“Paano kita mag-isa kon tanan kita daku ang pagkinalain?,” Para sa Kusog sang mga Lamharon, Okt. 2024.
Bulanan nga Mensahe sang Para sa Kusog sang mga Lamharon, Oktubre 2024
Paano kita mag-isa kon tanan kita daku ang pagkinalain?
Tanan kita may pagkinalain. Pero gusto sang Ginuo nga kita “mangin isa” (Doktrina kag mga Kasugtanan 38:27). Ari ang pila ka mga prinsipyo sang pag-isa nga gintudlo sa aton sang mga propeta kag mga apostoles:
Nagaisa kita kay Jesucristo, sa Iya ebanghelyo, kag sa Iya Simbahan. “Paagi gid lamang sa aton indibidwal nga katampad kag pagpalangga kay Jesucristo nga makalaum kita nga mangin isa.
Ang pag-isa nagapangayo sang pagpalangga. “Bisan sa mga pagkasari-sari sang mga linggwahe kag matahom, nagatib-ong nga mga kinabatasan sang kultura, dapat nga kita may mga tagipusuon nga nagaugyon sa pag-isa kag paghigugma.”
Ang pag-isa indi pagkapalareho. “Ang pag-isa kag pagkinalain indi kabaliskaran. Maagom naton ang dugang nga pag-isa sa aton pagduso sang balatyagon sang paglakip kag respeto para sa pagkinalain. “Ang pag-isa wala nagapangayo sang pagkapalareho, pero nagapangayo ini sang paghinangpanay.”
Ang pag-isa nagapangayo sang pagdula sang kaawayon kag diskriminasyon. “May lugar para sa tanan. Pero, wala sing lugar para sa diskriminasyon, pagpakalain, ukon bisan ano nga klase sang kaawayon.”
© 2024 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly For the Strength of Youth Message, October 2024. Hiligaynon. 19344 861