Got E Ra Ayuweg nge Cha’ariydad

Yib Rok Elder Dale G. Renlund

Ko fare Ulung ko fare Ragag nge L’agruwi Apostle

Woed rogon Captain Moroni, ma rayog ninge yag e ayuw nge gelngindad ko pii cham ni ra’i yib ngodad u lane yofas rodad

Captain Moroni nibe fek fare title ko liberty

So’omon nigu bi’eg fare Babiyor Ku Mormon, ma rigu adag mornga’agen e yat ni kakrom u lukngun fapi Nephites nge fapi Lamanites. . Ri gin owcheg ko gelngin a mich, guman’, nge rogon e murwel ni tay Captain Moroni, ni’ir e cha’ ni commander ko military nin tay lingun ko pilung ko gidi’en e salthaw ko Nephites napan’ kemus nib 25 e duw rok. Bee’ nib na’ab, gel gelngin, mab muth’ loelgean. Bay ba ayuw rok ko pigirdi’en nib fel’rogon. (Muguy u Alma 48:11–12.)

Da’ani fek falngin’ e salthaw rok nga dakaen, Moroni e bee’ ni pi gubin e falngin’ ngak Got nge ayuw rok ni pii’ ko pigirdi’en e salthaw rok nge fapi bpin nge batir. Ii yoeg ngak e picha’an ni da’anir gel gad ko cham nir ted: “Fare Somoel … e ke pi’em nga pa’mad. Ere chiney e gubaʼadag ni ngam nang fan ni kan rinʼ e biney ngomaed ni … bachan e taliw romaed nge mich romaed ngakʼ Kristus.” Moroni e ii weliy mornga’agen e tafiney rok: “Got e ra falʼeg waʼathmaed, me chaʼariy maed, me ayuweg maed, u nʼumngin i napʼan ni gamaed ba yulʼyulʼ ngakʼ, nge mich romaed, nge taliw romaed” (Alma 44:3, 4).

Rani yan boch ngaram, ku par ku laemnag ni Moroni e ii weliy ma’i yan u y’an rogon bugi fan nrayog ninge ayuwegdad u lane tin nib mom’ow ko yofas rodad. Napan nigadra muruliy e mich rodad u lan Yesus Kristus, fare Tathapeg ko fayleng, ma ra’i taw’athiydad ko gelngin nibay Rok. Ma fa’anra nge rin binean’ ni aragon mab t’uf ningad nangfaned e tow’ath Rok, ba t’uf ningad nangedfan e m’onog, migad taychilandad ko cham nibe yib, ni woed ni rin’ Moroni ni fal’agin rogon nge par u lane yofas rok. Napan ni gadra rin’ ni amargon, ma Chitamangdad nu Tharmiy nge Yesus Kristus e yow ra ayuweg man cha’ariydad.

Nangedfan E Kanawo’ Rodad.

Moron e ii sul u dakaen ii poguwran ko pigirdi’en ko yad chon mini’ (yad girdi’en fapi gam’ing ku Abraham), yad fapi cha’ ni (batir rok Got), nge tin nin chamnag ni fan ko (tabinaw, mich, nge pufpuf rogoy). Moroni e ii fil ko girdi’ rok ni yadbe chamnag rogon ninge fal’rogon e par rorad, me yog e pufpuf rogoy ko gubin, man chuw ko kalbus ko tan pa’ boch e girdi’ ni toelang. Tin nibe buchbuch, nib thil e boch e girdi’ e be cham ko fan ninge yoeg e girdi’en e murwel ngorad.

Napan ni boch e Nephites e ii sap ko tin kemus nibay fal’ngin ngorad, me Moroni e gostiy e mad rok nge yoloey bugi thin nga dakaen ni ga’ar: “ngad tayed u wunʼdaed e Got rodaed, nge mich rodaed, nge puf-matʼawon rodaed, nge gapas rodaed, nge pi leʼengidaed, nge pi bitir rodaed” Ii tiniy fare falag ngalang, nike yoloey ni “Fare pow ko puf-matʼawon” ni ta’ ko ba pole ninge pagowran ko girdi’ rok ko mangfan e cham ni yadbe yan ngay nge rogon nibe kunuy rad nga ta’abang. (Muguy u Alma 46:12–13, 19–20.)

