Pagpalambo sa Lider ug sa Tahas
Giya sa Stake Seminary Graduation

“Giya sa Stake Seminary Graduation,” Usa ka Giya sa Seminary ug Institute Graduation Exercises (2021)

“Giya sa Stake Seminary Graduation,” Usa ka Giya sa Seminary ug Institute Graduation Exercises

Giya sa Stake Seminary Graduation

Mga Sumbanan sa Graduation

Ang pagtuman sa mga kinahanglanon sa graduation makatabang sa kabatan-onan nga mapalawman ang ilang pagkakabig ngadto sa Manluluwas nga si Jesukristo samtang sila kanunay motambong sa klase, moapil sa klase, ug magsugod sa pagtukod og usa ka tibuok kinabuhi nga sumbanan sa kada adlaw nga pagtuon sa kasulatan (tan-awa sa “Kredito [Credit] ug Gradwasyon” sa Kinatibuk-ang Tamdanan nga Bashon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 15.1.5, ug “The Objective of Seminaries and Institutes of Religion,” Gospel Library). Ang matag batan-onan adunay lahi nga ang-ang sa suporta sa pamilya, sa pagsabot sa ebanghelyo, abilidad, ug sa pasalig. Kini nga mga kinahanglanon gituyo aron matubag ang kasamtangang mga sirkumstansiya sa mga estudyante.

Aron mahimong takos sa paggradwar sa seminary, ang usa ka estudyante kinahanglang mokompleto og walo ka semester sa seminary ug makadawat og eklesyastikal nga pag-endorso.

  • Sa pagkompleto og usa ka kurso sa pagtuon, ang mga estudyante kinahanglang motambong labing minos 75 porsyento sa mga sesyon sa klase, kompletohon ang gikinahanglan nga pagbasa matag termino/semester, ug moapil diha sa pagsukod sa kolaboratibong pagkat-on.

  • Ang impormasyon mahitungod sa kalamboan sa graduation sa estudyante mahimong ihatag pinaagi sa representante sa S&I o deretso nga pag-akses sa mga ginikanan ug mga lider sa pagkapari diha sa mySeminary.ChurchofJesusChrist.org.

  • Adunay paapas nga buluhaton [makeup work] alang sa mga estudyante nga wala makakab-ot niini nga mga kinahanglanon.

Mga detalye mahitungod sa programa sa graduation:

  • Ang graduation exercises makahatag og usa ka paagi nga mapasidunggan ang mga paningkamot ug mga nakab-ot sa tanang mga estudyante sa seminary.

  • Ang seminary graduation kinahanglang ipahigayon kada tuig diha sa lebel sa stake.

Mga detalye sa pagpangandam sa diploma:

  • Ang giprinta nang daan nga mga pirma sa tsirman sa Church Board of Education ug sa tigdumala sa mga Seminary ug mga Institute of Religion lang ang makita diha sa mga diploma sa seminary.

  • Kon mahimo, ang graduation sa seminary kinahanglang ipahigayon human sa kataposan sa tuig sa ting-eskwela aron ang mga diploma mahimong ihatag atol sa seremonya sa graduation. Ang mga diploma gihatag ngadto sa representante sa stake (kasagaran usa ka gisangonan nga high councilor) nga ihatag atol sa graduation sa seminary sa stake.

  • Kon ang graduation sa seminary ipahigayon sa wala pa ang kataposan sa tuig ting-eskwela, ang mga migradwar mahimong hatagan og blangko nga hapin sa diploma. Kon ang mga diploma anaa na, mahimo kining ipadala pinaagi sa koreo ngadto sa mga nanggradwar o ihatag sa mga lider sa stake o sa ward aron sa pag-apod-apod.

  • Ang mga diploma sa mga estudyante kinsa walay eklesyastikal nga pag-endorso ihatag ngadto sa mga bishop aron ihatag niadto nga mga estudyante sa umaabot nga panahon. Ang wala giendorso nga mga estudyante sa seminary dili pasidunggan atol sa graduation.

Mga Sertipiko sa Pagkompleto

Kompletohon ang tanang mga kinahanglanon nga kredito sa seminary. Depende sa panginahanglan sa stake, ang lokal nga mga tigdumala sa programa sa seminary, sa pakigkonsulta sa mga lider sa stake, motino kon, kanus-a, ug asa iimprinta ug ihatag ang mga sertipiko sa pagkompleto. Ang mga sertipiko sa pagkompleto mahimong iprinta ug iapod-apod sa matag termino/semester, sa kataposan sa matag tuig, o dili gayod. Ang mga sertipiko mahimong iapod-apod sa graduation sa seminary, diha sa klase sa seminary, o sa lain nga mga paagi.

