Ɔfiɔŋ-ke-ɔfiɔŋ Etop Kabaŋa Nsɔŋɔnda eke Iwaad , Ɔfiɔŋ Usukkiet 2024

Efehe-ndik Edikabare-esit?

Jessica Zoey Strong

Mme Ŋwed-mbuk Ndise eke Ufɔk Abasi

Nte President Russell M. Nelson etiŋde, se emi edi ntak eke afo mukpukopke ndik.

Nso ke afo okop ndik abaŋa? Mme ikpɔ-nnyan moto? Class emi enamde Ibat? Odomo edifiɔk ŋwed Isaiah?

Nso kabaŋa edikabare-esit? Edieke ekikere ŋkabare-esit anam fi oyom edidibe ke idak itie-ndibe fo mme adia ediwak chocolate, se-ewet emi enyene fi.

President Russell M. Nelson ete, “Mbɔk kufehe ndik mme ndisik ini ŋkabaresit.” Nyuŋ kabare-esit nnɔ eti ntak. Se emi edi esisit ŋkpɔ emi edikabare-esit edide ye midige, nte President Nelson etiŋde.

Edinam aŋwaŋa otode Corey Egbert

Edikabare-esit edi: Ɔnɔ ofuri owo.

Edikabare-esit IDIGE INƆ: Kpɔt inɔ “ndiɔi” owo.

“‘Nte, ofuri owo eyom ŋkabare-esit?’ Ibɔrɔ edi iŋ.”

“Eyom edikabare-esit eto ofuri mbon emi ɔfiɔkde idem ye emi eyomde nsinsi ubɔŋ. Owo isioho owo ndomo kiet ifep. … Ŋkabare esit edi akpan usuŋ ndika iso.”

Edikabare-esit edi: Usuŋ man anam ɔfɔn ke ofuri usen.

Edikabare-esit IDIGE INƆ: Ndinam kpɔt nnɔ ikpɔ “idiɔkŋkpɔ.”

Nyene-ifiɔk ke ukeme edikabare-esit k’usen-k’usen—ke edinam nyuŋ nam-ɔfɔn esisit kpukpru usen.

“Ini emi nnyin imekde edikabare-esit, nnyin imimek ndikpuho! Nnyin imenyime Andinyaŋa ɔkpuhɔ nnyin esin ke ata-nti uduot eke idem nnyin. …

“… Abasi iyomke mfɔn-mma ito nnyin ke ndaha ini emi ke isaŋ ŋkɔri nsinsi nnyin. Edi Enye oyom nnyin ikabare ikɔri ke ndisasana.”

Edikabare-esit edi: Usuŋ man okop emem ye idara.

Edikabare-esit IDUHE: Do inɔ ndinam fi okop buut ye ndik.

“Edikabare-esit … edi ukpɔhɔde inemesit ye emem ke ekikere. …

“Ini emi nnyin imekde ndikabare-esit, … nnyin imimek ndikɔri ke spirit nyuŋ mbɔ idara—idara erifak ke [Jesus Christ].” (Se ŋko Alma 36:17–23.)

Edikabare-esit edi: Edidiɔŋ emi otode Ete Heaven ye Andinyaŋa, emi emade nnyin.

Edikabare-esit IDIGE: Ufen.

“Ata ediwak owo eda edikabare-esit nte ufen—ŋkpo emi ekpesinde ke mibɔhɔke ke ata idiɔk idaha. Edi Satan esi-sin ekikere emi ete kedi edibɔ-ufen. Enye odomo ndibiɔŋɔ nnyin man ikuse Jesus Christ, emi adade ye ntaru-ubɔk, enyime onyuŋ aduak ndikɔk, mfen-nnɔ, nyet, nnɔ-ɔsɔŋɔ, nyuŋ nam nnyin isana.”

Afo edi: Se eyomde ke Ufɔk Abasi Christ.

Afo UDUHE: Oyom usuŋ ebe ŋkabare-esit

“Edieke ekerede ke imikpɔŋ usuŋ ediomi ika anyan mme ibihi ikaha ndien usuŋ mfiak edem iduhe, yak ami nnɔ fi ɔsɔŋɔ ke oro idihe akpanikɔ. Edi oto ke Erisio-isop Jesus Christ, ini-iso fo ekeme ediyama—onyuŋ eye. Nneme ye ete ye eka fo ye bishop mme branch president mbufo. … Mbɔk, fiak di duk ke idara ye ubɔhɔ eke usuŋ ediomi. Nnyin imeyom mbufo edidu ye nnyin.”

Nyime Nsana-mma Enɔ eke Abasi

Ntre, nte afo emebeŋe-idem ndinim Andinyaŋa ke akpanikɔ ndikan ndik eke edikabare-esit fo? Afo udutuaha mkpɔfiɔk.

President Nelson ete: Koro ererimbot eyomde unyaŋa, ndien koro afo ye ami imiyom unyaŋa, [Ete Heaven] ama ɔnɔ nnyin Andinyaŋa.

“… Yak nnyin inyime nsana-mma ye nsɔŋ-udua Enɔ eke Abasi. Yak nnyin iyak mbiomo ye idiɔkŋkpɔ nnyin inim ke ikpat Andinyaŋa inyuŋ ikut idara emi otode edikabare-esit ye edikpuhɔ.

© 2024 eketode Intellectual Reserve, Inc. Ekpan kpukpru unen ndimiŋ nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop eke Kabaŋa Nsɔŋɔnda eke Iwaad, Ɔyɔhɔ Ɔfiɔŋ Usukkiet 2024. Efik. 19343 553

Mkpri ŋwed

1. Russell M. Nelson, “The Power of Spiritual Momentum,” Apr. 2022 general conference (Liahona, May 2022, 98).

2. Russell M. Nelson, “We Can Do Better and Be Better,” Apr. 2019 general conference (Ensign or Liahona, May 2019, 67).

3. Russell M. Nelson, “The Power of Spiritual Momentum” (98).

4. Russell M. Nelson, “We Can Do Better and Be Better” (67–68).

5. Russell M. Nelson, “We Can Do Better and Be Better” (67).

6. Russell M. Nelson, “We Can Do Better and Be Better” (67).

7. Russell M. Nelson, in “Worldwide Day of Testimony: I Can Do All Things through Christ,” broadcasts.ChurchofJesusChrist.org.

8. Russell M. Nelson, Instagram, Dec. 24, 2021, instagram.com/russellmnelson.