U lane mal ko yofas ni ya’al, “da’un thael nifan ko dowef nga richa’ ma fan ko … ko tin nibay ngalang nib tagan … [nge] tin nifan ko ya’al ni kireb” (Ephesians 6:12). Gadad, e kab t’uf, ningan pagowran ngodad ko mangfan e cham ni nibe tay. Elder Neal A. Maxwell (1926–2004), ni gidi’en e memba ko fare Quorum ko Twelve Apostles, ii yoeg rogon e rebugithin ney, nib fel’rogon.

U 2004, e ug woen ngguy Elder Maxwell u aspital u m’on ni ke yim’. Rib fel’rogon ngak gubin e girdi’ nin pii’ e ayuw ngak. Gidi’en-e murwel u aspital e ur yoer niged. Gu yoeg ngak, “Elder Maxwell, rib mom’aw e ran’ey.” Ii minmin me ga’ar, “Ma, Dale, gadow be par ko lane biney e yofas ndabi n’uw napan. Gadow bwoed ba, nig ni og nga talang u ran. Kemus rogon nrayog ningad nangfanew e pin’ey e ngeb a tafiney ni manemus nga laniyan’dow.”

Dabda patlinew rogon e yafos nib manemus nifan ngodow nge tin ni ra’i mom’aw nag. Gadowra nangfan e plan ko Chitamangdad nu Tharmiy ma ra’i pii’ gelngindad ningan athamgil ko fan e yafos ni manemus me pufpuf mat’woy ndariy e kalbus ko ya’al riy.

Fal’agin rogon e M’onog

Salthaw rok e cham ko gubin e mal nin raned ngay, ma Moroni e gagiyeg nag rogon. Ii use nag e spies ninge pat ko boch ngonglan e enemy rok ninge ayuweg e birok e kanawo’ ko mal. He ning e ayuw ko fare profet, Alma. Ii use nag e tin nikan fil ngak ko cham ko mal. Ii fal’agin rogon e tin ni fil, ni tay e salthaw ko boch e city ni dariy gothon. Ii fal’agin e plan ko birok e operation ni gubin binean’ ni bay urngin nib t’uf riy.

Manang ko kanawo’ ninge yan ngay ndabifal’ ko enemy rok. Ra win biyay ko mal ma darma fal’falaen’; nen’ nima rin’ e, ma gay rogon ninge m’onog ni bugin ngiyal’.

Nrayog ningadared u kanawo’en ni ta’aborgan nifan ko ya’al rodad nibe kireb binean’ riy. Gadadra guw rogon nibe murwel fachi Satan u lane yofas rodad. Ra’i gay rogon ninge palag nagdad ko gin nib t’uf ningad dared ngay. Napan ni gadadra mada’nag e m’owar, ma rigadra fith ngodad:

Urgon nrayog ninggu dag ko ngongol rog ni thin rok Got e rib t’uf u fathik gubin binean?
Mang e tin nrayib ko ngonglan e pii’ ngongol nigurawan riy ni arogon?
Binngan e ngongol e ra ayuweg neg ko biney e yofas u fayleng?

Ma kab t’uf nigadra nangfan e tin nrayib ko ban nib achig. Napan nigadra un ko ban, me yi’or e “poison ngodad” (Alma 47:18), ra’i rib nib achig me ga’ nge gel gelngin nge gothoy e ya’al ni fael’.

Gadadra laek e kanawo’ ko fapi profet ma ran pow’iydad ngan palag ko ban ni tagan nima tay moniyan’. Gadadra rin’ ni amorgon ma ra’i fal’rogon laniyan’dad ko ngonglan e yofas rodad ko manemus. Gadadra nangfan ko mangfan ningan palag ko ban ma ra’i ayuwegdad ko yofas rodad ninge fal’ ngonglan ko demturug ko gin nigadbay riy. Ra’i fal’rogon e plan rodad nigad manang rogon ningad ayuweged dad mrayib gelngindad ko fan e yofas.

Reb e wo’en e woed e technology technology e woed e sayden-ni l’agrow nib m’uth, reb ningan use nag nibfal’ngin me reb ni dabi fal’, be depend ko rogon ningad use niged. Ra ngan ayuwegdad ningad duguliyed rogon ingad use nag e devices, me demturug ni achig fe ilal “Ngan Fek Nkan e Technology” nge Ko fare Gelngin e pi Fal’yangran: Pi Kanawo’ ko duguliy. Ra’i pog’uwran ngodad mangfan e yofas rodad, me pow’iydad ngak Yesus Kristus, me ayuweg dad ngad pininged fare Kan Nib Thothup nga lane yofas rodad. Ni duguliy ko urgon, fa we’in, nge ngan e ngad use niged e technology ninge ayuwegdad, me dabi gathaydad ni woed rogon e fayleng.

