Parau poro’i tā’āva’e nō te Hoa Tiunu 2024

’Ua fa’ati’amā te Atua ia Alama ’e ia Amuleka

Fa’ahōho’ara’a nā Andrew Bosley

’Ua haere Alama ’e ’o Amuleka i te ’oire tei pi’ihia ’o Amoniha. ’Ua ha’api’i rāua i te mau ta’ata nō ni’a ia Iesu Mesia. ’Ua riri rā te nuna’a i te mea tā rāua i ha’api’i. ’Ua tu’u rātou ia Alama ’e ia Amuleka i roto i te fare tāpe’ara’a.

’Ua hāmani ’ino te nuna’a ia Alama ’e ia Amuleka. E rave rahi mahana tō rāua tāpe’ara’ahia i roto i te fare ’āuri.

’Ua pure Alama ’e ’o Amuleka ’e ’ua ani i te pūai. E fa’aro’o tō rāua i te Atua. ’Ua hōro’a ’oia ia rāua i te mana ’ia matara te taura tei ru’uru’uhia i tō rāua rima.

I muri iho, ’ua ’āueue te fenua. ’Ua ma’iri te mau patu o te fare tāpe’ara’a ! ’Ua tauturu te Atua ’ia ti’āma Alama ’e ’o Amuleka. ’Ua fa’aru’e atu rāua ia Amoniha nō te ha’api’i i te tahi atu mau ta’ata nō ni’a ia Iesu Mesia.

E nehenehe ’oe e tai’o i teie ’ā’amu i roto i te Alama 14:1–4, 17, ’e 22–29.

ʼApi fa’a’ūraʼa

’Ua ’ite au ē ’ua here Iesu iā’u

Fa’ahōho’ara’a nā Adam Koford

E aha te mau mea e fa’aha’amana’o ra ia ’oe i te here o Iesu Mesia ?

© 2023 nā Intellectual Reserve, Inc. Fatura’a pāruruhia. Nene’ihia i te Fenua Marite. Parau fa’ati’a nō te reo peretāne : 6/19. Parau fa’ati’a nō te ’īritira’a : 6/19. ’Īritira’a nō te Monthly Friend Message, June 2024. Tahitian. 19289 895