Porous Ren ewe Pochokunen Serafo Iteiten Maram, December 2024

Ewe Uputiwen Kraist

Seni David A. Edwards

Magazine noun Mwichefen

Kaeo usun ei nonnomun Kirisimas mi itefouno me ifa usun a anisi kich ne anonga ewe Chon Amanau.

Chunga seni Caroline Vibbert

Bethlehem

Bethlehem wewen “imwen pinewa” non Hebrew. Fan ekkoch a iteni ewe teninimwen David, ewe mi osini pwe seni mwirimwirin ewe Messiah epwe feito seni (nengeni Jeremiah 23:5; John 7:42). Samuel a epitano David epwe king non Bethlehem (nengeni 1 Samuel 16:1–13). A fen osini pwe we Messiah epwe uputiw ikewe (nengeni Micah 5:2).

“Ifa fichin pwe [Jises Kraist], ewe ‘pinewan manau,’ epwe feito seni ewe ‘imwen pinewa.’”

President Russell M. Nelson, “In This Holy Land,” Liahona, Feb. 1991, 13.

imwen wasona

Ewe kapasen Greek ren inn a tongeni wewen och nenien wasona, mi pachenong eu rumwen wasona. Mary a “akonano [ewe Semirit Kraist] non ew neenien amongon man; pun ese chuwen wor neenier non ewe imwen wasona” (Luke 2:7). (Ewe Chiaku an Soufos Joseph Smith a apasa “inns.”) “Ese wor rum” a tongeni wewen pwe rese ketiw ika ese wor neni ra nom ie a wor rum ar repwe nounatiw emon monukon. Met a fis, ra feino ekis ikewe mi wor eu neenien amongon man.

Neenien amongon man

Eu neenien amongon man ina eu pwor mi seikita ika eu neni mi tam mi onomu mongo fan iten man. Non Judea me nom, ekkei ir mi for seni fau. Imwen wasona a wor neni nukanaper fiti neenien amongon man, me chommong imw mi pwan wor ar neenien amongon man non ewe watten rum pwe man repwe tongeni nom ikewe nepwin.

Aapen Monukon

In ra tukumano monukon (tukumireno non echo pananget ika mangaku) ren ngeroun ier. Ei a amosonosona me ekinamweir mwirin amairun ar tou seni ewe nenuk. Ewe mangaku Mary a aea meni mi wor esisin won mi auchea ngeni ewe famini.

Mary me Joseph

Ir aramas mi och me tupwon, me ir me ruemon mwirimwirin David. Emon chon nang a fen churi emon me emon ir ren amonnetan uputiwen ewe Chon Amanau (nengeni Matthew 1:18–25; Luke 1:26–38). Ra sai 100–140 km (60–90 mwain) ngeni Bethlehem. Mary mi pwopwo fansoun ewe sai.

Chon masen siip

Chon masen siip ra tumunu nour penen man unukun Bethlehem. Anongonong won ekkoch mi sinenap, ekkewe chok siip ra kawor fan iten asoren tempel ra mumuta ar repwe tumun unukun eu teninimw. Iwe ekkei chon masen siip meni ra tumunu siip minne repwe tupuni an Jises Kraist asor fan itach (nengeni Moses 5:6–7). Ra suseni nour kewe penen man ar repwe kuna ewe Messiah, ewe an asoren achasefan epwe awesano ewe asoren man.

Ewe Semirit Kraist

Jises Kraist i a nom nukanapan ewe niosun Uputiwen Kraist—me non manauach.

“Ua anean oupwe awora ei fansoun Kirisimas ne mommot ren mosonoson ren ekkis fansoun me mut ngeni Ngunun ewe Chon Amanau epwe attapa netipwom me apochokunok sefan. … Momot fanafaneno fiti ena kukkun monukon me feino non pochokun non ngun. … Mut ngeni ena fansoun epwe ew fansoun asoso me apochokun sefan me epinukunuk me asofosefan.

“Kot epwe ngonuk ena feioch non ei Kirisimas nupwen en, fiti ngang, sipwe pwarata usun ewe Kraist Chon Amanau—An nom nukanapen manauach, ngeni manauen aramas meinisin, me ngeni ewe wesewesen popun ach fis.”

Elter D. Todd Christofferson seni ewe Mwichen Ekkewe Engon me Ruemon Aposel, “Be at Peace,” Liahona, Dec. 2015, 37.

© 2024 by Intellectual Reserve, Inc. Meinisin pung mi kawor. A för non USA. Kapungunon non fosun Merika: 6/19. Kapungunon chiakun: 6/19. Chiakun Ren ewe Pochokunen Serafo Iteiten Maram, December 2024, December 2024. Chuukese. 19346 901

Esinesin

1. Chiakun Joseph Smith, Luke 14:28 (in Luke 14:27footnote b

2. Nengeni Andy Mickelson, “An Improbable Inn: Texts and Tradition Surrounding Luke 2:7,” Studia Antiqua vol. 14, no. 1 (May 2015).

3. Nengeni Andy Mickelson, “An Improbable Inn.”

4. Nengeni Russell M. Nelson, “The Peace and Joy of Knowing the Savior Lives,” Liahona, Dec. 2011, 19–20.

5. Nengeni Alfred Edersheim, The Life and Times of Jesus the Messiah, 8th ed. (1907), 1:186.