Prepare nag rogon wo’en e mal

Nang nibe yib e mal, ma Moroni e prepare nag rogon pigirdi’en ningar use niged e breastplates, nge shields, helmet nge mad nib dub’ag yang. Ii fal’agin rogon yad nib fal’ rogon ko gin nib moem’aw ningan guyrad riy u lane binaw nge gin nib tomur e buut’ riy.

Ma rogon fare thothup, e gad ra t’aer midlen nagdad ni woed ningad cha’ariyed fare motochiyal rok Got. Gadra cha’ariy fare m’ag rodad ngak Got migad chuchgur ngak gelngin Yesus Kristus u lane yofas rodad. Migad un ko tin nib mangil e binen’, ni demturug ni yigo’gur u bang, fa maybil nigabe tay, fasting, nge bi’eg fare chep nib thothup. Gadra yan u dakaen e mich rodad, nibe pow’iydad ko gin ningar dared ngay. Migad prepare nagdad ngayog ningar feked fare sacrament. Napan nigadra rin’, ma fare Somoel e re rib’ gelngin nib riyul’ nga lane yofas rodad, woed ni rin’ ngak Moroni, nibay e mich rock ngak Yesus Kristus. Moroni e manang ni kemus ni yigo’ Somoel e ra taga’ nga dakean ko ayuw rok (muguy u Alma 48:16). Ma, gadad, e kurayog ningad taga’gad nga dakean Yesus Kristus ko kanawo’ nge ayuw.

Rayog ningad prepare gad ngad pi’ed gelngin e tabinaw rodad. Chitamangdad nu Tharmiy e ke kunuydad nga ta’abang ko tabinaw ningad ayuwegned dad ko fal’falean’ rodad migad filed rogon ningad suled ngak ba’id. Tabinaw rodad e rayog ningad taga’gad nga’ ko ayuw. Rayog ningad thamiyed e fal’falean’ nge adag nifa’anra rabngan’dad nigadad e chonggin e tabinaw rok Got, ni demturug ko gin nigadbay riy fa mang e be buchbuch rodad.

Rayog ningab gelngin dad nifa’anra gadra prepare nagdad ko mal nibe yib ko ya’al migad un ko binaw rodad nibay gidi’en e galasia riy. Stake nge districts e be provide nag gubin e pin’ey. Nrayog ningad bi’ech niged e ya’al rodad, migad ayuwegdad ngad ted fan fare motochiyal rok Got, migad pi’ e athamgil nga laniyan’dad ngad taga’gad ngak Kristus, niruwoed ko ngiyal nib mom’aw e gubin. Gadra mukun, mabngan’dad nigathi ngad rin’ed gubin e pin’ey ni yigo’gadad. Bay e fagar rodad, sensey, nge tiyugang’ nira ayuwegdad. Rab gelngin dad nifa’anra gadra murwel u ta’abang.

Woed rogon, Moroni ni pi’e urngin e falfalean’ ko pigirdi’en ninge ayuwegrad ngar athapeged e tin riyul’ me gel e mich rodad ku Got nge teliw. Woed Moroni, kad nanged ni falfalaen’ e ma yib nibochan e Chitamangdad nu tharmiy nge murwel Rok nibochan Yesus Kristus nge fare Biyul Rok. Napan nigadra nangfan e fan e yofas rodad, nge tin ningad falagined ko gobul nge langlaeth, migad murwel ngad falagined rogondad ko fare mal nibe yib, marayog ningeyib e ayuw nge murnguy ngodad.

Woed Moroni, gumnang ni Chitamangdad nu Tharmiy nge Yesus Kristus e be pi’ e kanawo’ ngodad ningan chuw ko fapi m’ag rok m’oniyan’—me pufpuf e kanawo’en e tin gathi yam’ fa dinen. Ran taw’athiydad ko gelngin Row napan nigadra sap ngorow ko gubin binen.

© 2024 ko Intellectual Reserve, Inc. Gubin nibay mat’won. Kan yoloey u USA. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Monthly Liahona Message, August 2024. Yapese. 19294 905