5:16).

  Mi auchea an epwe wor ach neni mi pin ussun imwen mwich, me ekkewe tempel ren ekkewe chon kaeo ar repwe chufengen me fel ngeni Kot. (Sia tongeni ekieki pwe ekkewe Nephites ese chok worar tempel—ra pwan aea.) Ika ka tongeni tonong non ew tempel non pukupukun aramas, ka tongeni fori iteitan angangen uruon famini.

• Oupwe angang weires me angei feiochun. “Ua osukuna nei aramas ar repwe oueta ekkewe imw, me ar repwe angang. … [Ua] fori nei kewe aramas ar repwe sinenap non pekin kou imw seni sokopaten pisekin koutan imw, me angang fitii pour” (2 Nephi 5:15, 17).

  Kinikinin “ewe napanapen pwapwa” ach sipwe fori och mettoch! Ew assignment, ew angang, ew wis ren—mettoch a ngonuk om kopwe anonga om ekiek won me popun (fiti ururun fansoun kopwe asoso). Mi weires om kopwe pwapwa ika ka tipitipingaw fansoun meinisin.

Kopwe apasa pwe ka nom me mwan mwirin ewe napanapen pwapwa? Ika apw, meni an Nifai pisekin apiru a tongeni ngonuk ekkoch ekiek ifa ussun kopwe fefeita.

© 2024 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Porous ren ewe Pochokunen Sarafo Iteiten Maram, February 2024. Language. 19276 901