UMyalezo wanyanga zonke we For the Strength of Youth (Okwakha Intsha) , yangoJuni 2024

Ngabe yini ngempela esiyithembisayo uma sibhabhadiswa na?

Umbhabhadiso, ngu-Annie Henrie Nader

Imibhalo engcwele iyasifundisa ukuthi ngesikhathi sibhabhadiswa, senza isivumelwano (noma isithembiso) sokuzimisela ukuthatha igama likaJesu Kristu, sisebenzele uNkulunkulu, futhi sigcine imiyalo Yakhe (bheka Mosiya 18:10; Imfundiso neziVumelwano 20:37, 77).

Siyafunda futhi emibhalweni engcwele ukuthi umbhabhadiso uyasisiza sigcwalise isifiso sethu “sokuza emhlambini kaNkulunkulu, futhi sibizwe ngabantu bakhe” (Mosiya 18:8). Ngamanye amazwi, isizathu esisodwa esenza sibhabhadiswe yikuthi sifuna ukubandakanya neBandla likaJesu Kristu futhi sithokozele uthando kanye nokuba khona okuvela ekuhlanganisweni kuKristu.

Ukuzinikela ekusebenzeleni iNkosi kanye nokugcina imiyalelo Yakhe kuhlanganisa izinto eziningi ezimpilweni zethu zonke. Ngokwesibonelo, kuhlanganisa ukuthi “nifuna ukuthwalisana imithwalo omunye nomunye, … ukukhala kanye nalabo abakhalayo; yebo, niduduze labo abadinga ukududuzwa, futhi nime njengofakazi baNkulunkulu ngazo zonke izikhathi nakuzo zonke izinto, nakuzo zonke izindawo” (Mosiya 18:8–9).

© 2024 ngu Intellectual Reserve, Inc. All rights reserved. Kucindezelwe eMelika. Ukugunyazwa kweSingisi: 6/19. Ukugunyazwa kokuhumusha: 6/19. Ukuhunyushwa kwe Monthly For the Strength of Youth Message, June 2024. Zulu. 19299 783