Molaetsa wa Go Nonofo Ya Banana wa Kgwedi le kgwedi, Lwetse 2024

A o Tshaba Boikotlhao

Jessica Zoey Strong

Dimakasine tsa Kereke

Go yeng ka Poresidente Russell M. Nelson, fano ke lebaka la gore ke eng o sa tshwanela.

Ke eng se o se tshabang? Rollercoasters? Tlelase ya dipalo? Go leka go tlhaloganya Isaia?

Eng ka ga boikotlhao? Fa kakanyo ya go ikwatlhaya e go dira gore o batle go iphitlha ka fa tlase ga dikobo tsa gago kgotsa go ja tshokolete e ntsi, mokwalana o ke wa gago.

“Tswee-tswee se boife kgotsa wa diega go ikwatlhaya,” Poresidente Russell M. Nelson o buile. Mme ka lebaka le le molemo. Fano ke dilo di se kae tseo boikotlhao e leng le e seng, go yeng ka Poresidente Nelson.

Ditshwantsho ka Corey Egbert

Boikotlhao ke: Jwa botlhe.

Boikotlhao ga Se: Fela jwa batho ba ba sa “siamang”.

“‘A mongwe le mongwe o tlhoka go ikwatlhaya?’ Karabo ke ee.”

“Boikotlhao bo botlhokwa mo mothong mongwe le mongwe yo o nang le boikarabelo yo o eletsang kgalalelo ya bosakhutleng. Ga gona mo go tlhaotsweng. … Boikotlhao ke selotlolo sa tswelelopele.”

Boikotlhao ke: ke tsela ya go itokafatsa letsatsi le letsatsi.

Boikotlhao ga Se: Tiragalo e sa tlwaelesegang fela ya tse di “kgolo” dibe.

“Itemogele thata e e nonotshang ya boikotlhao jwa letsatsi le letsatsi—ya go dira le go nna botoka letsatsi lengwe le lengwe.

“Fa re itshenkela go ikwatlhaya, re itshenkela go fetoga! Re letla Mmoloki go re fetola go nna mofuta o o molemo wa batho. …

“… Morena ga a solofele boitekanelo mo go rona mo nakong e na mo tswelelong pele ya rona ya bosakhutleng. Mme O solofela gore re itsheke le go feta.”

Boikotlhao ke: Tsela ya go utlwa kagiso le boipelo.

Boikotlhao ga Bo: Teng go go dira go go tlhabisa ditlhong le go boifa.

“Boikotlhao …ke selotlele sa boitumelo le kagiso ya tlhaloganyo. …

“Fa re itshenkela go ikwatlhaya, … re itshenkela go gola semowa le go amogela boipelo—boipelo jwa thekololo mo go [Jeso Keresete].” Bona gape Alema 36:17–23

Boikotlhao ke: Tshegofatso e e tswang kwa go Rara wa Legodimo le Mmoloki, ba ba re ratang.

Boikotlhao ga Se: Kotlhao.

“Batho ba bantsi thata ba tsaya boikotlhao e le kotlhao—sengwe se se tshwanetseng go tilwa fa e se modiemong tse di botlhoko thata. Mme maikutlo a go otlhaiwa a neelwa ke Satane. O leka go re thibela go leba kwa go Jeso Keresete, yo o emeng ka matsogo a a phuthulogileng, a solofela le go rata go re fodisa, itshwarela, ntlafatsa, nonotsha, itshekisa, le go re itshepisa.”

O a: Tlhokega mo Kerekeng ya Morena,

Ga O Kgakala thata go ikwatlhaya.

“Fa gongwe o ikutlwa o timetse go tswa mo tseleng ya kgolagano kgakala thata kgotsa lobaka thata, mme tlaa ke go netefaletse gore seo ga se boammaaruri. Ka Tetlanyo ya ga Jeso Keresete, bokamoso jwa gago bo ka phatsima—le e leng go galalela. Bua le batsadi ba gago le bishopo kgotsa poresidente ya lekala. … Tswee-tswee boela mo boipelong le tshireletsego ya tsela ya kgolagano. Re go tlhoka le rona.”

Amogela mpho e e itekanetseng ya Modimo

Jalo, a o iketleeleditse go tshepa Mmoloki go fenya poifo ya gago ya boikotlhao? Ga o kitla o ikwatlhaela se.

Poresidente Nelson a re: “Gonne lefatshe le tlhoka poloko, mme gonne nna le wena re tlhoka go bolokwa, [Rara wa Legodmo] o re romeletse Mmoloki.

“… A re amogeleng mpho ya Modimo e e itekanetseng le e e botlhokwa. A re latlheleng merwalo le dibe tsa rona maotong a Mmoloki mme re itemogele boipelo jo bo tswang mo boikotlhaong le phetogong.”

© 2024 by Intellectual Reserve, Inc. All rights reserved. E gatisitswe ko USA Tetla ya Sekgoa: 6/19. Tetla ya thanolo: 6/19. Thanolo ya Monthly For the Strength of Youth Message, September 2024. Tswana. 19343 763

Dintlha

1. Russell M. Nelson, ”The Power of Spiritual Momentum,” Apr. 2022 khonferense ya kakaretso (Liahona, Motsheganog 2022, 98).

2. Russell M. Nelson, “We Can Do Better and Be Better,” Apr. 2019 khonferense ya kakaretso (Ensign kgotsa Liahona, Motsheganong 2019, 67).

3. Russell M. Nelson, “, We Can Do Better and Be Better” (98).

4. Russell M. Nelson, “We Can Do Better and Be Better” (67–68).

5. Russell M. Nelson, “We Can Do Better and Be Better” (67).

6. Russell M. Nelson, “We Can Do Better and Be Better” (67).

7. Russell M. Nelson, in “Worldwide Day of Testimony: I Can Do All Things through Christ,” broadcasts.ChurchofJesusChrist.org.

8. Russell M. Nelson, Instagram, Dec. 24, 2021, instagram.com/russellmnelson.