मासिक युवाहरूको शक्तिका लागि सन्देश, डिसेम्बर २०२४
येशूको जन्म
यस परिचित ख्रीष्मसको दृश्य र यसले हामीलाई मुक्तिदातामा ध्यान केन्द्रित गर्न कसरी सहयोग गर्छ भन्ने सम्बन्धमा जान्नुहोस् ।
कयारोलिन भिबर्टद्वारा चित्रण
बेथलेहेम
बेथलेहेम भनेको हिब्रूमा “रोटीको घर” हो । यसलाई कहिलेकाहीँ दाऊदको सहर भनिन्छ, जसको वंशबाट मसीह आउनुहुने भविष्यवाणी गरिएको थियो (हेर्नुहोस्यर्मिया २३;५; यूहन्ना ७:४२) । शमूएलले बेथलेहेममा दाऊदलाई राजा अभिषेक गरे (हेर्नुहोस् १ शमूएल १६:१-१३) । त्यहाँ मसीहको जन्म हुने छ भनेर भविष्यवाणी गरिएको थियो (हेर्नुहोस् मीका ५:२) ।
पौवा
पौवाका लागि ग्रीक शब्दको अर्थ अतिथि कक्ष सहित अस्थायी आवास हुन सक्छ । मरियमले “[बालक ख्रीष्टलाई] डुँडमा राख्नुभयो; किनभने “पौवामा उनीहरूका लागि ठाउँ थिएन” (लूका २:७) । (जोसेफ स्मिथको अनुवादमा भनिएको छ “पौवाहरू ।”) “ठाउँ छैन” को अर्थ तिनीहरूलाई फिर्ता पठाइयो वा तिनीहरू बसेको ठाउँमा बच्चा जन्माउने ठाउँ थिएन भन्ने हुन सक्छ । जे भए तापनि, तिनीहरू कतै गए जहाँ डुँड थियो ।
डुँड
डुँड भनेको उचालिएको एउटा बाकस वा कुण्ड हो जसमा जनावरहरूका लागि खाना राखिन्छ । प्राचीन यहुदामा, यी प्रायः ढुङ्गाबाट बनेका हुन्थे । पौवामा डुँडहरूसहित बीचमा आँगनहरू हुन्थे र धेरै घरहरूमा ठूला मुख्य कोठामा डुँडहरू पनि हुन्थे ताकि त्यहाँ रातभर जनावरहरू राख्न सकियोस् ।
बेर्ने लुगा
हजारौँ वर्षदेखि आमाहरूले नवजात शिशुहरूलाई (कम्बल वा कपडामा) बेर्दै आएका छन् । यसले गर्भ छोडेको झटका पछि तिनीहरूलाई शान्त बनाउँछ र सान्त्वना दिन्छ । मरियमले प्रयोग गरेको कपडामा परिवारका लागि विशेष चिन्ह राखिएको हुन सक्छ ।
मरियम र योसेफ
तिनीहरू असल र धर्मी मानिसहरू थिए र दुबै दाउदका सन्तान थिए । मुक्तिदाताको जन्मको तयारीमा स्वर्गदूतद्वारा प्रत्येकलाई भेट गरिएकोथियो (हेर्नुहोस् मत्ती १:१८-२५; लूका १:२६-३८ ) । तिनीहरूले बेथलेहेमसम्म १००-१४० किमी (६०-९० माइल) यात्रा गरे । यात्राको क्रममा मरियम गर्भवती थिइन् ।
गोठालाहरू
गोठालाहरू बेथलेहेम नजिकै आफ्ना भेडाहरू चराइरहेका थिए । केही विद्वानहरूकाअनुसार मन्दिरको बलिदानका लागि हुर्काइएका भेडाहरू मात्र सहर नजिक पाल्न दिइन्थ्यो । त्यसकारण यी गोठालाहरूले हाम्रा लागि येशू ख्रीष्टको बलिदानलाई प्रतिनिधित्व गर्ने भेडाहरू चराइरहेका हुन सक्छन् (हेर्नुहोस् मोशा ५:६-७) । तिनीहरूले मसीहलाई हेर्न आफ्नो बगाल छोडे, जसको प्रायश्चितको बलिदानले जनावरहरूको बलिदानलाई हटाउने छ ।
बालक ख्रीष्ट
येशू ख्रीष्ट उहाँको जन्मको दृश्यको—हाम्रो जीवनको केन्द्रको आकृति हुनुहुन्छ ।
© 2024 Intellectual Reserve, Inc. द्वारा सर्वाधिकार सुरक्षित । संयुक्त राज्य अमेरिकामा मुद्रित । अङ्ग्रेजी अनुमोदन: ६/१९ । अनुवाद अनुमोदन: ६/१९ । Monthly For the Strength of Youth Message, August 2024 को अनुवाद । Nepali. 19346 372