« នីតិវិធីស្តីពីពិធីប្រគល់សញ្ញាបត្ររបស់ថ្នាក់វិទ្យាស្ថាន » សេចក្តីណែនាំស្តីពីការហ្វឹកហាត់ពិធីប្រគល់សញ្ញាបត្ររបស់ថ្នាក់សិក្ខាសាលា និងថ្នាក់វិទ្យាស្ថាន ( ឆ្នាំ ២០២១ )

« នីតិវិធីស្តីពីពិធីប្រគល់សញ្ញាបត្ររបស់ថ្នាក់វិទ្យាស្ថាន » សេចក្តីណែនាំស្តីពីការហ្វឹកហាត់ពិធីប្រគល់សញ្ញាបត្ររបស់ថ្នាក់សិក្ខាសាលា និងថ្នាក់វិទ្យាស្ថាន

នីតិវិធីស្តីពីពិធីប្រគល់សញ្ញាបត្ររបស់ថ្នាក់វិទ្យាស្ថាន

កត់ចំណាំ ៖ នៅពេលពាក្យប៊ីស្សព និងប្រធានស្តេក ត្រូវបានលើកឡើងដូចខាងក្រោម វាក៏សំដៅទៅលើប្រធានសាខា និងប្រធានមណ្ឌលម្នាក់ៗផងដែរ ។

គោលការណ៍ណែនាំ

ការហ្វឹកហាត់ពិធីប្រគល់សញ្ញាបត្រប្រចាំឆ្នាំ ក៏ផ្ដល់ជាមធ្យោបាយមួយ ដើម្បីបញ្ជាក់ពីការប្រឹងប្រែង និងការសម្រេចជោគជ័យរបស់សិស្សថ្នាក់វិទ្យាស្ថានផងដែរ ។
ពិធីប្រគល់សញ្ញាបត្រគួរតែត្រូវបានធ្វើឡើងជារៀងរាល់ឆ្នាំ ។
ពិធីប្រគល់សញ្ញាបត្ររបស់ថ្នាក់វិទ្យាស្ថានគួរតែប្រារព្ធឡើងនៅក្នុងទីតាំងសិក្សា ឬក្នុងកម្រិតជាកម្មវិធីស្តេក ។ ការណ៍នេះក៏អនុញ្ញាតឲ្យកម្មវិធីស្តេកធ្វើរួមជាមួយនឹងកម្មវិធីនៅទីតាំងសិក្សា និងកម្មវិធីស្តេកដទៃទៀត ដើម្បីប្រារព្ធពិធីប្រគល់សញ្ញាបត្រផងដែរ តាមដែលអ្នកគ្រប់គ្រង និងថ្នាក់ដឹកនាំក្នុងមូលដ្ឋានមើលឃើញថាសមរម្យ ។
ប្រសិនបើអាចធ្វើទៅបាន ពិធីប្រគល់សញ្ញាបត្រគួរតែប្រារព្ធឡើងបន្ទាប់ពីបញ្ចប់ឆ្នាំសិក្សា ។
ប្រសិនបើមានការសម្រេចចិត្តថានឹងមិនប្រារព្ធពិធីប្រគល់សញ្ញាបត្រទេ នោះសញ្ញាបត្រអាចត្រូវបានស្នើសុំដោយសិស្សដែលមានការចារទទួលស្គាល់ ហើយត្រូវបានបោះពុម្ពដោយកម្មវិធីថ្នាក់វិទ្យាស្ថាន បន្ទាប់ពីឆ្នាំសិក្សាបានបញ្ចប់ ។
សិស្សដែលមានលក្ខណៈសម្បត្តិគ្រប់គ្រាន់ដើម្បីទទួលសញ្ញាបត្រ យ៉ាងហោចណាស់ ត្រូវតែបញ្ចប់មុខវិជ្ជារបស់ថ្នាក់វិទ្យាស្ថានឲ្យបានចំនួន ១៤ ក្រេឌីត ៖ មុខវិជ្ជាមូលដ្ឋានចំនួន ៤ ( សរុប ៨ ក្រេឌីត ) និងមុខវិជ្ជាជ្រើសរើសចំនួន ៣ ( សរុប ៦ ក្រេឌីត ) ។
ដើម្បីបញ្ចប់វគ្គសិក្សាមួយបាន សិស្សត្រូវតែបំពេញតម្រូវការដូចតទៅ (១) វត្តមាន (២) មុខវិជ្ជាអំណានដែលបានកំណត់ និង (៣) លើកកម្ពស់បទពិសោធន៍ការអប់រំ ( ល.ប.អ.រ. ) ។ កិច្ចការបន្ថែមគឺមានសម្រាប់សិស្សដែលពុំបំពេញតាមតម្រូវការទាំងបីនេះឲ្យបានពេញលេញ ។ បេក្ខជនដែលត្រូវទទួលសញ្ញាបត្រគួរតែត្រូវបានអញ្ជើញឲ្យមកចុះឈ្មោះចូលរួមពិធីប្រគល់សញ្ញាបត្រ ។
បេក្ខជនដែលមានឈ្មោះទទួលសញ្ញាបត្រត្រូវតែមានការចារយល់ព្រមខាងបព្វជិតភាព ដើម្បីបំពេញពាក្យសុំបញ្ចប់ការសិក្សា ។
មានតែហត្ថលេខារបស់ប្រធានក្រុមប្រឹក្សាភិបាលផ្នែកអប់រំសាសនាចក្រ និងអ្នកគ្រប់គ្រងថ្នាក់សិក្ខាសាលា និងថ្នាក់វិទ្យាស្ថានប៉ុណ្ណោះ ( ស.&វ ) ដែលមាននៅលើសញ្ញាបត្រ ។
ប្រសិនបើចង់ នៅឯពិធីប្រគល់សញ្ញាបត្រប្រចាំឆ្នាំនោះ កម្មវិធីថ្នាក់វិទ្យាស្ថានអាចជ្រើសរើសដើម្បីហៅឈ្មោះសិស្សដែលបានទទួលវិញ្ញាបនបត្របញ្ចប់វគ្គសិក្សា ។

