“The Garment of the Holy Priesthood,” Liahona, Sept. 2024.
Porous ren Liaona Iteiten Maram, September 2024
Ewe Garmen ren ewe Pristut mi Pin
Ussun kinikinin ewe tempel endowment, sia fen angei ew achechem mi pin ngenikich ussun ach kewe pwon—ew esisinen ewe Chon Amanau won pusin Inisin
Tichikin seni Adam me Eve, seni Douglas M. Fryer
Iwe nge ren ewe amoneta ese wor tipewaramwaran a kawor ngenir me ewe mokutukutun awesano an emon tipemwaramwar ika nuokus ra sotuni ne chechemeni, meni epwe ew amwararen amairu ngeni Adam me Eve ar repwe suseni ewe ningeochun nenien atake Eden me tonong non ew fonufan mi ur ren tipis.
Fiti ennetin wesewesan, ra esina pwe wewen pwe repwene ekesiwini ar manau kinamwe, ese wor ar ourek me osukosuk ren ew fonufanen u fengen me aweires, ese kinamwe me netipengaw—tapweto mwirin och mettoch a iteni mano. Rese tongeni sinei me nepoputan met wewen ekkei meinisin, nge ra mwitir sinei pwe ew me ew ran epwe tongeni wato minefon metek. Ewer, ewe a kon ametek me neir meinisin nupwen ra esina pwe repwene sinei ei keimu seni semer non Nang—“kesipeno seni mwenn mesan.” Moses a rekotei mwirin.
Kaworen ei keimufesen me anamon non ew fonufan ese wor pwapwan ekiek me memef, ese wor amwararan, epwene ian me ekinamwein ngeni Adam me Eve ar repwe chemeni och mettoch, pwe kewe pwon a fen for—ew mettoch mi pin me ese much a iteni pwon mi pin. Ra fen pwon pwe repwe anneasosichi Semer we iteiten ranin ar manau, me I a pwon pwe epwe awora emon Chon Amanau, ewe epwe angasano ar metek me netipengaw, achasefani ar kewe mwan, me uweisefanireno non kinamwe mwen Mesan.
Nge ifa ussunn ekkei arramas chemeni met ra fen pwonei? Ifa ussun ar repwe chok nom non ar eteneki efeiengawen nonomur—eteneki fansoun meinisin, ran me nepwin?!
Ew Achechemen Ar Kewe Pwon Mi Pin
Ren ew sokkun achechem I a ngenir “uf a for seni unuchen man.” Met ren ei niffang me ifa me auchean ei fansoun. Mwirin ar angei ewe foun ira mi annuk pwe resap angei, Adam me Eve ra arapakan ngeni ar repwe eteneki pwe ra seneno. Akomwan, ra sotuni ne oponu ar seneno ngeni cheen ewe ira fig. Mwirin, nuokus pwe ren nafangawen met repwe ponu ngenir, ra sotuni ne opono seni ewe Samon. (Ren ew tiparochun ekiek ra sotuni a anetata pwe aramas ra nom non ew etipeew!) Seni ena fansoun tori ikenai, emon Sam mi tong a korato Noun semirit ar repwe feitto, tou seni nenien op, feitto ngeni I. Iwe ren kewe uf ra for seni sinin man mwirin me chommong mettochun pisek nefinen mwan me iei, I non An umoumoch ese nikitikicheno ach sipwe seneno nge a oufoufa ekkewe mi anneasosich non echo “ufoufen pung,” ew minen achem ren ach kewe pwon me pwon mi pin. Ekkei “garmenin amanaua” ra esisinata ewe wachemuken niffang me nein meinisin, ewe Achasefan an Jises Kraist.
