Molaetsa wa Kgwedi le Kgwedi wa, Go Nonofo ya Banana Phatwe 2024
Kamanoe e Maatla-Magolo
Kgolagano e feta konteraka; ke kamano.
Ke santse ke na le senepe sa ditilo tse di tala tse Mogolwane Pistone le Mogolo Morasco ba ne ba dintse fa ba ruta ba lelwapa lame mo lwapeng la rona mo Argentina. Ba ne ba re ruta ka maatla a semoya mo nna le nkgonne o ngwaga di lesome le nna (ngwaga di boroba bongwe) re ne re tshwara ditilo fa ba sena go tsamaya, re solofetse go tsaya maatla a bone mo go tsone.
Ke ne ka felela ke ithuta gore maatla ga a tswe mo ditilong mme a ne a tswa mo dikgolaganong le kamano le Modimo le Jeso Keresete.
Se ke se Ithutileng ka Kolobetso Yame
Ke dirile kgolagano yame ya ntlha ka Lwetse 13, 1977. Ga ke gakologelwe go le gontsi ka kolobetso yame, mme ke gakologelwa Elder Pistone a nthusa go tsena mo metsing le Elder Morasco a ntlhomamisa moriri wame o santse o le metsi. Ke gakologelwa gape boitumelo bo ke neng ke na le bone fa ditsala tse di ša mo kerekeng di nkatla a bo di ntshuna jaaka re dira ka se-Argentina, le keletso e e kgolo ya go nna ngwana yo o molemo wa Rara wa rona wa Legodimo.
Kgaitsadi Spannaus yo o monyennyane (fa gare) le batsadi ba gagwe (mo molemeng), le mogolowe (kgakala-mojeng), le Mogolo Morasco.
Ko morago, ke ne ka lemoga gore boitumelo bo ke neng ke bo utlwa bo ne bo tswa mo Moweng o o Boitshepo. Ke ne ka ithuta gore fa ka boikanyego ke boloka dikgolagano tsame le Modimo, Mowa o tla nna le nna. Mowa o o Boitshepo ke nngwe ya ditshegofatso tse dikgolo tse di tswang mo kgolaganong ya kamano le Modimo le Jeso Keresete.
Jaanong, lentswa maikaelelo ame, dikakanyo, le dikgato di ne di salela ko morago, ke na le tsholofelo ya go tswelela ke leka. Ka go reng? Ka gore go ja sakeramente go dira gore ke kgone go ntšhafatsa dikgolagano tsa me a bo ke dira dikgolagano tse di ša beke le beke Ke itumelela tshegofatso eo.
Kamano e e Mofuto ya Kgolagano
Gantsi re utlwa gotwe dikgolagano ke tsela e ntlhapedi magareng ga rona le Modimo. Lentswa seo e le boammaaruri, se ga se gotlhe fela. Ka nnete, “tshegetso ya kgolagano ga se tumalano ya kgwebo fela e e senang boleng, ke kamano e e mofuto.”
Jaanong o dira kgolagano ya kamano le Rara wa Legodimo le Jeso Keresete? Ba setse ba go rata ebile go sena selabe gape Ba batla go go segofatsa (bona 3 Nefi 14:11). Mme kamano epe e ntlhapedi e tlhoka nako le lorato go tswa mo bobeding.
A o batla go tsaya nako e ntsi o na le Bone? Ga o dira dilo tse Ba ka di dirang, ke jaaka o tsamaya le Bone! Seo se ka tswa se le motlhofo fela fela jaaka go reetsa tsala mo nakong e e thata, o dira nako go tshameka le batsala le wena, kgotsa go akaretsa mongwe yo o ikutlwang a kgaphetswe kwa thoko. Malobanyana, ke ne ka tsaya nako ke tsamaya le Modimo ka go rekota melaetsa ya lentswe le go romela melaetsa kwa tsaleng kwa Argentina yo o neng a utlwa ekete o nosi fela. Gape ke tsere tshwetso ya go netefatsa gore rekomente yame ya tempele e nna e le mo tirisong gore ke tle ke kgone go tsaya nako le Modimo kwa ntlong ya Gagwe e e boitshepo. O ka rapelela megopolo e e ka go thusang gore o tseye nako le Rara wa Legodimo le Jeso Keresete.
A o batla go ba bontsha gore o a kgathala? Tshwara melao eo o dirileng kgolagano go e tshegetsa e le mokgwa wa go bontsha lerato la hau, eseng e le nankolo ya melao. Sekai, go tshela ka Lefoko la Tlhalefo, ke ithutile go apaya dijo tse di itekanetseng. Jaanong ke ruta bo ngwanake ba basetsana go dira jalo. Fa o iketleeletsa go tshegetsa ditaelo tsa Modimo, lorato la gago mo go Ene le Mmoloki le tlaa gola.
Dikgolagano tsa kamano tsa rona le Rara wa Legodimo le Jeso Keresete di tlaa re thusa go Ba itse botoka a bo re nna le bokgoni jo bontsi jwa go fitlhelela maatla a Bone mo matshelong a rona—go feta thata sepe se se ka fiwang ke ditilo tse ditala. Ene maatla ao a re fetola go ya go ileng!
© 2024 ka Intellectual Reserve, Inc. All rights reserved. E gatisitswe mo USA. Tetla ya Sekgoa: 6/19. Tetla ya thanolo: 6/19. Thanolo ya Molaetsa Go Nonofo ya Banana wa Kgwedi le kgwedi, Phatwe 2024. Tswana. 19342 763