តួនាទី និងការទទួលខុសត្រូវ

ប្រធានស្តេកដែលត្រូវបានចាត់តាំងឲ្យធ្វើជាក្រុមប្រឹក្សាយោបល់ថ្នាក់វិទ្យាស្ថាន ( ក.ប.វ. ) បច្ចុប្បន្ន ( សូមមើល ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ១៤.១.២ នៅលើគេហទំព័រ ChurchofJesusChrist.org; ថ្នាក់វិទ្យាស្ថានស្ដេក នៅលើគេហទំព័រ ChurchofJesusChrist.org) ឬតំណាងរបស់លោក ៖

ប្រឹក្សាជាមួយនាយកថ្នាក់វិទ្យាស្ថានក្នុងមូលដ្ឋានអំពីការរៀបចំ និងការដាក់ផែនការប្រារព្ធពិធីប្រគល់សញ្ញាបត្រ ។
អនុម័តសម្រេចចុងក្រោយនៅលើកម្មវិធីប្រគល់សញ្ញាបត្រ ។
អាចថ្លែងសុន្ទរកថានៅក្នុងពិធីប្រគល់សញ្ញាបត្រ និងអាចជួយហៅឈ្មោះសិស្សឡើងទទួលសញ្ញាបត្រ និងប្រគល់សញ្ញាបត្រ ។

ប្រធានស្តេក ឬ តំណាងរបស់លោកទាំងអស់ ៖

ធានាឲ្យបានថា ប៊ីស្សពយល់អំពីតម្រូវការនៃការចារយល់ព្រមខាងបព្វជិតភាព ដូចបានពន្យល់ដោយនាយកថ្នាក់វិទ្យាស្ថាន ។ សិស្សមានទំនួលខុសត្រូវក្នុងការទៅសូមការចារយល់ព្រមខាងបព្វជិតភាព ដើម្បីបំពេញពាក្យសុំទទួលសញ្ញាបត្ររបស់ពួកគេ ។
គួរតែយល់ថា ពួកលោកអាចនឹងទទួលបានអ៊ីមែលច្រើនមកពីកម្មវិធីថ្នាក់វិទ្យាស្ថាន អាស្រ័យទៅលើទីកន្លែងដែលយុវមជ្ឈិមវ័យនៅក្នុងស្តេករបស់ពួកលោកចូលរៀនថ្នាក់វិទ្យាស្ថាន ។
ចូលរួមក្នុងពិធីប្រគល់សញ្ញាបត្រ ដើម្បីជួយគាំទ្រដល់សមាជិកស្តេក ដែលសម្រេចបានជោគជ័យរបស់ពួកគេ ។
ត្រូវបានអញ្ជើញឲ្យអង្គុយនៅលើវេទិកា ប្រសិនបើពួកលោកមានសិស្សមកចូលរួមក្នុងពិធីប្រគល់សញ្ញាបត្រនេះ ។

