Porous Iteiten Maram Ren ewe Pochokunen Serafo September 2024

Nuokusiti Aier?

Jessica Zoey Strong

Puken porousen Mwichefen

Anongonong won Preseten Russell M. Nelson, iei pwata kosap.

Metekana en ka nuokusiti? Rollercoasters? Klasin Math Sotuni ne weweiti Isaiah?

Nge ren aier? Ika ewe ekiekin aier a fori om kopwe opono fan ponuponum ika mongowatte chokolet, ei mettoch fan itom.

“Kose mochen kosap nuokus ika amangano aier,” Preseten Russell M. Nelson a apasa. Me fiti murinon popun. Ikkei ekkoch mettoch pwe aier mi me ese,anonongon ngeni President Nelson.

Sassing seni Corey Egbert

Aier: Faniten meinisin.

Aier ESAP CHOK: Fan iten aramas mi “ngaw”.

“‘Mi auchea meinisin repwe aier?’ Ewe ponuan pwe ewer.”

“Aier a namot ngeni emon me emon a mochen amwarar ese much. Ese wor epwe tiweno. … Aier iei ewe kingeni fefeita.”

Aier ina Ew an ngeni murinono iteiten ran

Aier ESAP CHOK: Ew mettoch mi fifis iteitan “watten” tipis.

“Mefi ewe pochokunen manamanen aier iteitan—ren foforun me pwisin murinonon iteitan ran.

“Nupwen sia finata ach sipwe aier, sia finata ach sipwe siwin! Sia mut ngeni ewe Chon Amanau an epwe ekkesiwinikichenong non ewe napanapen inisich mi murinno. …

“… Ewe Samon ese fen pwan i ekieki unusoch senikich non ei fansoun non ach fefeita ese much. Nge I a osukusuku ach sipwe anapano ach sipwe unusoch.”

Aier a Ew an ngeni ach sipwe mefi kinamwe me pwapwa.

Aier ESE: Nom an epwe fori om kopwe mefi sau me nuokus.

“Aier… ina ewe ki ngeni pwapwa me kinamwe ngeni ekiek. …

“Nupwen sia finata ach sipwe aier, … sia fini ach sipwe mamarita me angei pwapwa—ewe pwapwan ngaseno non [Jises Kraist].” (Pwan nengeni Alma 36:17–23.)

Aier a: Ew feioch seni Samach non Nang me ewe Chon Amanau, ekkewe ra tongei kich.

Aier ESAP: Ew niwinin tipis.

“A chommong aramas ra ekieki pwe aier mi eu niwinin tipis—och mettoch esap wor etenekin tiwenon chok non ewe fansoun mi watte osukosukan. Nge ei memmefin efeiengaw mi feito seni Setan. A achocho ne eppetikich seni ach nenengeni Jises Kraist, ewe a uta fiti poun kewe mi suk, me mochen echikara, omusano, enimenima, apochokuna, nimeti, me epinano kich.”

En ka: Auchea om kopwe nom non an ewe Samon ewe Mwichefen.

En kose: Konien towaweno om kopwe aier.

“Ika pwe ka mefi pwe a kon nakatam om mokut towaweno seni ewe anen pwon, mut ngeniei upwe afata ngonuk pwe ese pung ena. Seni ewe Achasefan an Jises Kraist, om fansoun mwom a tongeni epwe saram— pwan mwo nge murinno. Kapas ngeni inom ke somom kewe me noum pisop ika presetenin pranch. Kose mochen, niwinsefanito ngeni ewe pwapwa me tumun an ewe anen pwon. Sia mochen kopwe fitikich.”

Etiwa an Kot Niffang mi Unusoch

Nge, en ka moneta om kopwe epinukunuku ewe Chon Aamanau ne okufu om nuokusun aier? En kosap niamameiti.

Preseten Nelson a apasa: “Pokiten ewe fonufan a mochen epwe manau, me pokiten en me ngang sia mochen sipwe manau, [Samach non Nang] a tinato rech emon Chon Amanau.

“… Sia etiw an Kot niffang mi unusoch me auchea. Sia oturau ach chou me tipis ren pechen ewe Chon Amanau me mefi ewe pwapwa a feitto seni aier me siwin.”

© 2024 by Intellectual Reserve, Inc. Meinisin pung mi kawor. A för non USA. Kapungunon non fosun Merika: 6/19. Kapungunon chiakun: 6/19. Chiakun porous Iteiten Maram Ren ewe Pochokunen Sarafo, September 2024. Chuukese. 19343 901

Esinesin

1. Russell M. Nelson, “The Power of Spiritual Momentum,” Apr. 2022 general conference (Liahona, May 2022, 98).

2. Russell M. Nelson, “We Can Do Better and Be Better,” Apr. 2019 general conference (Ensign or Liahona, May 2019, 67).

3. Russell M. Nelson, “Ewe Manamanen Amwokutun Pekin Ngun” (98).

4. Russell M. Nelson, “Sia Tongeni Fofor Murunno me Murino” (67–68).

5. Russell M. Nelson, “” (67)Sia Tongeni Fofor Murinno me Murinno

6. Russell M. Nelson, “We Can Do Better and Be Better” (67).

7. Russell M. Nelson, in “Worldwide Day of Testimony: I Can Do All Things through Christ,” broadcasts.ChurchofJesusChrist.org.

8. Russell M. Nelson, Instagram, Dec. 24, 2021, instagram.com/russellmnelson.