Ki jan nou ka fè ini si nou tout si tèlman divèjan?

Nou tout diferan. Men Senyè a vle pou nou fè “youn” (Doktrin ak Alyans 38:27). Men kèk prensip inite pwofèt yo ak apot yo anseye nou:

Nou ini nan Jezikri, nan levanjil Li a, ak nan Legliz Li a. “Se sèlman nan e pa mwayen lwayote endividyèl nou ak lanmou nou pou Jezikri ke nou ka espere vin fè youn.”

Inite mande lanmou. ‌“Menmsi gen diferans lang ak bèl tradisyon kiltirèl edifyan, kè nou dwe makonnen ansanm nan inite ak lanmou.”

Inite pa vle di ke nou se menm. ‌“Inite ak divèsite pa opoze youn ak lòt. Nou ka rive gen pi gwo inite si nou ankouraje yon atmosfè enklizyon ak respè pou divèsite.” “Inite pa mande pou nou tout se menm, men li mande amoni.”

Inite mande pou nou bani chirepit ak prejije. ‌“Gen plas pou tout moun. Toutfwa, pa gen okenn plas pou prejidis, kondanasyon, ni chirepit sou kèlkeswa fòm nan.”

© 2024 by Intellectual Reserve, Inc. All rights reserved. Enprime nan Etazini Damerik. Apwobasyon anglè: 6/19. Apwobasyon tradiksyon: 6/19. Tradiksyon Monthly For the Strength of Youth Message, October 2024. Haitian. 19344 036