Ewe Garment a ew Esisinen ewe Chon Amanau
Iwe nge, meinisin ei ekiek ussun Adam me Eve me kewe pwon mi pin me ufouf mi, ewer, napeseni chok ew omokutukutun pekin ekiek. Ese weires ne ekieki ifa ussun Adam me Eve ra mefi, pokiten kich pwan sia mesengeni osukosuk non ei fonufan mi awosukosuk. Pwan kich sia fen pwan imuseni mwen mesen Kot me sia soposopono ne atowawa inisin iteiten fansoun sia fori mi ngaw. Ussun Adam me Eve, a fen pwan kawor ngenikich pwan ewe chok Chon Amanau, Jises Kraist re Nazareth, Nepoputan o Nesoponon, ewe Noun ewe Kot mi manau. Ussun Adam me Eve, sia fen pwan fori pwon ngeni Kot. Me, ussun kinikinin ewe tempel endowment, sia fen angei ew esinesin mi pin non pekin inis ren ekkana pwon mi pin—ew esisinen ewe Chon Amanau won winikapan. Non ach kinikinin fansoun a iteni ewe garmenin ewe pristut mi pin.
Tichikin seni Ewe Oruen Niwinsefanito, seni Harry Anderson
Sia ufouf ei garmen fan ufach kewe nukun. Ese pwan nifinifin met wis uwa wiseni, ese nifinifin pwom ua pwomweni non ei manau, ese nifinifin ekkewe angangen non om nonnom a auchea, fan meinisin ai kewe pwon mi pin—iteiten fansoun meinisin me feinfeino. Fan meinisin ekkana pwon mi pin ngeni minne ua epinukunukungaw ne komochunuku. Ewe garmen esap minen esikesik ngeni aramas, ika esap pwano ngeni ewe fonufan, me pwan ai kewe pwon mi pin. Nge uwa isenir ne akana ngeniei me ruu—akana ngeniei ren ukukun ai tongeni. Ir ra wesewesen pusin ai me ra fokkun pin.
Non achechemen ekkana pwon mi pin, ekkana ruu-anen pwon, sia ufouf ewe garmen non unusen manauach. Ei mokutukut a pwarano ach mochen ren ewe Chon Amanau an epwe ew ekesiwin ngeni non manauach iteitan. Ekkoch esisin mi auchea ra eniwin ne fis non kinikinin fansoun. Sia papatais fan ew non manauach. Sia angei ewe sakramen fan ew non ew wik. Sia no non tempel inet chok fansoun mi fich ngeni. Nge ewe garmen ren ewe pristut mi pin mi sokono: ei esisin sia ofona iteiten ran me pwin.
Me ina ussun ewe napanapen ekkewe pwon mi pin—rese iseiseno ren an ese tufich ngeni fansoun ufouf ika tumunungaw me ese ekesiwin ngeni an epwe masengeni foforun an epwe pwano nein aramas. Non ewe manauen emon noun Jises Kraist chon kaeo, ekkewe sokkun napanapen ewe fonufan epwe ekesiwin an epwe wenengeni ach kewe pwon mi pin, esap osokurun.
Nupwen sia wata ewe garmen, sia, ussun ewe Aewin Presetensi a fen osukuna, wata woch ew esisinen Jises Kraist mi pin. Pokiten ina ussun, pwata sia kutta ew ach kunetipingen ach sipwe pwinitatiw ewe esisin? Pwata sipwe epeti inisin seni ewe pwonen manaman, tumun, me umoumoch ewe garmen a pwarano? Won osokurun, inet chok sia pwinitatiw ewe garmen ren chok ekis fansoun, sipwe chok pochokunen mochen mwitir pwiniti sefanieta, pokiten sia chemeni ir me ruu ekkewe pwon me ewe mwitirin watten osukosuk a ngeni wewen ngeni ach kewe pwon mi pin. Asen meinisin, sia chechemeni ewe irapenges me peiasen Kraist ewe mi poon.
Ekkoch meni repwe apasa, “A wor ai ekkoch anen ai upwe chemeni Jises.” Me upwe ponueni, a men murinno. Ika a chommong a ina me ochun. Meinisin sipwene ekieki ukukun chommongun anen ach sipwe tongeni aponueta ach mochen ne “chechemeni i fansoun meinisin.” Nge non ach fori, esap wenechar ne pusin tumunungawei ewe achem ewe Samon won pusin Inisin a ngeni ewe niffang, ewe garmenin ewe pristut mi pin.
