Mesej, Blong Ol Yut Oli Kam Strong blong Evri Manis, Jun 2024

?Wanem stret nao yumi promes blong mekem taem yumi bin kasem baptaes?

Baptaes, i kam long Annie Henrie Nader

Ol skripja oli tijim yumi se taem yumi baptaes, yumi mekem kavenan (o promes) blong tekem long yumi nem blong Jisas Kraes, yumi wok blong God, mo kipim ol komanmen blong Hem (luk long Mosaea 18:10; Doktrin mo Ol Kavenan 20:37, 77).

Yumi lanem tu long ol skripja se baptaes bae i helpem yumi blong mekem i hapen wanem hat blong yumi i wantem “blong kam long yad blong God, mo blong oli singaotem yufala ol pipol blong hem” (Mosaea 18:8). Long narafala toktok, wan risen yumi kasem baptaes hem i from yumi wantem joenem Jos Ia blong Jisas Kraes mo stap glad long lav mo ol blesing we i kam taem yumi stap wan long Kraes.

Komitmen blong givim seves i go long Lod mo kipim ol komanmen blong Hem i save tekem tu plante samting truaot long laef blong yumi. Eksampol, i tekem tu blong stap “glad blong karem ol hevi samting blong wanwan long yufala, … blong krae sore wetem olgeta we oli krae sore; yes, mo leftemap tingting blong olgeta we oli nidim fasin blong leftemap tingting, mo blong stanap olsem ol witnes blong God long evri taem mo long evri samting, mo long evri ples” (Mosaea 18:8–9).

© 2024 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem long translesen: 6/19. Translesen blong Mesej Blong Ol Yut Oli Kam Strong blong Evri Manis, Jun 2024. Bislama. 19299 852