Milwol ni Ngan Thapeg ko biney e Pul ni Fan ko Gelngin e Pi’in ni Fal’yangren ko, August 2024
Fare Gelngin Relationship
Fare ma’ag a bo’or fan ko ba contract; woed a tha’.
Kabay e re sasing ko gali chiya nem ni par Elder Pistone nge Elder Morasco u dakean napan niyow machib nigew a tabinaw rog u Argentina. Machib rorow e rib gel e thothup riy nikugbe puguraen nag ni sister rog nib 10 a duw rok nge gag (9 e duw rog) nge gamow ma mil ngu math gow ko gali chiya nem napan niyowra chuw, nigumow be athapeg ningeb boch ngomow.
Dowri n’uw napan mug fil ni gelngin e thothup e darma yib ko fagili chiya ya ma yib ko gelngin e tha’ rom ngak Got nge Yesus Kristus.
Woed e Tawfe Nag Wan U Fathik
Gu fal’agin e biroeg e ma’ag u November 13, 1977. Dabgu puguraen boch marung’agen e tawfe rog, machane gube puguraen nag Elder Pistone ni ayuweg neg nga fathik e ran nge Elder Morasco ni duguliy pa’ nga dakaen leolgeg napan ni kab garda’. Ma kug be puguraen nag a fagar ko ward nira pi’ed a gumichmich nge chiko’ u Argentina way nge ba thamiy ni yib ngog ni gag reb e bpin ni fak e Chitamangig nu Tharmiy nibay e mich rok.
Sister Spannaus nikab yangren (lukngun) ko labthir rok (gil’ay), bpin ni walagen Silvina (nibay buch’uw u ma’aw), nge Elder Morasco.
Yan buchuw nga m’on mafin ni yib ngan’ug e fal’falaen’ ni nib ko fare tow’ath ko fare Kan Ni Thothup. Kug fil ni fa’anra par nibay e mich rog ko fare ma’ag rog ngak Got, fare Ya’el e ra’i par rog. Fare Kan Ni Thothup e reb m’amngin e gelngin nima yib ko fare m’ag ko fare tha’ rok Got nge Yesus Kristus.
Chiney, ma kemus ni ngongol, tafiney, nge muruwel’ ni gura m’owariy mabe yib e athapeg ngog ninggu athamgil. Mang fan? Nibachane fek e sacrament e ra’i pag kanawo’ngin ngodad ningad bi’ech niged fare m’ag rodad ko ko gubin e week. Kari pof ngan’ug kore tow’ath nem.
Ba Murnguy, e M’ag ko Tha’ riy.
Gadma rung’ag ni fare m’ag e l’agrow-gin e micheg nibay u thalindad nge Got. Woed ni kurayog nib riyul’, ni gathi kemus ni arogon yad. Machane, “m’ag e gathi binean nib kireb e muruwel’ -riy ko tin e tha’ nibay e murnguy riy.”
Ere urgon ningam ngongliy reb e tha’ ko m’ag u thalinmew Chitamangdad nu Tharmiy nge fare Somoel? Yow badagem ma yow ba’adag ningan tow’ath nigem (muguy u 3 Nephi 14:11). Machane gubin yang-ko urngin e tha’ e ba t’uf e time ko lukngun l’awgrow e girdi’.
Gabadag ningam spend nag buch’uw e time Ngorad? Napan nigara rin’ e tin ni Yadbe rin, ma woed nigabe ’un Ngorad ko yan! Woed nrayog ningam matal ko n’en nibe yoeg e fagar rom ko boch binean’ nib mom’aw u lane yofas rorad, mu fafal ko pi walagem, fa bee’ nigabe guy nib kirban’. Dawri n’unapan, ni guma un ko walk ngak Got ma guma record nag lungug ma guma send nag e text ko reb e fagar rog u Argentina nib kirban’. Ma guma gay rogon ninggu tay e temple recommend rog nib active ngayog ninggu ’un ngak fare Somoel nga lane no’un Rok nib thothup. Rayog ningam maybil ko boch e idea ninge ayuweg nem ngam spend nag boch e time rom ngak e Chitamangdad nu Tharmiy nge fare Tabiyuliy.
Gabadag ningam dag Ngorad nib t’uf u gumircha’em? Mu tayfan fapi motochiyal nikam m’ag nge ayuwegnem ngam dag e adag ko gubin, ni gathi woed e list ningam leak ko motochiyal ni demturug. Woed rogon, nifa’anra gubadag ninggu fol ko Word of Wisdom, ma bt’uf ninggu nang rogon ii lith e tin nib mangil nga fathik ii dowaeg. Ma Chiney e guba fil ko bpin n fakag ningan rin’ ni amorgon. Napan nigara tayfan e motochiyal ku Got, ma adag rom Ngak e ra’i ga’ iyan.
M’ag ko tha’ rodad ngak e Chitamangindad nu Tharmiy nge Yesus Kristus e ra ayuwegdad ngad nanged Row nib fal’rogon nge gelngin Row u fathik e yofas rodad—bgel rogon mab manemus ni gathi woed fare chiya nib golunglung ram’en. Binef e gelngin era thiliyegdad ni menumus!
© 2024 ko Intellectual Reserve, Inc. Gubin nibay mat’won. Kan yoloey u USA. Kan micheg nag ko thin nu Ngalis: 6/19. Micheg i pilyeg: 6/19. Thiliyeg e thin ko Gubin e pul ko fare bugi thin ko Gelngin fapi Fal’yangrean, August 2024. Yapese. 19342 905