Rengeasek el Chad ra Mekemad

Rechad el melakl a klekedall ra mekemad ra chelsel a deliobech

Tirkel chad el lulsisechakl er tir a Ammon ma rodom er ngii a mle sorir elmo oltirakl e ra Jesus Kristo. Te dilakl a klekedelir ra mekemad e yaksok e ra Dios e diak el luut e lokeuad.

A delbechelir a rengeasek el chad a mlora blai el ngarngii a re meklou chad el chadecheduch.

Ngdi uriul eng kirir el mesebechakl ra telungalk er tir. A re demerir el dilakl a klekedelir ra mekemad a dimlak el sorir el tomelii sel yaksok er tir ma Dios. Ma rengelekir el sechal a mocha ou mekemad lomtechei er tir. Te mlo okodongall el tirkel erul telael el ngeasek el chad e ra mekemad. Stripling a belkul a kmo “ngeasek.”

A ngeasek el chad a meluluuch ngii ma delal ea rebebil ra re ngeasek el chad a mengederodel a klekedall ra mekemad

Tirkal ngeasek el chad ra mekemad a direkak a tal loldechelakl el ngara mekemad. Ngdi rederir a ulengeseu el mengetmokl er tir e olsisechakl er tir el moumerang e ra Dios.

A Helaman a menguteling e ra rengeasek el chad ra mekemad e lou march; a ngeasek el chad a olngeseu ra tara telmall a bedengel ngeasek el chad el merael

Te ngileltii a Helaman elmo meredel er tir. Te mle bekeu, le Dios el lulngeseu er tir. Te bekl el chad el milchetechat, ngdi te mle kaingeseu ra delongelir. A Dios a milnguul ra klaumerang er tir, meng tir el rokui el silobel!

Babier lousbech a kurreong ra Babier ra Mormon a ngarngii a ulecholt ra lel el bleketakl lomsodel