ប៊ីស្សព ឬទីប្រឹក្សាមួយរូបរបស់លោក ៖

ចារយល់ព្រមលើសំណើសុំរបស់បេក្ខជនដែលមានឈ្មោះទទួលសញ្ញាបត្រគឺ នៅពេលសិស្សម្នាក់ៗទៅសូមការចារយល់ព្រមខាងបព្វជិតភាព ។
យោងទៅតាមការសម្រេចចិត្តរបស់លោក នោះលោកអាចនឹងជ្រើសរើសដើម្បីចារយល់ព្រម ឬមិនយល់ព្រមដល់បេក្ខជនម្នាក់ៗ ។ ប្រសិនបើប៊ីស្សព ឬទីប្រឹក្សារបស់លោកពុំចុះហត្ថលេខាលើការចារយល់ព្រមខាងបព្វជិតភាពនៅលើពាក្យសុំទទួលសញ្ញាបត្រទេ នោះពាក្យសុំពុំពេញលេញឡើយ ហើយសិស្សក៏នឹងពុំមានឈ្មោះទទួលសញ្ញាបត្រដែរ ។
មានទំនួលខុសត្រូវដើម្បីជូនដំណឹងដល់បេក្ខជនទទួលសញ្ញាបត្ររបស់ថ្នាក់វិទ្យាស្ថាន ប្រសិនបើបេក្ខជនមិនត្រូវបានចារយល់ព្រម និងមូលហេតុដែលពួកគេមិនត្រូវបានចារយល់ព្រម ។
ត្រូវបានអញ្ជើញឲ្យចូលរួមក្នុងពិធីប្រគល់សញ្ញាបត្រ ដើម្បីជួយគាំទ្រដល់សមាជិកស្តេក ដែលសម្រេចបានជោគជ័យរបស់ពួកគេ ។

ការចារយល់ព្រមខាងបព្វជិតភាពសម្រាប់ថ្នាក់វិទ្យាស្ថាន

នាយកថ្នាក់វិទ្យាស្ថាន ៖

ធានាឲ្យបានថា ប្រធានស្តេកគ្រប់រូបយល់អំពីតម្រូវការនៃការចារយល់ព្រមខាងបព្វជិតភាព ដើម្បីឲ្យសិស្សបានបញ្ចប់ការសិក្សាពីថ្នាក់វិទ្យាស្ថាន ។

ប្រធានស្តេក ឬតំណាងរបស់លោក ៖

ធានាឲ្យបានថា ប៊ីស្សពគ្រប់រូបក៏បានយល់អំពីតម្រូវការនេះដែរ ។

ប៊ីស្សព ឬទីប្រឹក្សាមួយរូបរបស់លោក ៖

ជួបជាមួយបេក្ខជនម្នាក់ៗ ។ ការចារយល់ព្រមឲ្យសិស្សបានបញ្ចប់ការសិក្សាពីថ្នាក់វិទ្យាស្ថានបង្ហាញថា សិស្សយល់ ហើយព្យាយាមអនុវត្តតាមគោលការណ៍ និងគោលលទ្ធិនៃដំណឹងល្អរបស់ព្រះយេស៊ូវគ្រីស្ទ ដែលពួកគេបានរៀនក្នុងថ្នាក់វិទ្យាស្ថាន « ដោយបញ្ជាក់ថា សិស្សមានភាពស័ក្ដិសម និងមានការតាំងចិត្តដើម្បីរស់នៅតាមបទដ្ឋានដែលបានចែងនៅក្នុងកូនសៀវភៅ ដើម្បីកម្លាំងនៃយុវជន ឬបទដ្ឋានស្រដៀងគ្នាសម្រាប់យុវមជ្ឈិមវ័យ » ( ក្បួនខ្នាតទូទៅ ៣១.១.៧ ) ។
អាចប្រើការសម្ភាសយុវមជ្ឈិមវ័យដែលបានដាក់កាលវិភាគជាទៀងទាត់នោះ ធ្វើជាមូលដ្ឋានក្នុងការចារយល់ព្រម ឬមិនយល់ព្រមដល់បេក្ខជនដែលត្រូវទទួលសញ្ញាបត្រ ។ វាមិនចាំបាច់ដើម្បីធ្វើការសម្ភាសចារយល់ព្រមខាងបព្វជិតភាពដាច់ដោយឡែកមួយដល់បេក្ខជនដែលត្រូវទទួលសញ្ញាបត្រពីថ្នាក់វិទ្យាស្ថានឡើយ ។
យោងទៅតាមការសម្រេចចិត្តរបស់លោក នោះលោកអាចនឹងជ្រើសរើសដើម្បីចារយល់ព្រម ឬមិនយល់ព្រមដល់បេក្ខជនម្នាក់ៗ ។ ប្រសិនបើប៊ីស្សព ឬទីប្រឹក្សារបស់លោកពុំចុះហត្ថលេខាលើការចារយល់ព្រមខាងបព្វជិតភាពនៅលើពាក្យសុំទទួលសញ្ញាបត្រទេ នោះពាក្យសុំពុំពេញលេញឡើយ ហើយសិស្សក៏នឹងពុំមានឈ្មោះទទួលសញ្ញាបត្រដែរ ។
មានទំនួលខុសត្រូវដើម្បីជូនដំណឹងដល់បេក្ខជនទទួលសញ្ញាបត្ររបស់ថ្នាក់វិទ្យាស្ថាន ប្រសិនបើបេក្ខជនមិនត្រូវបានចារយល់ព្រម និងមូលហេតុដែលពួកគេមិនត្រូវបានចារយល់ព្រម ។