Jises Kraist me An kapas allim fokkun auchea ngeniei. Meinisin ai epinukunuk ese much me pochokunen mochen, mettoch meinisin uwa kon oucheani, ra nom won I. I “ai chon tumun o ai chon amanau,” ai anenen tufichin feinno ngeni Semei non Nang, ai we chok an sefan ngeni met uwa fen aani me mwan iwe iei uwa mochen ai upwe pwan aani sefani, fiti an epwe fokkun chommongono. An niffang ngenikich ina ewe a kon pwano kirekiroch ukaran akangei, ewe a kon pwano kirekiroch a kawor—a moni ussun nge mi fiti riaffou ese wor nekoukun, a kawor ngeni chommong ese wor ne koukun, wata woch fiti tong ese wor ne koukun. Ekkewe ira fonufon me ponira mi fonufon, ewe metek me metekin me riaffoun inis, netipengaw me tipisin ei fonufan ra “morono meinisin non Kraist”
Nge uwa fen ufouf ewe garmenin ewe pristut mi pin—iteiten ran me pwin ussun mi fich ngeni seni ewe fansoun a kawor ngeniei ewe niffang 64 ier a no, ai uwa ier 19—pokiten ai tongei I me pokiten a auchea ngeniei kewe pwon a wisen tupuni.
Kewe kapas eis ussun Ufoufen ewe Garmen?
Ekkoch me neimi oupwe anneani ei porous anean pwe upwe ponueni ew kapas eis ussun ewe garmen. Meni kopwe aneanei ew “Ina minne ewe Samon a apasa”—ika fen pwan ew “Ina minne Noun kewe chon angang ra apasa”—won ew mettoch arap ngeni ngasangasom. Om kapas eis meni epwe popunapan seni ew pusin nonnomun emon a akoko ngeni angang, omokutun inis,
Ekkoch ponuen ekkei sokkun kapas eis ra tongeni pwa ren temples.ChurchofJesusChrist.org me non kinikin 38.5 ren ewe General Handbook. Chon famini me sou emwen kich mi nukunuk non epwe wor esinesin ngenir ussun osukosuken emon. Mi wor, iwe nge, emwen mi fokkun fat a kawor non ekkewe angangepin ren initiatory, me mi wor Somom non Nang, ewe a sinei en me tongek me weweiti mettoch meinisin ussun nonomum. I epwe fokkun meseik ren om kopwe eisini I ekkei kapas eis won pusin winikapom.
Sasingin ewe mettoch mi itita ussun tower ren St. George Utah Temple
Kose mochen kosap wewengaw. Nupwen ka tingor emwen seni nang, ewe Ngun esap pesek om kopwe okukunu met ke fori nap seni om kopwe opuru ewe ourour ka angei non ewe tempel me ewe ourour an soufos ewe Aewin Presetensi a aporousa non ar porous non fansoun mi chok kanoto. Emon Sam mi tong esap anisuk ne pwarata an kukkun met ke fori nap seni om tongeni ne awenaochu fiti An nonomun tong me tipetekison ewe epwe efeiochuk iei me feinfeino. Nge I mi weweiti om kana kapas eis, me epwe anisuk ne angei ekkewe feiochun osufonu ewe garmen me aponueta om kewe pwon mi pin? Ewer! Kopwe pwan churi ekkewe pekin safei me tumunun pochokunen inis mi angangoch nupwen mi auchea. Ewer Met, kopwe omonungaw seni met mi weweoch ika neno pekinon ewe esisin? Ua iotek pwe kosap.
Use tongeni ponueni meienisin om kapas eis. Use mo nge tongeni ponueni meinisin ai kapas eis. Nge ua tongeni, ussun emon Soufosun ewe Samon Jises Kraist, pwon ngonuk ewe aninis an emon Kot mi tong, ewe a kukuta meinisin om fetanoch me fefeita, non kewe an kose tongeni weweiti ika kuna me mwan, nupwen ka aponueta kewe pwon mi pin ka fori ngeni I.
© 2024 ren Intellectual Reserve, Inc. Meinisin pung mi kawor. A för non USA. Kapungunon non fosun Merika: 6/19. Kapungunon chiakun: 6/19. Chiakun Porous Iteiten Maram, September 2024. Chuukese. 19295 901