Mga Pamaagi sa Institute Graduation

Pahinumdom: Kon ang mga bishop ug mga presidente sa stake mahisgotan sa ubos, nagpasabot usab kini sa mga presidente sa branch ug mga presidente sa district.

Ang mga Sumbanan

• Ang tinuig nga graduation exercises makahatag og paagi nga mapasidunggan ang paningkamot ug mga nakab-ot sa mga estudyante sa institute.

• Ang graduation kinahanglang ipahigayon kada tuig.

• Ang institute graduation kinahanglang ipahigayon diha sa campus o sa stake program level. Makatugot usab kini sa mga stake program nga mahiusa sa mga campus program ug uban pang mga stake program alang sa mga graduation ceremony, kon tukma kini sa tan-aw sa lokal nga mga tigdumala ug mga lider.

• Kon posible, ang mga graduation ceremony kinahanglang ipahigayon human matapos ang school year.

• Kon matino nga ang mga graduation ceremony dili mapahigayon, ang mga diploma mahimong mahangyo sa gi-endorso nga mga estudyante ug iimprinta sa institute program human matapos ang tuig.

• Ang mga estudyante nga kwalipikado alang sa graduation kinahanglang mokompleto gayod og dili mominos sa 14 ka kredito sa mga institute course: 4 ka Cornerstone course (8 ka total nga kredito) ug 3 ka mga elective course (6 ka total nga kredito).

• Aron makompleto ang usa ka kurso, ang mga estudyante kinahanglan gayod nga makapakita og (1) attendance, (2) pagbasa sa gi-assign nga basahon sa kurso, ug (3) mga kinahanglanon sa Elevate Learning Experience (ELE). Anaay makeup work alang sa mga estudyante nga wala makakab-ot niining tulo ka mga kinahanglanon. Ang gilaoman nga mga aplikante sa graduation kinahanglang dapiton nga mo-apply alang sa recognition sa graduation.

• Ang gilaoman nga mga aplikante sa graduation kinahanglang makabaton gayod og eklesyastikal nga pag-endorso aron sa pagkompleto sa aplikasyon sa graduation.

• Ang giimprinta na daan nga mga pirma sa chairman sa Church Board of Education ug sa tigdumala sa mga Seminary ug mga Institute of Religion (S&I) nga administrador lang ang makita diha sa mga diploma.

• Kon gitinguha, atol sa tinuig nga graduation ceremony, ang mga institute program mahimong mopili sa pagpasidungog sa mga estudyante nga nakaangkon og sertipiko sa pagkompleto.

Mga Tahas ug mga Responsibilidad

Ang presidente sa stake kinsa gisangonan sa kasamtangang Institute Advisory Council (IAC) (tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 14.1.2, ChurchofJesusChrist.org; Institute sa Stake, ChurchofJesusChrist.org) o sa iyang itudlo:

• Mokonsulta sa lokal nga direktor sa institute agig pagpangandam ug pagplano sa graduation.

• Moaprobar sa final graduation program.

• Mahimong mamulong atol sa graduation ug mahimong moabag sa pagpasidungog sa mga graduate ug sa paghatag sa mga diploma.

Ang tanang presidente sa stake o ang ilang mga gitudlo:

• Moseguro nga ang mga bishop makasabot sa panginahanglan sa eklesyastikal nga pag-endorso sigon sa gipasabot direktor sa institute. Ang mga estudyante maoy responsable sa pagtinguha og eklesyastikal nga pag-endorso aron sa pagkompleto sa ilang aplikasyon sa graduation.

• Kinahanglang makasabot nga mahimo silang makadawat og daghang email gikan sa daghang programa sa institute, depende kon asa nagtambong og institute ang mga young adult diha sa ilang stake.

• Motambong sa graduation, magsuporta sa mga miyembro sa stake sa ilang kalamposan.

• Dapiton nga molingkod diha sa atubangan kon sila dunay mga estudyante nga moapil sa graduation.

Ang bishop o usa sa iyang mga magtatambag:

• Moendorso sa gilaoman nga mga aplikante sa graduation samtang ang matag estudyante magtinguha og eklesyastikal nga pag-endorso.

• Sa iyang diskresyon, mahimong mopili nga moendorso o dili moendorso sa matag aplikante. Kon ang bishop o ang iyang magtatambag dili mopirma sa eklesyastikal nga pag-endorso sa usa ka estudyante diha sa aplikasyon sa graduation, ang aplikasyon dili kompleto ug ang estudyante dili pasidunggan atol sa graduation.

• Maoy responsable sa pagpahibalo sa mga aplikante sa graduation sa institute kon ug nganong ang aplikante dili i-endorso.

• Dapiton nga motambong sa graduation kon siya dunay mga estudyante nga moapil sa graduation, magsuporta sa mga miyembro sa ward sa ilang kalamposan.

Ang Eklesyastikal nga Pag-endorso sa Institute

Ang direktor sa institute:

• Moseguro nga ang matag presidente sa stake makasabot sa panginahanglan sa eklesyastikal nga pag-endorso aron mahimong usa ka institute graduate.

Ang presidente sa stake o ang iyang gitudlo:

• Moseguro nga ang matag bishop makasabot usab niini nga kinahanglanon.

Ang bishop o usa sa iyang mga magtatambag:

• Makighimamat sa matag aplikante. Ang pag-endorso sa usa ka estudyante alang sa institute graduation nagpakita nga ang estudyante nakasabot ug naningkamot sa paggamit sa mga baroganan ug doktrina sa ebanghelyo ni Jesukristo samtang anaa sa institute, “nagpamatuod nga ang mga estudyante takos ug mapasaligon nga mosunod sa mga sumbanan nga gilatid diha sa Alang sa Kalig-on sa mga Kabatan-onan o sa susamang mga sumbanan alang sa mga young adult” ” (Tamdanan nga Basahon, 31.1.7).

• Mahimong mogamit kanunay sa naeskedyul nga mga interbyo sa young adult isip basehan sa pag-endorso o dili pag-endorso sa usa ka gilaoman nga aplikante sa graduation. Wala kinahanglana ang pagpahigayon og lahi nga interbyo sa eklesyastikal nga pag-endorso alang sa mga aplikante sa graduation sa institute.

• Sa iyang diskresyon, mahimong mopili nga moendorso o dili moendorso sa matag aplikante. Kon ang bishop o ang iyang magtatambag dili mopirma sa eklesyastikal nga pag-endorso sa usa ka estudyante diha sa aplikasyon sa graduation, ang aplikasyon dili kompleto ug ang estudyante dili pasidunggan atol sa graduation.

• Maoy responsable sa pagpahibalo sa mga aplikante sa graduation sa institute kon ug nganong ang aplikante dili i-endorso.