Padahk en Sounpwong Kan Ohng Kakehlepen me PwulopwulOahkos 2024
Ehupene Kehlail
Inou sarawi mehkot laud ehu; iei ehu pene.
Ih kolokolte sehr pohntehndihpw me Elder Pistone oh Elder Morasco mwohd powe ni ara padahk ong ahi peneinei nan imwato nan Argentina. Ira padahk ni manaman mehlel me ngei oh riei serepein sounpar eisek oh ngei (sounpar 9) kin tangala oh doadke sehrko ni ara samwalahro, koapwkoapwoaroapwoarki me manamano pahn mihla reht.
Ih diarada me manamano sohte kohsang ni sehrko apw sang ni amw pahn ahniki inou Sarawi en ehu ong Koht oh Sises Krais.
Dahme Ih esehda sang ni ahi Baptise
Ih wiahda ahi keioun inou Sarawi ni November 13, 1977. Ih sohte nohn taman ahi baptiso, apw Ih taman Elder Pistone ah Sewesei ong Nan philo oh Elder Morasco wia tiahk Sarawi en kasarawi ien towehla ni piten mongeika ah wisekesekte. Ih pil taman when peren me Ih ahniki ni ansou me tohn wardo pwoleiepene oh mitik ie ni wiepen Argentina oh ingeng mehlel me Ih ahniki pwe ien idawehn Semei Nanleng.
Sister Spannaus (nan werenge) iangahki ah pahpa oh nohno (pali sokoiek), rie serepein Silvina (Pali koaiek), oh Elder Morasco.
Mwurin asnou ehu Ih diarada me peren me Ih ahniki kohsang rehn Ngehn Sarawi. Ih esehla me ni ahi pahn kin pwoson oh kolokolte ahi inou Sarawi Ong Koht, Ngehno pahn kin Ieiang ie. Ngehn Sarawi wia ehu kapai laud me pil kohsang ni atail pahn kin kolokolte atail inou Sarawi en ehu ong Koht oh Sises Krais.
Met, mendahte ma ahi pwung kan, madamadau, oh wiewia kin apwal, Ih ahniki koapwoaroapwoarki en nantiengete. Pwekida? Pwehki ale kamadipw sarawi ah kin eleiengie ahi kak pilehu wiahda ehu inou kapw oh pil wiahda inou kapw Nan ehu ehu wihk. Ih inenen kapingki kapai wet.
Ehupenehn Inou Sarawi, me inenen mwahu
Kitail kin rong ekei pak me inou kan wia inou-riau nanpwungen Koht oh kitail. Mendahte ah mehlel, kaidehn ihte met. Ni mehlel,“kolokol inou kan kaidehn inou en Nan pwungen pesines kan ahpw ehupene kansenamwahu ehu.”
Eri ia mwomwen amw pahn wiahda ehupene en inou ehu Nan pwungen Samatail Nanleng oh Sounkomouro? Irail poakohng uhker ni unsek oh men kapaiukada (kilang 3 Nephi 14:11). Ahpw ehupenen pali-riau kin ansou ehu oh limpok sang Pali riau koaros.
Ke men mihmite rehrail ekis ansou? Ansou me ke wia mehkot kan Ira pahn wia, ke wie Ieiang Ira. E pahn mengei duwehte amw rongorong kompokepahmw men me mihmite Nan kahpwal, wiahda ansou en mwadong ehng riomw kan, de patehng irail akan me kin kalapw totohrohr. Me keren, Ih ahnekier ansou mwahu Ong Koht sang ni ai kin alehdi kosoia kan oh kadarala lepin kosoia kan Ong Kompokepahi men me mihmi Nan Argentina me kin ahneki loloid. Ih pil kin ansou koaros koasonehdi nei kisin likou en mweimwei Ong Nan Tehnpas Sarawi en kin mwahu pwe ien kak pidelong oh ahneki ansou mwahu rehn Kauno Nan Tehnpese. Ke kak kapakapki songen madamadau kan me pahn sewese iuk en ehu ong Samatail Nanleng de Sounkomouro.
Ke men kasalehiong Ira me ke kesempwaliki? Kesempwaliki kosonned akan me ke inoukidahr oh kolokol pwe en kasalehda duwen amw limpok, ah kaidehn irekidi en kosonned kei. Ni karasepe, momouriki Mahsen en Eripit, I esehier duwen kukihda mwenge me pahn kihdo roson mwahu kan. Met Ih kin kaskasikuhli nei serepein kan en pil wia ni mwohmwote. Ni omw pahn nantiong ete oh kolokol kosonned akan en Koht, omw limpok ong Ih oh Sounkomour o pahn keirida.
Atail inou kan ong Samatail Nanleng oh Sises Krais pahn sewesei kitail en esehla Ira laud oh eleiong kitail en kak doadoangki Sapwelimara manaman Nan atail mour kan—kokohla laudsang sehr pohn tehn dihpw riau ah kin kihda. Oh manamano wekid kitaila erein!
© 2024 sang Intellectual Reserve, Inc.Kolokol pwuhng koaros. Intingda nan Wehi en Amerika. Kamanaman ohng ni Lokaiahn Wai: 6/19. Kamanaman ohng kawehwe: 6/19. Kawehwe pen Padahk en Sounpwung kan Ong Kakehlepen Me Pwulopwul kan, Oahkos 2024. Pohnpeian. 19342 000