Bek el Buil Kirel a Klisichir a Rengeasek,Klumech, Ongeteruich ma ongerung el buil 2024

SelCherellel a Jesus Kristo

Mlara David A. Edwards

Babier er a Ikelesia

Msubii sel kirel tial dodengelii el teletael ra Kurismas e mekerang a le ngosukid mel klebechel osenged el kirel a Osobel.

Llechukl mlara Caroline Vibbert

Bethlehem

Bethlehem belkul tekoi a “blil a blauang” ra Hebru. Bebil ra taem e ngokodongall el belual a David, el tiakid sel luldelid el rolel ngkel Osobel el mlulauch el kmo ngmei (mesa Jeremia 23:5; Johanes 7:42). A Samuel a mle chedolii a David el merredel ra Bethlehem (mesa1 Samuel 16:1–13). Ng mlulaoch el kmo ngkel Osobel a mo mechell risei (mesaMicah 5:2).

“Meng ngultebechel el meral kirel el [Jesus Kristo], el ‘blauang ra klengar,’a mei el ngarsel ‘blai ra klengar.’”

President Russell M. Nelson, “In This Holy Land,” Liahona, Feb. 1991, 13.

Lengiil Blai

A tekoi ra Greek ra lengiil blai a sebechel belkul a ngidil blai el diak el delongchokl di dultuil er ngii el telkib, luldimukl ra imol delmerab. Maria “mekedusii [a Ngalk el Kristo] er a ongolel a charm; leng mlo meseked el diak a bo le kiei er ngii er tial lengiil blai” (Lukas 2:7). (The Joseph Smith Translation a kmul kmo “lengiil blai.”) “Ng diak a bo le kiei er ngii” a sebechel belkul a dimlak a basio el sebechir el kiei er ngii a lomechell ra tolechoi. Meng uaisei, me te mlora tara basio el mla rengii a ongolel a charm.

Ongolel a charm

A ongolel a charm a kekemanget el kahol malechub eng derbengais el klalou el blil a kelel a charm. Sera uodel taem ra Judea, ea ikang a oumesind el mle ruul er bad. A lengiil blai a mla rengii a meklou el mekesekesel el ngarngii a ongolel a charm, e betok el lobliil a dirrek el mla rengiia ongolel a charm ra chelsel a ikel meklou el delmerab mel sebechel a charm el chelsimer er ngii sel klebesei.

Omechem el Bail

A re chedil a omechem ra re direke milechell el ngalk (el omael er tir ra blanket malechub eng mamd) el tal telael el rrak Tiang a olleklii e kilou a rengrir a rengalk ra uriul ra le kibetiekl ra ltobed er a diil. Sel bail el Maria a ulesbech er ngii a locha mla rengii a tokubets el llechukl er ngii el klou a belkul el mora telungalk er ngii.

Maria me a Joseph

Te diul mle ungil e melmalt el chad, e diul ruldidelel a David. Te diul mla mesang a anghel el mengetmokl er tir el kirel a cherellel a Osobel (mesa Mateus 1:18–25; Lukas 1:26–38). Te milrael el dart el mo bdul a dart ma okoual km (okolem el mora oketiu el mael) el mora Bethlehem. A Maria a mle dioll er tial taem ra lorael.

Re Mengkar a Sib

A re mengkar a sib el omes a chermir el bitang er a bita er a Bethlehem. Doltirakl ra re semong, eng di sib el kirel mo tenget ra templo a le kengei lomekeroul ra bita ra beluu. Meng sebechel tirkal mengkar a sib el lulmekrael a sib el kora okesiul a Jesus Kristo el tongetengii a klengar er ngii el kired (mesa Moses 5:6–7). Te chiloit a chermir elmo omes ra Osobel, sel lodersel a tngakireng er ngii elmo choroid a odersel a charm.

A Ngalk el Kristo

A Jesus Kristo ea moktek erse siasing ra Cherelel a Jesus Kristo—me a klengar er kid.

“A kureng meng morngii a temem er a chelechal temel a Kurismas e mo dengchokl el telkib el taem e mecherei sel Reng ra Osobel meng kilungii a rengum e smisichau. … Mdengchokl el chelelakl lobang ngil tolechoi me bo mesisiich er a reng. … Mnguu seikid el taem me molenguul mel kebekakl a uldesuem me bol klou a rengum em mekerker.

“Dios le beskau seikid el klengeltengat er tial Kurismas sel kau, me ngak, a sioning e ra Osobel Jesus Kristo—Ngii ea otil a klengar er kid, mesel ngii a meral moktek er tial klengar.”

Elder D. Todd Christofferson of the Quorum of the Twelve Apostles, “Be at Peace,” Liahona, Dec. 2015, 37.

© 2024 lokiu Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Monthly For the Strength of Youth Message, December 2023. Palauan. 19346 881

Uleklatk

1. Joseph Smith Translation, Lukas 2:7 (ra Lukas 2:7, footnote b

2. Mesa Andy Mickelson, “An Improbable Inn: Texts and Tradition Surrounding Luke 2:7,” Studia Antiqua vol. 14, no. 1 (May 2015).

3. Mesa Andy Mickelson, “An Improbable Inn.”

4. Mesa Russell M. Nelson, “The Peace and Joy of Knowing the Savior Lives,” Liahona, Dec. 2011, 19–20.

5. Mesa Alfred Edersheim, The Life and Times of Jesus the Messiah, 8th ed. (1907), 1:186.