Atinaega o Taitai ma Matafaioi
Taiala mo Faauuga o le Seminare a le Siteki

“Taiala mo Faauuga o le Seminare a le Siteki,” O Se Taiala mo le Faatinoga o Faauuga o le Seminare ma le Inisitituti (2021)

“Taiala mo Faauuga o le Seminare a le Siteki,” O Se Taiala mo le Faatinoga o Faauuga o le Seminare ma le Inisitituti

Taiala mo Faauuga o le Seminare a le Siteki

Taiala mo le Faauuga

O le faataunuuina o tulaga manaomia o le faauuga e mafai ona fesoasoani i le autalavou e faalolotoina lo latou liua i le Faaola o Iesu Keriso a o latou auai e le aunoa i le vasega, fetufaa’i i le vasega, ma amata ona faavae se mamanu o le olaga atoa o le suesueina o tusitusiga paia i aso taitasi (tagai “Togi ma Faauuga” i le Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai, 15.1.5, ma le “O le Faamoemoega o le Seminare ma le Inisitituti o Mataupu Faalelotu,” Gospel Library). E tofu lava le talavou ma tulaga eseese o le lagolago faaleaiga, malamalama i le talalelei, tomai ma le tuuto. O nei tulaga manaomia ua faia ina ia talafeagai ma tamaiti aoga i o latou tulaga o i ai nei.

Ina ia agavaa mo le faauuga o le seminare, e tatau i se tamaitiiti aoga ona faamae’aina ni semesa e valu o le seminare ma maua se faamaoniga faalelotu.

  • Ina ia faamae’aina se kosi o suesuega, e tatau i tamaiti aoga ona auai ia le itiiti ifo ma le 75 pasene o vasega, faamae’a le faitauga e manaomia i le kuata/semesa, ma auai i le faavasegaga o le aoaoina faatasi.

  • O faamatalaga e uiga i le alualu i luma o le faauuga o tamaiti aoga e mafai ona saunia e le sui o le S&I po o le mauaina sa’o e matua ma taitai perisitua i le mySeminary.ChurchofJesusChrist.org.

  • E maua le avanoa e toe fai ai galuega toe faatumu mo tamaiti aoga o e e le’i ausia ia tulaga manaomia.

O faamatalaga auiliili e uiga i le polokalama o le faauuga:

  • O faatinoga o faauuga ua tuuina atu ai se tasi o auala e faailoa atu ai taumafaiga ma mea ua ausia e tamaiti aoga uma o le seminare.

  • E tatau ona faia faauuga o le seminare faaletausaga i tulaga faalesiteki.

O auiliiliga o sauniuniga o le tipiloma:

  • Na o le saini na muai lolomiina o le taitai fono o le Komiti a Aoga o le Ekalesia ma le taitai o Seminare ma Inisitituti o Mataupu Faalelotu (SI) e faaalia i luga o tipiloma o seminare.

  • Afai e mafai, e tatau ona faia le faauuga o le seminare i le mae’a ai o le tausaga aoga ina ia mafai ona tauaao atu tipiloma i le sauniga o le faauuga. E tuuina atu tipiloma i le sui o le siteki (e masani lava o se fautua maualuga ua tofia) e tufatufaina atu i le faauuga o le seminare a le siteki.

  • Afai e faia le faauuga o le seminare a o lei oo i le faaiuga o le tausaga aoga, e mafai ona tuuina atu i le au faauu se faavaa avanoa o se tipiloma. Pe a maua ia tipiloma, e mafai ona meli atu i le au faauu pe tilivaina atu i taitai o le siteki po o uarota e tufatufaina atu.

  • O tipiloma mo tamaiti aoga o e e lei faamaoniaina faalelotu o le a tuuina atu i epikopo e tauaaoina atu i na tamaiti aoga i se taimi mulimuli ane. O tamaiti aoga seminare e lei faamaonia o le a le faalauiloaina atu i le faauuga.

Tusi Faamaonia o le Faamaeaina

Faataunuu tulaga manaomia uma o togi a le seminare. E faalagolago i le manaoga a le siteki, o le a fuafua e taitai o le polokalama o le seminare i le fefautuaai lea ma taitai o le siteki pe, o afea, ma o fea e lolomi ma tauaaoina atu ai tusi faamaonia o le faamae’aina. O tusi faamaonia o le faamae’aina e mafai ona lolomiina ma tufatufa atu i kuata/semesa taitasi, i le faaiuga o tausaga taitasi, pe leai foi. O tusi faamaonia e mafai ona tufatufaina atu i le faauuga o le seminare, i vasega seminare, po o nisi auala.

