हामीलाई असल कार्य गर्न बोलावट गरिएको छ

एल्डर रोनल्ड ए. रासब्याण्डद्वारा

बाह्र प्रेरितहरूको गणका

छवि

एल्डर रोनल्ड ए. रासब्याण्ड

जब हामीले अरूहरूको सेवा गर्छौँ, आफ्नो ज्योति माथि उचाल्छौँ र धार्मिक स्वतन्त्रताका लागि खडा हुन्छौँ, हामीले परमेश्वरको अधिराज्य निर्माण गर्छौं ।

झूटो शिक्षा सुनेर गिदोनले जानकारी प्राप्त गरे । तिनले यो राजा नोआ र तिनका पादरीहरूबाट सुनेका थिए—पादरीहरू जो “आफ्ना हृदयका घमण्डमा उचालिएका थिए” र जसलाई “नोआ राजाले उनका जनमाथि लगाएका करहरूद्वारा उनीहरूलाई उनीहरूको अल्छीपनमा र मूर्तिपूजामा र वेश्यावृत्तिमा पालिएको थियो;” (मोसीयाह ११:५-६) ।

सबैभन्दा नराम्रो विषय, राजा नोआले अगमवक्ता अबिनादीलाई मारेका थिए र अल्मा र तिनीद्वारा परिवर्तित भएकाहरूलाई नष्ट गर्न खोजेका थिए (हेर्नुहोस् मोसीयाह १७; १८:३३-३४) । यस्तो दुष्टताको अन्त्य गर्न, गिदोनले राजालाई रोक्ने प्रतिज्ञा गरे, जसलाई लमानीको आक्रमणका कारणले गर्दै मात्र उनले बचाए (हेर्नुहोस् मोसीयाह १९:४-८) ।

पछि, गिदोनले २४ लमानीहरूका छोरीहरू भगाएर लैजानमा नोआका पादरीहरूलाई दोष लगाए । उनले अबिनादीका जनहरू विरुद्ध गरेका अगमवाणी पूरा भएको देखे किनभने तिनीहरूले पश्चात्ताप गर्न अस्वीकार गरेका थिए । (हेर्नुहोस् मोसीयाह २०:१७–२२ ।) उनले लिम्हीका जनहरूलाई छुटकारा दिन सहयोग गरे, जो लमानीहरूको दासत्वमा थिए (मोसीयाह २२:३-९ हेर्नुहोस्) ।

अब वृद्ध, गिदोनले पुन: एक पटक घमण्ड र दुष्टता दुबैको सामना गरे जब तिनी नेहोरका सामु उभिए, जसले मानिसहरूमा पाखण्डीपनको परिचय दिएका थिए । नेहोर “चर्चका विरुद्धमा लडिरहेका थिए” र मानिसहरूलाई बहकाउन खोजिरहेका थिए । (हेर्नुहोस् अल्मा १:३, ७, १२; २ नफी २६:२९ पनि हेर्नुहोस् ।)

आफ्नो हतियारका रूपमा परमेश्वरको वचन प्रयोग गर्दै, निडर गिदोनले नेहोरलाई उनको दुष्टताका लागि चेतावनी दिए । क्रोधित, नेहोरले गिदोनलाई आफ्नो तरवारले आक्रमण गरे र मारे । (हेर्नुहोस् अल्मा १:७-९ ।) यसरी “धर्मिक मानिस” का दिनहरू समाप्त भए जसले “यस मानिसहरू माझ धेरै असल कार्य गरेका थिए” (अल्मा १:१३) ।

हामी जिइरहेका पछिल्ला दिनहरूले हामीलाई गिदोनलाई अनुकरण गर्दै “परमेश्वरका हातका औजार” (अल्मा १:८) अरूहरूका लागि “सेवा” (मोसीयाह २२:४) गरेर, धार्मिकताको पक्षमा उभिएर परमेश्वरको आराधना र सेवा गर्ने हाम्रो स्वतन्त्रतामा खतराहरू सामना गर्ने प्रशस्त अवसरहरू प्रदान गर्छन् । जब हामी गिदोनको आस्थावान् उदाहरण अनुशरण गर्छौँ हामी पनि धेरै असल कार्य गर्न सक्छौँ ।

