“Jesus Kristo a Madedok e ra “Klekar,” “Ungil,” e “Kede Lmuut el Mecherungel a Dourreng”,’” Liahona, Dec. 2024.
Bek el Buil Liahona,Klumech, Ongeteruich ma ongerul buil 2024
Jesus Kristo a Madedok e ra “Klekar,” “Ungil,” e “Kede Lmuut el Mecherungel a Dourreng”
Ngar tial tokubets el taem el doldeu e ra cherellel a tolechoi el ngara Bethlehem, bode blechoel el melatk el kmo a Jesus Kristo a mlei e ra beluulechad elmo Osebeled e Okised ra kodall.
Sel Cherelel a Jesus Kristo, mlara Sharlotte Andrus
A Apostol Petrus me a Babier ra Mormon ra re profet Jakobus ma Moroni a ulemeketakl ersel sengk e ra reng ra dourreng el ngara Kristo el mlo sisechakl e ra osisiu el teletael.
Le okesiul, a Petrus a dilu el kmo, “Doureng a sulel a Dios el Demal a Rubak er kid el Jesus Kristo, ng klou el klechubechub er ngii a uchul meng milskid a beches el klengar e ra lokisii a Jesus Kristo e ra kodall” (1 Petrus 1:3; smisichii a belkul). Ongit me mesa sel lusbechelel a tekoi el “klekar” elmo mesaod e ra “ourreng.”
A Jakobus a millekoi er a re betik ra rengul el rodam, mluut elmo rengii e loeak e ra tngakireng ra Kristo, eldi Tal Ngelekel, me bolbekiis e ra kodall, loltirakl e ra klisichel sel lokisel a kodall el ngara Kristo, e bol modars el kot el rodech ra Kristo el mora Dios, loba klaumerang, e blal nguu me mungil lourreng ersel ngii a klebkelel ruchei ra lochotii el ngara tech (mesaJakobus 4:11; smisichii a belkul). Ongit me mesa sel tekoi el “ungil” elmo mesaod e ra “ourreng.”
Ma Moroni a milketeklii el kmo ngii a dirrek el medengelii el kmo kau a mla melekoi el kmo ke mla kutmeklii a blirir a rechad, uaisei, e dirrek el teloi ra blil a Demam, me kede lmuut el mecherungel a dourreng; Mal uaisei a chad a kirel lourreng, le lak eng mo diak el nguu a blingelel ra basio el kau a mla kutmeklii (mesaEther 12:32;smisichii a belkul). Ongit me mesa sel tekoi el “cherungel” elmo mesaod e ra “ourreng.”
Ngera Ourreng el ngara Kristo?
A sengk e ra reng sel dourreng el ngara Kristo sel deurreng el dongerchiil er ngii ra diak a ulebengelel klengar lokiu ra “omerellel, me a klechubechub er ngii, me a ngesuil Edaol Messiah” (2 Nephi 2:8) me a mesisiich el soual a ikel telib el klengeltengat el kirel a llemalt. A ikal tekoi el “klekar,” “ungil,” ma “lmuut el mecherungel” el ngara ikal bades olecholt e ra di-melmolem e mesisiich el luleklatk el kirel a Okisel me a diak a ulbengelel klengar lokiu ra klaumerang el ngara Jesus Kristo.
A profet Mormon a smodii:
“E dirrek, betik er a renguk el rodam, ak mo mengedecheduch er kemiu el kirel a doureng. Ng mekerang e sebechiu el nguu a klaumerang, a lak el sebechiu el lourreng?
“Me ngera sel omsal kmal moureng er ngii? Kid a ngarngii a urunguled lokiu a Tngakireng er a Kristo me a klisichel a Okisel er a Kodall, el mo ngar el mo cherechar, e le tia uchul sel klaumerang er kid er Ngii lokiu a telbiil.”
“Ma le uaisei, alsekum a chad a oumerang eng kirel ngarngii a ongilel; le lak a klaumerang eng diak el sebechel ngarngii ongiil” (Moroni 7:40–42).
A Uldeseuel a Demad el kirel a Deurreng.
A urunguled er a Kristo el klekar, ungil, e lmuut el mecherungel a omuchel e loba klaudengei el kmo a Dios el Diak a Ulebengelel Demad a ngar. Ngii a Demad, e kid a Ngelekel ra reng. Kede meral ngelekel a Dios e ra reng el sechal ma redil e ngilai a dikesed el klebekled e lutekeled el mla re Ngii.
A Demad a kiltmeklii a uldasu e ra deurreng (mesa Abraham 3:22–28). Mesel de ngelekel a Dios el ngalek er a reng el sechal me a redil, kede kilengei er a Uldesuel elmo Rengelekel elmo nguu a bedengir er a tech e mo kiei er tial beluulechad el mesuub el merael el mo klikiid meng mo sebecherir el melchesuar ra klebkellir lultebechel el dikesir ersel diak a ulebengelel el klengar. A ngara chedaol llechukl, e kede mo medengei el kmo: a Demad a ngarngii a bedengel ra tech ma chiuesel eldi ua chad; ma Ngelekel el dirrek (mesa Doctrine and Covenants 130:22). Meng uaisei, a bedenged ra tech a klou a ultutelel el kirel a urellel me de ngoriakl el bedul sel chedaol osioled.
Kid a eru el teletael el bedechel chad. A reng er kid, sel diak el mokngemd el telkib er kid, a blail e ra bedengel a tech a keltmokl elmo mengarem a ikel seuad e nguibes el tekoi er tial klechad. A uldesuel a Demad el kirel a deurreng a ruul el loldars a ulekrael el kirel a Rengelekel, el ngosuterir mel luut el mo remei elmo re Ngii el mla mekiis ra kodall, el mla mekebkall a bedengir, e mo nguu a klengeltengat ra diak a ulebengelel deurreng.
