Porous Ren ewe Pochokunen Serafo Iteiten Maram, June 2024

Met sia wesewesen pwonei nupwen sia papatais?

Papatais, seni Annie Henrie Nader

Ekkewe pukfel ra aiti kich pwe nupwen sia papatais, sia pwon mi pin (ika pwonei) sia mochen watta woch ewe iten Jises Kraist, angang ngeni Kot, me apwonueta An kewe annuk (Ngengeni Mosaia 18:10; Doctrine and Covenants 20:37, 77).

Sia pwan kaeo non ekkewe pukfel pun papatais mi anisi kich ne aunusa ach mochen “sipwe feito non ewe mwicheichen Kot, me sipwe iteni noun aramas” (Mosaia 18:8). Non ekkoch kapas, ew popun kich sia papatais pun kich sia mochen fiti ewe Michenfenin Jises Kraist me pwapwaiti ewe tong me ketiw a feito seni ach sia chufengen non Kraist.

Ach pwon pwe sipwe angang ngeni eweSamon me aponueta An kewe annuk a tongeni apachanong chommong mettoch non unusen manauach. Awewe chok, a apachanong ach sia “netipeta ren ekkewe ra netipeta; … aururu ekkewe ra mochen aurur, me oupwe chon pwarata usun Kot fansoun meinisin me non mettoch meinisin, me non neni meinisin” (Mosaia 18:8-9).

© 2024 seni Intellectual Reserve, Inc. Meinisin pung mi kawor. A för non USA. Kapungunon non fosun Merika: 6/19. Kapungunon chiakun: 6/19. Chiakun Monthly For the Strength of Youth Message, June 2024. Chuukese. 19299 901