छवि

ओछ्यानमा सुतेकी महिलाको छेउमा खानाको किस्ती लिएर उभिएकी महिला

सेवामा एकजुट हुनुहोस्

“[मुक्तिदाताका] अनुयायीहरूका रूपमा, हामी परमेश्वर र संसारभरिका हाम्रा छिमेकीहरूलाई प्रेम गर्न खोजी गर्छौँ,” प्रथम अध्यक्षताले भन्नुभएको छ । “पछिल्ला दिनका सन्तहरूको येशू ख्रीष्टको चर्च अरूहरूलाई आशीषित गर्न र आवश्यकतामा परेकाहरूलाई सहयोग गर्न उत्सुक छ । यो पवित्र उत्तरदायित्व पूरा गर्न सक्ने क्षमता, श्रोत र विश्वव्यापी विश्वसनीय सम्बन्धहरू प्राप्त भएकोमा हामी धन्य छौँ ।”^१

चर्चका सदस्यहरूले हाम्रा मन्दिरहरूमा र तिनीहरूका वार्डहरू, शाखाहरू र किलाहरूमा प्रदान गर्ने निःस्वार्थ सेवा र परोपकारका लागि म कृतज्ञ छु । चर्च सदस्यहरूले अनगिन्ती सामुदायिक, शैक्षिक र परोपकारी संस्थाहरूमा सेवा गर्छन् र तिनीहरूले वार्षिक रूपमा हजारौँ मानवीय परियोजनाहरूमा संलग्न हुन्छन्, करीब २०० देशहरू र क्षेत्रहरूमा लाखौँ घण्टा स्वयम् सेवा गरेकोमा पनि म कृतज्ञ छु ।^२

धेरै देशहरूमा सेवाका अवसरहरूलाई व्यापक बनाउने चर्चको एक तरिका JustServe.org का माध्यमबाट हो । चर्चद्वारा प्रायोजित तर अरूहरूलाई आशीषीत गर्न चाहने जो कोहीलाई पनि उपलब्ध छ, JustServe.org ले “समुदायमा जीवनको गुणस्तर बढाउने स्वयम् सेवकहरूसँग समुदाय स्वयम् सेवकका आवश्यकताहरूको समायोजन गर्छ” ।^३

चर्च र यसका सदस्यहरूले पनि विश्वभरका सेवा प्रदायक संस्थाहरूसँग मिलेर कार्य गर्छन् । “२०२२ मा सबैभन्दा ठूलो रेड क्रस रक्त अभियानमा एकमात्र योगदानकर्ता भएको चर्चले आफ्ना सदस्यहरूलाई धन्यवाद व्यक्त गर्छ ।” थप रूपमा, चर्चले हालै रेड क्रसलाई ८.७ लाख डलर दान गरेको छ ।^४

चर्चले विश्वभरका क्षेत्रहरूमा सफा पानी र सरसफाइ परियोजनाहरू प्रदान गर्न सङ्गठनहरूसँग सहभागी हुन्छ । २०२२ मा, १५६ त्यस्ता परियोजनाहरूमा चर्च सहभागी भयो ।^५ हामी अन्य संस्थाहरूलाई पनि सहयोग गर्छौँ र दान गर्छौँ जसले परमेश्वरका पीडित बालबालिकाहरूलाई राहत दिन्छ ।^६

“जब हामी आवश्यकतामा परेका मानिसहरूको सेवा गर्न हात मिलाउछौँ,” अध्यक्ष हेनरी बी आइरिङ, प्रथम अध्यक्षताका दोस्रो सल्लाहकारले भन्नुभयो, “परमेश्वरले हाम्रो हृदयलाई एकतावद्ध गर्नुहुन्छ ।”^७

छवि

हातले सूर्यको प्रकाशलाई घेरेको

आफ्नो ज्योति माथि उचाल्नुहोस्

मुक्तिदाताका अनुयायीहरूका रूपमा, हामी हाम्रा छिमेकीहरूलाई पनि आशीषित गर्छौँ जब हामी हाम्रा करारहरू पालना गर्छौँ र ख्रीष्टको जस्तो जीवन यापन गर्छौँ । मोर्मोनको पुस्तकले सिकाउँछ कि “चर्चका मानिसहरू” ले धार्मिकता मात्रै छनोट गर्नु हुँदैन तर तिनीहरूको धार्मिक आवाज पनि सुनाउनु पर्छ यदि तिनीहरूले परमप्रभुले उनीहरूको रक्षा र समृद्धि गरून् भन्ने चाहन्छन् (हेर्नुहोस् अल्मा २:३-७; मोसीयाह २९:२७पनि हेर्नुहोस्) । परमप्रभु हामीबाट हाम्रो आस्था र विश्वास बाँढ्ने र आफ्नो ज्योति माथि उचाल्ने अपेक्षा गर्नुहुन्छ । “हेर म त्यही प्रकाश हुँ जुन तिमीहरूले उचाल्ने छौ” (३ नफी १८:२४) ।