The Christ Child, mlara Sharlotte Andrus
Sel Lolsobel el Ngerchelel a Jesus Kristo el ngara Uldesuel a Demad
A Jesus Kristo a Dital Ngelekel a Diak a Ulebengelel Chedam. Ngii a mlei ra beluulechad el me meruul a soal a Demal (mesa 3 Nephi 27:13). A Jesus Kristo ngikel milchedaol ra Demad elmo oderchelel ra rokui el tekoi el kirel a osbelir a rechad. Ngii ea Osebeled e Okised ra Kodall leng Ngii el mlo mesisiich e ra kodall ma klengit.
A Alma a ulemlaoch el mora rechad ra Gideon el kirel a urellel a Mesias el lolsobel.
E ngii a mo merael, mo chuarm er a ringel me a sebekreng me a cherarou er a bek el bedengel; e tia ea mo uchul e ng mo mutaut sel tekoi el kmo ngii a mo otekau a rokui el ringel me a secherir a rechedal.
Ngii a monguu tiang el mo er a kodellel, meng mo nguubet a lechetel a kodall el ngii a rongedii a rechedal; e ngii a mongmai a cheliteterir, me a rengul a mo mui er a chubchub, lokiu a tech, me ngii a mo medengei loltirakl ra tech mel ngosuterir a rechedal loltirakl a ikel chelitecheterir.
Chelechang a Reng a medengei a rokui el tekoi; ngdi a Ngelekel a Dios a mlo cheuarm loltirakl ra tech me bol sebechel ngmai a kngterir a rechad mel ngubet a kngterir loltirakl e ra klisichel lolsobel (mesaAlma 7:11–13).
Sel kot el osisechakl er a ebangkelio a klaumerang er a Rubak el Jesus Kristo. A meral klaumerang a omtutk el kirel a Osobel me ngmo sebeched el loumerang er Ngii e mo ultebechel a rengud ersel Klisichel losebelid e ra kodall, mengikiid er kid e ra klengit, e omekeltengat er kid ra klisiich el engelakl ra klisiched.
A Moroni ouchais, “Meng mlo sebechel mo suobel a chad loak a Jesus Kristo, e mengai el mora medal a Rubak; oi, tiakid sel luchul ea rokui el chad a mo suobel, leng kodelel a Kristo uchul eng morngii a okiis ra kodall, el mlo uchul okiis e ra diak a ulebengelel cheliuaiu, el ngii el cheliuaiu a bol bekiis er ngii a rokui el chad loeak a klisichel a Dios sel lebo er ngii a ngerel a trombetang me bol bekiis, a re mekekerei me a re meklou, a rokui elmo dechor ra medal le te mla suobel el mengubet ra rengedel a diak a ulebengelel kodall, el ngii el kodall a kodall ra tech.” (Mormon 9:13).
A kuchais el kmo a Osobel a ngilbetii a rengedel a kodall. Ngii a milkiis ra kodall, Ngii a ngar, e Ngii ea di imol luchul a klekar, ungil, e lmuut el mecherungel a urunguled.
Ng Otil a Delbenged
A profet Ether ouchais el mo ngike el oumerang er a Dios a sebechel morngii a urungulel er a ungil beluulechad, oi, ng basio el ngara kadikm er a Dios, el urungulel a msa klaumerang, el mo otil a rengul a chad, el rulterir el mo delalm e mesisiich, el blechoel meruul a ungil omeruul, e mo kobkelii a Dios. (mesaEther 12:4; smisichii a belkul).
Me tial tokubets el taem el doldeu ra cherellel a tolechoi ra Bethlehem, bode blechoel meltalk el kmo a Jesus Kristo a mlei ra beluulechad elmo Osebeled e Okised ra Kodall. Ngii oldars el me rekid a diak el mochar el sengk ra reng e ra klengar, omekbeches, beltikelreng, budech, osenged ra klechad, deurreng me a urunguled.
Ak mengermedaol er kau me mosiik e lungil el kirel chedaol sengk ra urungulem ra Osobel sel mosuub a ikel losisechakl ma loumerang a re profet ra uodel me a chelechal taem el kirel a tngakireng er Ngii el lulenget er ngii me a dilubech el Lokisel ra Kodall. Mesel bo moruul er ngii, e ak yaksok el kmo a klaumerang er kau ra Olsobel ra klebkellel a mo mesisiich, a beltem el mo er Ngii a mo dmolech, sel soam me a blak er reng el dechor el bekeu el sioning er Ngii a mengai el meleketek, e kau a mo ngeltengat e ngarngii a otil a delbengem—el klekar, ungil, e lmuut el mecherungel a urungulem.
Ma kubengterir a re Apostol el mla ouchais a klaumerang er tir er Ngii ra ikal merkong el telael rrak, e ak dmeu a renguk louchais e sioning el kmo a Jesus Kristo a ngar el Ngelekel a ngar el Dios. Ngii a mla mekiis e ra kodall el Osebeled el mla mekebkall, el ngarngii a bedengel ra tech ma iuiis. Meng nguchul sel lokisel ra kodall mesel mla lmuut el mora Dios ma Rubak a mla kutmeklii meng sebechel a rokui el chad, me kede nguu a reng el klou a rengud mea klekar, ungil, ma lmuut el mecherungel lurunguled el kmo “ngokiu ra Kristo ea re bek el chad a lmuut elmo ngar” (1 Korinth 15:22).
© 2024 lokiu Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a { Monthly Liahona Message, December 2024. Palauan. 19296 881