Mukenji wa ku Ngondu Bua Dikankamika dia Bansonga, Ngondu Muitanu 2024
Bipungidi ne Majitu
Tshikosu
Philippines
Tshipungidi tshidi dipangadika bua kukumbaja amua majitu. Mapangadika a nkaya adi a mushinga bua kulongolola nsombelu yetu ya nkaya ne bua ntungunukilu ya nsangilu. …
Pa kakumbana tshikondu bua Dipinguluja dia Tshiuwidi tshia Lumu Luimpa lua Yezu Kilisto, Nzambi wakabikila muambi Joseph Smith. … [Mukanda wa Molomo] udi mushimi munena wa Dipinguluja dia tshiuwidi tshia lumu luimpa, biangata ne Dilongolola dia Nzambi bua bana benda, ne Mukanda wa Molomo udi muwujibua ne mifundu ituma ku bipungidi. …
Bipungidi bivua bishimikidi bia mushinga mu Dipinguluja dia lumu luimpa. Etshi tshidi tshijadikilu mu bienzedi bia kumudilu muvua Mukalenga uludika Muambi mu dilongolola Ekelezia wenda. …
Ekelezia wa Yezu Kilisto wa Bansantu ba Matuku a Ndekelu udi wibaka ntempelo mu buloba bujima. Kipatshila kabu kadi ka kubenesha bana ba tshipungidi ba Nzambi ne dikukuila mu ntempelo ne majitu a tshijila ne bukola ne mabenesha a pabuawu bua kuikala basuikibua kudi Kilisto udibu bapeta ku bipungidi.
Ekelezia wa Yezu Kilisto wa Bansantu ba Matuku a Ndekelu udi mumanyibua bu ekelezia udi wimanyina pa kuenza bipungidi ne Nzambi. Bipungidi bidi bia mushinga mu milulu yonsu ya lupandu ne dizanjikibua didi Ekelezia mupingajilula ewu wenza. Mululu wa ditambula ne mishinga yonsu idi imushindikija idi milombibua bua kubuela mu bukalenga bua selestiya. Milulu ne bipungidi bia ntempelo bidi biyishindikija idi milombimbua bua dizanjikibua mu bukalenga bua selestiya, budi moyo wa tshiendelela, “dipa dinena dia ku onso a Nzambi” [Dilongesha ne Bipungidi 14:7]. Esthi ki nshindamenu wa Ekelezia wa Yezu Kilisto wa Bansantu ba Matuku a Ndekelu.
© 2024 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, May 2024. Tshiluba. 19298 760