“हामीले हाम्रा मुक्तिदातालाई उपयुक्त रूपमा सेवा गर्दैनौँ यदि हामी परमेश्वर भन्दा मानिससँग डराउँछौँ,” प्रथम अध्यक्षतामा प्रथम सल्लाहकार अध्यक्ष ड्यालिन एच ओक्सले भन्नुभयो । उहाँले थप्नुभयो, “हामीहरूलाई परमप्रभुको स्तरलाई स्थापित गर्न बोलावट गरिएको हो, संसारको अनुसरण गर्न होइन ।”^८

चाहे विद्यालयमा, कार्यालयमा वा खेलकूदमा, छुट्टीमा, डेटमा वा अनलाइन, परमप्रभुका अनुयायीहरू “ख्रीष्टको नाम लिन लज्जितहुँदैनन्” (अल्मा ४६:२१) । हामी हाम्रा शब्दहरू र हाम्रा कार्यहरूद्वारा गवाही दिन्छौँ कि परमेश्वर जीवित हुनुहुन्छ र हामी उहाँका पुत्रलाई अनुशरण गर्छौँ ।

“हाम्रो आस्था विभाजन गरिएको छैन वा निश्चय नै यो हुनु हुँदैन । आस्था केवल चर्चका लागि होइन, यो घरका लागि मात्रै पनि होइन, यो [विद्यालय] का लागि मात्रै होइन,” धार्मिक अनेकताका पछिल्ला दिनका विशेषज्ञ पल ल्याम्बर्टले अवलोकन गरे । “यो तपाईंहरूले गर्नुहुने सबै विषयका लागि हो ।”^९

हाम्रो गवाहीको असल उदाहरण र असल कार्यहरूले अरूहरूमा कस्तो प्रभाव पार्न सक्छ भन्ने विषय हामीलाई थाहा छैन । परन्तु जब हामी अधिकारको पक्षमा उभिन्छौँ र मुक्तिदाताको ज्योतिलाई धारण गर्छौँ, मानिसहरूले हामीतर्फ ध्यान दिने छन् र स्वर्ग हाम्रा लागि जरा बन्ने छ ।

छवि

मन्दिर बाहिर उभिएकी महिला

धार्मिक स्वतन्त्रताका लागि खडा हुनुहोस्

आजको पाखण्डीपन, बढ्दो धर्मनिरपेक्ष समाजहरूले आस्थाका मानिसहरूका विरुद्धमा लडिरहेका छन्, यो मोर्मोनको पुस्तकको समयभन्दा भिन्न छैन । सार्वजनिक र राजनीतिक क्षेत्रहरूमा धर्मको महत्त्वपूर्ण भूमिकाको विरोध गर्नेहरूको आवाज चर्को हुँदै गइरहेको छ । धर्मनिरपेक्षताहरू र सरकारहरू, धेरै विद्यालयहरू र विश्वविद्यालयहरू सहित, वाध्यात्मक आचरण र अनैतिकता, नास्तिकता र नैतिक सापेक्षतावादलाई परिवर्तन गरिरहेका छन् ।

यदि हामी हाम्रो धार्मिक अधिकारका लागि खडा भएनौँ भने धार्मिक स्वतन्त्रतामाथि गरिने आक्रमणहरू सफल हुने छन् । “चर्चका रूपमा,” मैले भर्खरै सिकाएको थिएँ, “हामी सबै धर्म र धारणाका मानिसहरूको रक्षा गर्ने र तिनीहरूको दृढ आस्थामा बोल्ने अधिकारको रक्षा गर्ने अन्य धर्महरूसँग सहभागी हुन्छौँ ।”^१०

स्वर्गमा नैतिक छनोटका लागि एक युद्ध लडिएको थियोछनोटको हाम्रो स्वतन्त्रता । हाम्रो छनोटको स्वतन्त्रतालाई संरक्षण गर्नका लागि हामी हाम्रो धार्मिक स्वतन्त्रताको रक्षा गर्न लगनशील हुनु आवश्यक हुन्छ ।

