“Tōmak ilo Kraist m̧okta jen An Bar Itok,” N̄an Kōkajoorļo̧k Jodikdik ro, Epr. 2024.
Ennaan eo N̄an Kōkajoorļo̧k Jodikdik ro Kajjojo Allōn̄, Eprōļ 2024
Tōmak ilo Kraist m̧okta jen An Bar Itok
RiNipai ro raar tōmak m̧okta jen an Rilo̧mo̧o̧r kar itok, im jemaron̄ bōk tōmak m̧okta jen An bar itok
Kwonan̄in ke kar ļōmņak en kar elmen n̄an tōmak ilo Rilo̧mo̧o̧r m̧okta jen An itok n̄an laļin? RiNipai ro etto raar kōm̧m̧an em̧m̧an—“n̄an reim̧aanļo̧k n̄an itok eo an Messaia, im tōmak ilo E n̄an itok āinwōt n̄e eaar itok” (Jarom 1:11).
Raan kein, ewōr ippād jeje ko rekwojarjar im bwebwenatoin rekoot ko me rej kam̧ool bwe Jisōs Kraist ekar mour, ekar mej, im bar jerkak. Jej tōmak ilo juon Rilo̧mo̧o̧r eo em̧ōj an kar itok. Ak jej bar tōmak ilo juon Rilo̧mo̧o̧r eo enaaj bar itok.
M̧okta jen an Jisōs Kraist kar Itok, riNipai Raar Tōmak N̄an:
N̄an jeo̧rļo̧k an ļōm̧aro nejier bōd.
“Jabdewōt eo ej tōmak bwe Kraist enaaj itok, ejja in wōt emaron̄ bōk jeo̧rļo̧k in jero̧wiwi ko an, im m̧ōņōņō kōn lan̄lōn̄ eo ekanooj ļap, em̧ool āinwōt n̄e eaar dedeļo̧k An itok ilubwijlier” (Mosaia 3:13; naan ko kar kobaiktok).
Jeorļo̧k aer make bōd.
“Im eaar itok juon ainikien n̄an eō, im ba: Inōs, jero̧wiwi ko am̧ rejako jān eok. … Kōn menin, jerawiwi ko aō raar jako. Im iaar ba: Irooj, ekōjkan an men in kōm̧m̧an? Im Eaar ba n̄an eō: Kōnke tōmak eo am̧ ilo Kraist, eo kwōj jan̄in kar m̧oktaļo̧k ron̄ ak lo. Im elōn̄ iiō ko raar eļļā m̧okta jān An naaj kwaļo̧k E ilo kanniōk; … am̧ tōmak eaar kōmour eok” (Inōs 1:5–8; naan ko kar kobaiktok).
Kōm̧m̧ani menin bwilōn̄ ko.
“Jeļā kōn Kraist, im eaar wōr am̧ kōjatdikdik kōn aiboojoj eo An elōn̄ bukwi iiō ko m̧okta jān itok eo An. … Bwe m̧ool emaron̄ jiron̄ ilo etan Jisōs im wōjke ko rej pokake, ak toļ ko, ak ņo ko ilo̧jet” (Jekab 4:4, 6; naan ko kar kobaiktok).
Bōk Revelesōn
“Eaar lōn̄ ro raar aer tōmak eaar kanooj kajoor, m̧okta jān an Kraist kar itok, ro rekar jab maron̄ dāpij er jān ilowaan rōn̄el nuknk eo, a em̧ool raar lo kōn mejāer” (Ether 12:19; naan ko kar kobaiktok).
M̧okta jen an Jisōs Kraist Bar Itok, Jemaron̄ Bōk Tōmak N̄an:
Jeo̧rļo̧k bōd, jeo̧rļo̧k ad make bōd, kōm̧m̧ani menin bwilōn̄ ko im bōk revelesōn (āinwōt riNipai ro).
Kōpooj kōj make n̄an itok eo An.
Ilo ad kajjieon̄ kōjparok bujen ko ad, jej kōppopo n̄an mour ilo aelōn̄ in selestial. “Bwe lo, mour in ej iien eo n̄an armej bwe ren maanjabpopo n̄an ioon Anij; aaet, lo raan eo ilo mour in ej raan eo n̄an armej bwe ren kōm̧m̧an jerbal ko aer” (Alma 34:32).
Kōpooj laļ in n̄an itok eo An.
Būreejtōn Russell M. Nelson ekar kajjitōk ippād n̄an m̧ōttan “jerbal in eļap ioon laļin”—n̄an aiintok Israel. “Jemedwōj Ilan̄ eaar kepooj elōn̄ iaan jetōb ro Nejin routiej—bōlen, imaron̄ in ba, kumi eo An rem̧m̧an tata—n̄an m̧ōttan in āliktata. Jetōb ko routiej—rikkure ro remōkade tata, ro reperan tata—rej kwe!”1
Bōk kōjatdikdik ilo iien ko reppen.
N̄e Rilo̧mo̧o̧r enaaj bar itok, ro rōwānōk renaaj bar mour ilo aenōm̧m̧an. Rilo̧mo̧o̧r enaaj tōl, enaaj kōm̧m̧an ilo jim̧we. “Bwe Irooj enaaj pād ilubwiljier, im An aiboojoj enaaj pād ioer, im E naaj aer kiin̄ im aer rileļo̧k kakien’ (Katak im Bujen Ko 45:59).
Lōke ilo Jerkakpeje eo.
Aolep armej renaaj jerkakpeje. Jenaaj bōk, ānbwin ko rejjab wabanban. Jenaaj bar lo ro rejitenbōro ippād me raar jako. “Jetōb im ānbwin naaj bar koba ilo jekjek eo an eweppān; ra im makwōj jimor, naaj kōrool n̄an jekjek eo eweppān an; em̧ool āinwōt kiiō jej pād ilo tōre in” (Alma 11:43).
RiNipai ro etto eaar wōr aer tōmak ilo Rilo̧mo̧o̧r m̧okta jen An kar itok. Jemaron̄ bōk tōmak bwe Rilo̧mo̧o̧r enaaj bar itok—n̄e “[jenaaj] lo [E] ilo kōdo̧ ko ilan̄, pālpel kōn kajoor im wōj eļap” (Katak im Bujen Ko 45:44; bar lale Jerbal 1:11). Elmen jeļā ke E enaaj bar itok n̄an ukōt ta eo kwoj kōm̧m̧ane rainin?
© 2024 jān Intellectual Reserve, Inc. All rights reserved. Printed in USA. Kōmālim ilo kajin In̄lij: 6/19. Kōmālim ukook eo: 6/19. Ukook eo an Monthly For the Strength of Youth Message, April 2024. Language. 19353 874