Mga Tahas ug mga Responsibilidad

Ang presidente sa stake:

  • Mokonsulta sa gitahasan nga prinsipal o koordinitor sa seminary sa stake aron moandam ug moplano sa graduation sa seminary sa stake.

  • Modumala sa eklesyastikal nga pag-endorso sa gilaoman nga mga mogradwar.

  • Tahasan ang superbisor sa seminary sa stake o high councilor sa paghan-ay sa programa sa graduation sa seminary sa stake.

Ang bishop:

  • Motino kon moendorso ba sa matag potensyal nga mogradwar sa seminary. Ang estado sa pag-endorso sa mga estudyante dili angay nga ipakigbahin sa mga programa sa seminary.

  • Mopahibalo sa usa ka estudyante sa seminary nga wala maendorso sa mga rason kon ngano. Ang bishop kinahanglan mohatag og espesyal nga pag-amping sa pagpahibalo sa mga ginikanan o mga tigbantay [guardians] sa estudyante kon ang estudyante dili makaapil sa programa sa graduation sa seminary.

  • Mohatag ngadto sa presidente sa stake og lista sa giendorso nga mga estudyante nga idugang ngadto sa programa sa graduation sa stake.

Ang Eklesyastikal nga Pag-endorso sa Seminary

Alang sa mga presidente sa stake ug sa mga bishop:

  • Ang pag-endorso sa bishop sa usa ka estudyante alang sa graduation sa seminary “nagmatuod nga ang usa ka estudyante takos ug mapasaligon sa pagsunod sa mga sumbanan sa ebanghelyo” (Kinatibuk-ang Tamdanan nga Basahon [2020], 15.1.5, ChurchofJesusChrist.org).

  • Ang bishop o usa sa iyang mga magtatambag mahimong mogamit sa regular nga nakaeskedyul nga mga interbyo sa kabatan-onan isip basehan sa pagtino kon moendorso o dili moendorso sa usa ka estudyante kinsa gilaoman nga mogradwar. Wala kinahanglana ang pagpahigayon og lahi nga interbyo sa eklesyastikal nga pag-endorso alang niining mga estudyante.

  • Kabubut-on na sa bishop kon moendorso ba sa matag potensyal nga mogradwar.

  • Ang mga prinsipal o mga koordinitor sa seminary moseguro nga ang matag presidente sa stake makasabot sa gikanahanglan nga eklesyastikal nga pag-endorso aron mahimong usa ka gradwado sa seminary.

  • Ang presidente sa stake moseguro nga ang matag bishop o presidente sa branch makasabot sa gikanahanglan nga eklesyastikal nga pag-endorso aron mahimong usa ka gradwado sa seminary.

  • Ang giendorso lang nga mga estudyante kinsa angayan sa akademikanhong paagi alang sa usa ka diploma ang kinahanglang mapasidunggan sa graduation sa seminary sa stake.

Sampol nga Programa sa Seminary Graduation

[Ngalan sa stake]

Seminary Graduation

[Petsa/oras (girekomendar nga gidugayon: 1 ka oras)]

[Dapit]

Nagdumala:

Nagpahigayon:

Piyanista:

Chorister:

Welcome:

Pangbukas nga himno:

Pangbukas nga pag-ampo:

Pakigpulong bahin sa pag-apil sa programa sa seminary:

Estudyante nga mamumulong (usa o sobra pa):

Presentasyon sa musika:

Estudyante nga mamumulong (usa o sobra pa):

Mubo nga pakigpulong sa representante sa S&I (mahimong maglakip sa Katuyoan sa S&I, pag-ila sa pagpaningkamot sa mogradwar nga estudyante, ug mga pakisayran sa mga kinahanglanon nga kredito):

Pakigpulong sa sakop sa kapangulohan sa stake (mahimong maglakip sa usa ka imbitasyon sa pagrehestro sa institute):

Pagpanghatag sa mga diploma sa seminary:

Panapos nga himno:

Panapos nga pag-ampo:

Ang mosunod mao ang gisugyot nga lista sa mga ngalan ug mga website nga ilakip sa iimprinta nga programa:

Iprinta