Matafaioi ma Tiutetauave

O le peresitene o le siteki:

  • Ia feutagai ma le puleaoga o le seminare ua tofiaina a le siteki po o le taitai faamaopoopo e saunia ma fuafua le polokalama o le faauuga o le seminare a le siteki.

  • E vaavaaia faamaoniga faalelotu o le au faauu ua faamoemoeina.

  • E tofia le supavaisa o le seminare a le siteki po o le fautua maualuga e faamaopoopoina le polokalama o le faauuga o le seminare a le siteki.

O le epikopo:

  • E fuafuaina pe faamaonia tagata e faamoemoe e faauu i le seminare. E le tatau ona faasoaina atu le tulaga o le faamaoniga o tamaiti aoga i polokalama o le seminare.

  • Logoina se tamaitiiti aoga seminare e le o faamaonia mai i mafuaaga pe aisea. E tatau i le epikopo ona saunia faapitoa e logo atu i matua po o e o vaaia le tamaitiiti aoga pe afai o le a le auai le tamaitiiti aoga i le polokalama o le faauuga i le seminare.

  • Tuuina atu i le peresitene o le siteki se lisi o tamaiti aoga ua faamaonia ina ia faaopoopo i le polokalama o le faauuga a le siteki.

O Le Faamaoniga Faalelotu o le Seminare

Mo peresitene o siteki ma epikopo:

  • O le faamaoniga a le epikopo i se tamaitiiti aoga mo le faauuga i le seminare “e faamaonia ai o loo agavaa se tamaitiiti aoga ma tuuto atu i le ola ai i tulaga faatonuina o le talalelei” (Tusitaulima Aoao: Auauna Atu i Le Ekalesia a Iesu Keriso o le Au Paia o Aso e Gata Ai [2020], 15.1.5, ChurchofJesusChrist.org).

  • E mafai e le epikopo po o se tasi o ona fesoasoani ona faaaogaina faatalanoaga e le aunoa ua faatulagaina a le autalavou o se faavae e faamaonia pe le faamaonia ai se tamaititi aoga o loo faamoemoe e faauu. E le o se tulaga manaomia le faia o se faatalanoaga ese o le faamaoniga faalelotu mo nei tamaiti aoga.

  • E tuu i le faitalia a le epikopo le faamaoniaina po le lē faamaoniaina o tagata faauu taitasi.

  • E faamautinoa e puleaoga o le seminare po o taitai faamaopoopo ua malamalama peresitene taitasi o siteki i le tulaga manaomia o le faamaoniga faalelotu ina ia avea ai ma se tagata faauu o le seminare.

  • O le peresitene o le siteki e faamautinoa ua malamalama epikopo po o peresitene o paranesi taitasi i le tulaga manaomia o le faamaoniga faalelotu ina ia avea ai ma se tagata faauu o le seminare.

  • Na o tamaiti aoga ua faamaonia o e ua agavaa faaakatemia mo se tipiloma e tatau ona faalauiloa atu i le faauuga o le seminare a le siteki.

Faataitaiga o le Polokalama mo le Faauuga o le Seminare

[Igoa o le siteki]

Faauuga o le Seminare

[Aso/taimi (umi fautuaina: 1 itula)]

[Nofoaga]

Pulefaamalumalu:

Taitai:

Ta piano:

Taitaipese:

Faafeiloaiga:

Viiga amata:

Tatalo Amata:

Saunoaga i le auai i le polokalama o le seminare:

Tamaiti aoga e lauga (tasi pe sili atu):

Musika faapitoa:

Tamaititi aoga e lauga (tasi pe sili atu):

O saunoaga pupuu a le sui o le S&I (e mafai ona aofia ai le Faamoemoega o le S&I, aloaiaina o taumafaiga faauu a tamaiti aoga, ma se faasinoga i tulaga manaomia o togi):

Saunoaga a se tasi o le au peresitene o le siteki (e mafai ona aofia ai se valaaulia e resitala mo le inisitituti):

Tauaaoina atu o tipiloma o le seminare:

Viiga faaiu:

Tatalo Faaiu:

O se lisi nei o igoa ma uepisaite ua fautuaina atu ina ia faaaofia i totonu o le polokalama ua lolomiina:

Lolomi