iTukutuku Vakavula ni Me iSakisaki ni iTabagone Tiseba 2024

Na Sucu nei Jisu

Mai vei David A. Edwards

Mekasini ni Lotu

Vulica na iyaloyalo kilai levu ni Siganisucu oqo kei na sala e vukei keda kina meda vakanamata vua na iVakabula.

Droini mai vei Caroline Vibbert

Peceliema

Peceliema e kena ibalebale na “vale ni madrai” ena vosa vaka-Iperiu. E dau vakatokai ena so na gauna me koro i Tevita, ka a parofisaitaki mai na nona kawa na Mesaia (raica na Jeremaia 23:5; Joni 7:42). A lumuti Tevita o Samuela me tui mai Peceliema (raica na 1 Samuela 16:1–13). A parofisaitaki ni na sucu mai kea na Mesaia (raica na Maika 5:2).

“Sa dua na ka veiganiti me [o Jisu Karisito], na ‘madrai ni bula,’ me lako mai na ‘vale ni madrai.’”

Peresitedi Russell M. Nelson, “Ena Vanua Tabu Oqo,” Liaona, Fepe. 1991, 13.

Bure

Na vosa va-Kirisi ni inn e rawa ni kena ibalebale na icili vakawawa, oka kina na rumu ni vulagi. O Meri “sa vakadavora [na Gone o Karisito] ena dua na vale ni manumanu; ni sa sega na nodratou tikina ena bure ni vulagi” (Luke 2:7). (E kaya na iVakadewa nei Josefa Simici na “bure ni vulagi.“) “Sega na rumu” e rawa ni kena ibalebale ni rau sa vakasukai se ni sega ni dua na vanua e rawa ni vakasucumi kina e dua na gone ena vanua e rawa ni ratou a vakaicili kina. Se mani cava e yaco, eratou a lako ki na vanua e tiko kina e dua na vale ni manumanu.

Vale ni manumanu

Na vale ni manumanu e kato cecere se ikeli e tiko kina na kakana me baleti ira na manumanu. Ena vanua makawa o Jutia, e levu sara na ka oqo era caka ena vatu. E tiko na lomanibai e loma ni bure ni vulagi ka tiko kina na vale ni manumanu, e levu tale ga na vale era tiko kina na vale ni manumanu era rumu levu ni gade me rawa ni ra maroroi tu kina na manumanu ena bogi.

iSulu ni Vesu

Era dau vesuki ira na gone sucuvou na tinadra (era ologi ira ena itutuvi se isulu) ena udolu na yabaki. Oqo e dau vakacegui ira mai na nodra biuta mai vakasauri na katonigone. Na isulu a vakayagataka o Meri e rairai duatani na kena ivakatakilakila ni matavuvale.

Meri kei Josefa

Erau tamata vinaka ka yalododonu, ka rau kawa ruarua i Tevita. Erau a sikovi yadua mai vua e dua na agilosi ena vakavakarau ki na sucu ni iVakabula (raica na Maciu 1:18–25; Luke 1:26–38). Erau a lakova e 100–140 na kilomita (60–90 na maile) ki Peceliema. A sa bukete tiko o Meri ena ilakolako oqo.

iVakatawa ni Sipi

Era vakatawana tiko na nodra qelenisipi na ivakatawa volekati Peceliema. Era kaya eso na vuku, ni sipi duadua ga e kedra inaki me ra isoro ena valetabu e vakatarai me susugi volekata e dua na koro. O ira beka na ivakatawa oqo era a vakatawa sipi tiko ka na matataka na isoro i Jisu Karisito ena vukuda (raica na Mosese 5:6–7). Era biuta na nodra qele ni manumanu mera raica na Mesaia, na nona isoro ni veivakaduavatataki ena vakaotia na isoro manumanu.

Na Gone o Karisito

O Jisu Karisito na iyaqa ni ivakatakarakara ni Sucu nei Jisu—kei na noda bula.

“Au nuitaka ni ko na taura na gauna ena gauna ni Siganisucu oqo mo dabe vakanomodi me vica na gauna ka laiva na Yalo ni iVakabula me raragi iko ka vakadeitaki iko. Dabe galugalu kei na gone lailai oya ka tucake mai ni ko sa vaqaqacotaki vakayalo. Laiva na gauna oya me gauna ni vakacegu kei na vakatataki cake ka veivakadeitaki kei na vakavoui.

“Sa solia vei kemuni na Kalou na veivakalougatataki ni Siganisucu oqo ni ko ni, duavata kei au, me vakadinadinataka na iVakabula o Jisu Karisito—ni sai Koya na iyaqa ni bula, ki na tamata taucoko, ka sa inaki sara ga ni bula.”

Elder D. Todd Christofferson ena Kuoramu ni iApositolo Le Tinikarua, “Be At Peace,” Liahona,, Tise., 2015, 37.

© 2024 mai na Intellectual Reserve, Inc. Dodonu kece e taqomaki. Tabaki e Amerika. Vakadonui me vaka Valagi: 6/19. Vakadonui me vakadewataki: 6/19. iVakadewa ni iTukutuku Vakavula ni Me iSakisaki ni iTabagone, Tiseba 2024. Fijian. 19346 858

iDusidusi

1. iVakadewa nei Josefa Simici, Luke 2:7 (ena Luke 2:7, ivakamacala e botona b).

2. Raica na Andy Mickelson, “An Improbable Inn: Texts and Tradition Surrounding Luke 2:7,“ Studia Antiqua voli. 14, naba 1 (Me 2015).

3. Raica na Andy Mickelson, “An Improbable Inn.”

4. Raica na Russell M. Nelson, “The Peace and Joy of Knowing the Savior Lives,“ Liahona, Tise. 2011, 19–20.

5. Raica na Alfred Edersheim, The Life and Times of Jesus the Messiah, 8th ed. (1907), 1:186.