Bosoom bosoom Ma Mbabun Enya Ahoɔdzen Amandzɛɛbɔ, Fankwa 2024

Ana Isuro Nnuhu?

Jessica Zoey Strong

Asɔr Dawurbɔ Nkrataa

Dɛ mbrɛ President Russell M. Nelson akã no, siantsir a ɔnnsɛ dɛ isuro nye yinom.

Ebɛnadze na isuro? Adende a ɔkɔ sor sor? Nkontaabu adzesũa bea? Erobɔ mbɔdzen enya Isaiah nwoma ho ntseasee?

Nnuho so ɛ? Sɛ nnuhu ho adwendwen ma epɛ dɛ ikosuma wo mpa do tam ase anaa idzi chocolate piigyan a, dza wɔakyerɛw yi yɛ wodze.

President Russell M. Nelson kãa dɛ, “Meserɛ mma hom nnsuro anaa hom nntwentweɔn nnuhu.” Na ɔdze siantsir pa. Dɛ mbrɛ President Nelson kyerɛɛ no ndzɛmba kumabaa binom a nnuhu yɛ na ɔnnyɛ, nye yi.

Corey Egbert yɛɛ nsaano mfonyin horow no

Nnuho wɔ hɔ: Ma obiara.

Nnuhu NNYI hɔ: Mma “ndzebɔnyɛfo” nko.

“‘Ana obiara hia dɛ onu noho?’ Nyiano no yɛ nyew.”

“Wɔhwehwɛ nnuho fi obiara a ɔsɛ nkontaabu hɔ na ɔpɛ onnyiewiei enyimnyam. Wonnyi biara mmfi mu. … Nnuhu nye saafee no a yɛdze nya mpontu.”

Nnuho yɛ: Kwan a yɛdze tu mpon daa daa.

Nnuho NNYƐ: Dza ɔnntɔ nnsi a ɔwɔ hɔ ma bɔn “akɛse” nko.

“Dua ndzeyɛɛ na papayɛ nkakrankakra da kor biara do—fa nya daa daa nnuho ho ahoɔdzen tum ho sũahu.

“Sɛ yɛsan mu yi dɛ yebonu hɛnho a, yɛfa dɛ yɛbɛsesã! Yɛma Agyenkwa no kwan ma ɔsesã hɛn ma yɛfa hɛn tam mapã no fura. …

“… Ewuradze N’enyi nnda hɛn emudziyɛ seisei wɔ hɛn onnyiewiei mpontu gyinabew yi do. Naaso N’enyi da kwan dɛ hɛnho bɔkɔ do atsew.”

Nnuho yɛ: Kwan a ogya kɔ asomdwee na enyigye atsenka.

Nnuho NNYI: Hɔ dɛ ɔbɛma enya enyimguase atsenkã na suro.

“Nnuho … yɛ enyigye na asomdwee ho saafee. …

“Sɛ yɛsan mu yi dɛ yebonu hɛnho a … yɛsan mu yi dɛ yebenyin sunsum mu na yeenya enyigye—mponee ho enyigye wɔ [Jesus Christ] mu.” (Hwɛ Alma 36:17–23 so.)

Nnuho yɛ: Nhyira a ofi Ɔsor Egya na Agyenkwa no a wɔdɔ hɛn no hɔ.

Nnuho NNYƐ: Asotwe bi.

“Nkorɔfo piigyan na wosusu nnuho dɛ ɔyɛ asotwe—biribi a wobokwetsir gyedɛ wɔ gyinabew dzendzen nko mu. Naaso Satan na ɔdze ntsẽa ho atsenka no ba. Ɔbɔ mbɔdzen dɛ obesiw hɛn kwan ma yɛnnkɔhwɛ Jesus Christ, a Oebue N’abasa mu gyina hɔ, Ɔdze enyidado na pɛ dɛ Ɔbɛsa hɛn yarba, dze hɛn bɔn akyɛ hɛn, atsew hɛnho, ahyɛ hɛn dzen, na Ɔasan hɛnho.”

Wohia: Wo wɔ Ewuradze N’Asɔr mu.

Ennkɔɔr: Ekyir dodow dɛ ibonu woho.

”Sɛ bia inya atsenka dɛ aman efi ahyɛmu anamɔn kwan no do akɔ ekyir dodow anaa efi ho akyɛr dodow a, ma memma wo awerɛhyɛmu dɛ dɛm no nnyɛ nokwar. Ɔnam Jesus Christ No Werdambɔ no do, wo ndaamba botum ayɛ kan—hyerɛn hyerɛn mpo. Enye w’awofo na wo bishop anaa nkorbata mu president nkasa. … Yɛserɛ, san bra ahyɛmu anamɔn kwan n’enyigye na bambɔ no do. Yehia dɛ ebɛkã hɛnho.”

Gye Nyankopɔn N’Akyɛdze Mapã no To Mu

Afei, ana ayɛ krado dɛ ibenya awerɛhyɛmu wɔ Agyenkwa no mu dze atram wo nnuho ho suro no? Erennfe woho ekyir.

President Nelson kã dɛ: “Osiandɛ dɛ wiadze yi kehiaa nkwagye, na osiandɛ emi na ɔwo yehia nkwagye ntsi, [Ɔsor Egya] somaa Agyenkwa brɛɛ hɛn.

“… Hom mma yɛngye Nyankopɔn N’akyɛdze mapã a ɔsom bo no nto mu. Hom mma yɛntow hɛn adzesoadze na bɔn horow ngu Agyenkwa no ne nanho na yenya enyigye a ofi nnuho na nsakyer mu ho sũahu.

© 2024 by Intellectual Reserve, Inc. All rights reserved. Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly For the Strength of Youth Message, June 2024 ne nkyerɛase. Fante. 19343 502

Nsɛnsin

1. Russell M. Nelson, “The Power of Spiritual Momentum,” Ebɔbira 2022 wiadze mfɛndzanan ehyiadzi (Liahona, Esusow Aketseaba 2022, 98).

2. Russell M. Nelson, “We Can Do Better and Be Better,” Ebɔbira 2019 wiadze mfɛndzanan ehyiadzi (Ensign anaa Liahona, Esusow Aketseaba 2019, 67).

3. Russell M. Nelson, “The Power of Spiritual Momentum” (98).

4. Russell M. Nelson, “We Can Do Better and Be Better” (67–68).

5. Russell M. Nelson, “We Can Do Better and Be Better” (67).

6. Russell M. Nelson, “We Can Do Better and Be Better” (67).

7. Russell M. Nelson, wɔ “Worldwide Day of Testimony: I Can Do All Things through Christ,” broadcasts.ChurchofJesusChrist.org.

8. Russell M. Nelson, Instagram, Mumu 24, 2021, instagram.com/russellmnelson.