Rongorongo Ibukin Kakorakoraia Kairake ni Katoa Namwakaina, Beberuare 2024

2 Nibwaai 5

I Maiu “imwiin Maiuakinan te Kukurei”?

Iroun Eric D. Snider

Ana Maekatin te Ekaretia

Aikai tabeua iango ibukim bwa ko aonga ni karaoa are a karaoia.

Te Kamataata n te tamnei iroun Alyssa Gonzalez

Imwiin, maenakoia ma Reimwanaite, e taekinna Nibwaai bwa ana aomata “imwina a maiuakina te kukurei” (2 Nibwaai 5:27). N iangoia bwa iai kurubu n aomata ake a iangoa tiringakiia (taraa 2 Nibwaai 5:1–6, 14), n te aro ae kakubanako. A na kanga ni kukurei aomata iaan aroaro ni kabane?

Te moan, ataia bwa “te maeka imwiin karekean te kukurei” e bon aki nanonaki bwa “a kimwareirei Nibwaite 24/7.” E bon nanonaki bwa a maeka inanon te kawai, ma bwaai, ake a na kairiia nakon te kakukurei. N taraana, ao tokanikaia iaon aia kangaanga, bon te tai ae kakukurei.

Ma ngaia are tera “imwiin maiuakinan te kukurei”? Ti na kangaa ni katitebooa ma maiura, ae iai naba kangaanga inanona? Ti na taraia!

• Bwaina te ongotaeka. “Ti teimatoa n ongeaba ni kaawakin … ana tua te Uea” (2 Nibwaai 5:10).

  Maiuakinan ana euangkerio bon mwaneka 1. Tao ko na kukurei inanon karaoan te bure, ma e na bon aki kona n teimaan. Te aki ongeaba nakon te Atua bon tiaki “maiuakinan te kukurei” (taraa Aramwa 41:10).

• Kakaae ni Booki aika tabu. “Ao Ngai, Nibwaai, I … uoti taian rongorongo ake a koreaki iaon taian bwaatua aika buraati” (2 Nibwaai 5:12). “Ti … ukeuke ao n ataia bwa a kangkang; eng, ao a korakora bonganaia naba nakoira” (1 Nibwaai 5:21).

  A karekei koroboki aika tabu ana aomata Nibwaai. A bon aki tii karekei ma-a bon ukeuke naba inanona.

• Kakauonga nakoia taan kairiiri. “Ngai, ae Nibwaai, I a katabuia Iakobwa ma Iotebwa, bwa a na riki bwa ibonga ma taan reirei n abaia … au botanaomata” (2 Nibwaai 5:26).

  Taan reirei aikai a bon kabonganai koroboki aika tabu bwa aia boki ni kairi (taraa 2 Nibwaai 4:15; 6:4).

• Naako nakon n te tembora (ao n taabo aika tabu). “Ngai, ae Nibwaai, I katea te tembora” (2 Nibwaai 5:16).

  E rangi ni kakawaki bwa e na iai taabo aika tabu n aron auti n taromauri ao taian tembora ibukiia taan iriiria ao n taromauriia. (Ti kona n ataia bwa a bon aki tii karekei aia tembora Nibwaite—ma a bon kabonganaa raoi.) Ngkana ko aki kona n roko n te tembora, ko kona n teimatoa ni karaoa am mwakuri iaon rongorongon te utu.

• Bwaina te kakamwakuri. “I reireiniia au botanaomata aroia ni kabaa te kaibuke, ao ni mwakuri. … [Ngai], Nibwaai, I a kairiia au botanaomata bwa a na mwammwakuri, ao ni kabonganai baia” (2 Nibwaai 5:15, 17).

  Mwakoron “maiuakinan te kukurei” bon karekean te mwakuri ae ti na karaoia! Te mwioko, te mwakuri, katabeara—bwaai aika a na anganiko te taratara ao te kaantaninga (ma taai aika angaraoi, iroum ni kakakibotu). E kangaanga reken te kukurei ngkana ko botu ni katoa tai.

Ko kona n taekinna bwa ko a tia ni maiu imwiin maiuakinan te kukurei? Ngkana ko aki kona, ao e kona ni kaira am iango bannan Nibwaai bwa ko na kangaa ni katamaroa.

© 2024 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Rongorongo Ibukin Kakorakoraia Kairake ni Katoa Namwakaina, Beberuare 2024. Language. 19276 859