Tu Taosen Yang Soldia

Pikja

Ol pipol oli stap berem tul blong faet blong olgeta insaed long wan hol blong graon

Ol pikja droing oli kam long Andrew Bosley

Olgeta pipol we Amon mo ol brata blong hem oli bin tijim oli wantem blong folem Jisas Kraes. Oli bin berem ol tul blong faet blong olgeta mo oli promes long God se bae oli neva faet bakegen.

Pikja

Wan grup blong ol yang man oli kamkamaot long wan haos we ol adalt oli stap toktok long hem

Be i no longtaem oli nidim blong protektem ol famli blong olgeta. Ol papa we oli bin berem ol tul blong faet blong olgeta oli no wantem blong brekem promes blong olgeta wetem God. Mekem se ol boe blong olgeta oli bin rere blong faet long bihaf blong ol papa blong olgeta. Oli singaotem olgeta tu taosen yang soldia. Stripling i minim “yang.”

Pikja

Wan yang man i stap prea wetem mama blong hem taem ol narafala yang man oli stap kam tugeta wetem ol tul blong faet

Ol tu taosen yang soldia ia, oli neva bin faet long wan wo bifo. Be ol mama blong olgeta oli bin help blong mekem rere olgeta mo tijim olgeta blong trastem God.

Pikja

Hileman i stap lidim tu taosen yang soldia long wan maj; wan yang man i helpem wan narafala yang man we i kasem kil blong wokabaot

Oli bin jusum Hileman blong kam lida blong olgeta. Oli nogat fraet, mo God i bin helpem olgeta. Evriwan long olgeta oli bin kasem kil, be oli bin helhelpem wanwan long olgeta. God i glad from fet blong olgeta, mo olgeta evriwan oli bin laef.

Pej blong Kala

Ol Skripja Oli Save Helpem Mi Evri Dei

Pikja

Pej blong kala blong Buk blong Momon ol namba blong pikja blong ol pej blong wan open buk

Pikja droing i kam long Adam Koford

?Wanem skripja stori nao yu yu laekem ?

© 2024 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/19. Oli letem long translesen: 6/19. Translesen blong Fren Mesej blong Evri Manis, Ogis 2024. Bislama. 19290 852