जीवन्त धार्मिक आस्थाले परिवारहरू, समुदायहरू र राष्ट्रहरूलाई मजबूत बनाउँछ र सुरक्षा दिन्छ । यसले कानुनको आज्ञाकारितालाई उत्प्रेरित गर्छ, जीवन र सम्पत्ति प्रतिको सम्मानलाई जगाउँछ र करुणा, इमानदारिता र नैतिकता सिकाउँछ—एक न्यायपूर्ण, स्वतन्त्र र नागरिक समाजलाई स्थापित् गर्न आवश्यक पर्ने गुणहरू । हामीले हाम्रो आस्थाका लागि कहिल्यै क्षमा याचना गर्नु पर्दैन ।

सुसमाचार प्रचारका हाम्रा प्रयासहरू, मन्दिरहरूमा हाम्रो प्रतिनिधिका रूपमा गरिने कार्य, परमेश्वरको अधिराज्य निर्माण गर्ने हाम्रा प्रयासहरू र हाम्रो अधिक खुशीका लागि हामी धार्मिक आस्था र स्वतन्त्रताका लागि खडा हुनु आवश्यक छ । हामीले अन्य स्वतन्त्रताहरू नगुमाई त्यो स्वतन्त्रता गुमाउन सक्दैनौँ ।

अगमवक्ता जोसेफ स्मिथले सिकाउनु भयो, “यो त्यो स्वतन्त्रताको प्रेम हो जसले मेरो आत्मालाई प्रेरित गर्छ—सम्पूर्ण मानव जातिका लागि नागरिक र धार्मिक स्वतन्त्रता ।”^११ धार्मिक स्वतन्त्रताले हाम्रो आत्मालाई पनि प्रेरित गर्ने छ जब हामी चर्चका अगुवाहरूको सल्लाहको अनुशरण गर्छौँ ।

“सार्वजनिक महत्त्वका विषयहरूका सम्बन्धमा सूचित रहनुहोस् र त्यसपछि साहस र सभ्यताका साथ बोल्नुहोस् ।”^१२
“धार्मिक स्वतन्त्रताको बिनाशले हाम्रो सामर्थ्य र सुसमाचारको ज्ञानमा वृद्धि गर्ने, पवित्र विधिहरूद्वारा आशीषित हुने र उहाँको चर्चलाई निर्देशित गर्न परमप्रभुमा निर्भर रहनका लागि हाम्रा अवसरहरूलाई प्रत्यक्ष रूपमा प्रभाव पार्ने छ भनेर बुझ्नुहोस् ।”^१३
“परमेश्वर अस्तित्वमा हुनुहुन्छ र उहाँका आज्ञाहरूले स्थापित् गरेका पूर्ण सत्यहरू छन् भनी प्रमाणित गर्न खडा हुनुहोस् र बोल्नुहोस् ।”^१४
“हाम्रा आस्था अभ्यास गर्ने हाम्रो स्वतन्त्रतालाई कमजोर बनाउने कानुनहरूलाई चुनौती दिनुहोस् ।”^१५
“असल कार्य गर्न, सर्वशक्तिमान् परमेश्वरमा आस्था निर्माण गर्न र अरूहरूलाई सुखी स्थानमा ल्याउन सहयोग गर्न संसारमा जानुहोस् ।”^१६
अध्ययनका स्रोतहरू religiousfreedom.ChurchofJesusChrist.org र religiousfreedomlibrary.org/documentsमा छन् ।

जब हामीले अरूहरूको सेवा गर्छौँ, हाम्रो ज्योति धारण गर्छौँ र धार्मिक स्वतन्त्रताका लागि खडा हुन्छौँ, हामीले परमेश्वरको अधिराज्य निर्माण गर्छौं । हाम्रा परिवारहरू, समुदायहरू र राष्ट्रहरू माझमा “धेरै असल कार्य” गर्ने हाम्रो प्रयासमा परमप्रभुले हामीलाई आशीर्वाद दिनुहोस् ।

© 2024 Intellectual Reserve, Inc. द्वारा सर्वाधिकार सुरक्षित । संयुक्त राज्य अमेरिकामा मुद्रित । अङ्ग्रेजी अनुमोदन: ६/१९ । अनुवाद अनुमोदन: ६/१९ । Monthly Liahona Message, June 2024 को अनुवाद ।Nepali. 19347 372