Pweng Nuh ke Kuh luhn Mwet Fuhsr ke Mahlwem Nuhkwewa, Tisacmpuh 2024

Isuslac luhn Jisus

Sel David A. Edwards

Mackuhsin luhn Alu uh

Lutlutkihn ahkuhtweyac ke atacn Christmas se ac e kahsre kuht fuhkah in lohacng nuh sin Mwet Lahngo.

Sroal sel Caroline Vibbert

Bethlehem

Bethlehem kalmac pa “lohm in bread” nuh ke kahs Hebrew. Kuhtuh pacl uh pahngpahng siti lal David, ma tahkiyacn sucu lal Messiah ma palyeiyuck tuhkuh kac (liye Jeremiah 23:5; John 7:42). Samuel el akmuhsraelah David tohkohsrah luhn Bethlehem (liye Sie Samuel 16:1–13). Palyeiyuck lah Messiah elac isuslac insac (liye Micah 5:2).

“Fuhkah pwacyeiac lah [Jisus Kraist], ‘bread in moul,’ el tuhkuh ke ‘lohm in bread.’”

Prestuhn Russell M. Nelson, “In This Holy Land,” Liahona, Feb. 1991, 13.

Inn

Kahs Greek se nuh ke inn kuh in luhmweyuck nuh ke oacna sie acn in monglac, kuh pac in acn luhn mwet fahsr. Mary el “fililyac [Tuhlihk Kraist] in nien mongo lun kosro — mweyen wangin acn elos in muta we ke lohm in mongla lun mwet fahsr” (Luke 2:7). (The Joseph Smith Translation fahk “inns.”) “Wacngin rum” kalmac pa elos fohlohkihnyucklac kuh wacngihn acn elos kuh in muhta we oswelah sie ahwowo. Ke srihpac sacn, elos som nuh ke nien mongo luhn kosro.

Nien mongo luhn kosro

Manger el oacna kihtin lohm pohk ma nwacnwacnk mongo nacn ma orahkrahk. Ke pacl meet ah fin acn Judea, ma inge kwacna oreklac ke yot. Acn in monglac inge oasr acn luhlahp se ma pohk inge an kac, ac puhs pac lohm ma oreklac fihliyucki pohk inge lin lohm ah ma orahkrahk in muh fihlihyucki kac ke fong uh.

Ipin Nuknuk

Ninac uh muhta puhnlah tuhlihk tuhfahna isuslac uh (puhnuhloslac ke blanket kuh nuknuk) ke tausin yac. Ma se inge ahkwoye ac ahkmihsye lut lalos tukun elos som liki insiac. Nuknuk se ma Mary el orekmakihn inge sahp yohk kalmeyac nuh sin sucu lal uh.

Mary ac Joseph

Elos mwet wo ac suwohswohs, ac elos kewa tuhkuh ke sruf lal David. Kais sie ohsun sin lipufacn in ahkolah nuh ke isuslac luhn Mwet Lahngo (liye Matthew 1:18–25; Luke 1:26–38). Elos fuhfahsryucsr ke 100–140 km (60–90 miles) nuh Bethlehem. Mary el pihtuctuc ke fuhfahsryucsr se inge.

Mwet shepherd

Mwet sheperd elos liyacng un sip siskacn Bethlehem. Oacna sruhmuhnyuck sin mwet pihsrlac, sip ma kuh in kihsackihnyuck tempuhl muhkwena pa fihliyucklac in tuhfweyucklac siskacn siti uh. Na mwet sheperd inge elos muhta karihngihn sip ma e muh ahol kihsackuhnlah lal Jisus Kraist kacsr (liye Moses 5:6–7). Elos som liki un sip nahtuhlos inge in liye Messiah, ma kihsackuhnlah muhtahl la e aholah kihsac luhn ma orahkrahk.

Tuhlihk Kraist

Jisu Kraist pa siyucki ke atacn Isuslac se inge—ac in moul lasr.

“Nga finsrak kowos in oasr pacl ke Christmas se inge in akikowi muhta ke kihtin pacl mihs se ac lwelah Mwet Lahngo Elan ahkwoye kom ac ahkahlwemye nuh sum. … Muhta mihslac wi ahwowo srihsrihk sacn ac ahkkweyucklac ke nguhn. … Lwelah pacl se ingacn in pacl in monglac ac ahksasuc ac ahkpwacye.

“God El usot nuh sum mwe insewowo se ingacn ke Christmas ke kom, wiyuc, fahkwack kacl Mwet Lahngo Jisus Kraist—El pa infulwacn moul lasr, nuh sin moul nuhkewa, ac nuh ke srihpac luhn oreklac luhn ma uh.”

Elder D. Todd Christofferson Ke U luhn Mwet Sap Singucul Luo, “Be at Peace,” Liahona, Tisacmpuh. 2015, 37.

© 2024 sin Intellectual Reserve, Inc. Suwohs nuhkwewa fihliyucki. Printiyucki fin acn USA. Ahkkweyeyucklac ke English: 6/19. Ahkkweyeyucklac ke lweng: 6/19. Lwenglah luhn Pweng Nuh ke Kuh luhn Mwet Fuhsr ke Mahlwem Nuhkewa, Tisacmpuh 202.Kosraean.19026 868

Mwe Sihm

1. Joseph Smith Translation, Luke 2:7 (in Luke 2:7, footnote b).

2. Liye Andy Mickelson, “An Improbable Inn: Texts and Tradition Surrounding Luke 2:7,” Studia Antiqua vol. 14, no. 1 (May 2015).

3. Liye Andy Mickelson, “An Improbable Inn.”

4. Liye Russell M. Nelson, “The Peace and Joy of Knowing the Savior Lives,” Liahona, Tisacmpuh. 2011, 19–20.

5. Liye Alfred Edersheim, The Life and Times of Jesus the Messiah, 8th ed. (1907), 1:186.