Ko e Takí mo e Fatongia ki he Fakalakalaká
Fakahinohino ki he ʻOsi mei he Seminelí ʻi he Siteikí

“Tohi Fakahinohino ki he ʻOsi mei he Seminelí ʻi he Siteikí,” Ko ha Fakahinohino ki he Polokalama ʻOsi mei he Seminelí mo e ʻInisititiutí (2021)

“Tohi Fakahinohino ki he ʻOsi mei he Seminelí ʻi he Siteikí,” Ko ha Fakahinohino ki he Polokalama ʻOsi mei he Seminelí mo e ʻInisititiutí

Fakahinohino ki he ʻOsi mei he Seminelí ʻi he Siteikí

Ngaahi Fakahinohino ki he ʻOsí

ʻE lava ke tokoni hono fakakakato e ngaahi fiemaʻu ke ʻosí ke fakaloloto ai e ului ʻa e toʻu tupú ki he Fakamoʻui ko Sīsū Kalaisí ʻi heʻenau maʻu kalasi maʻu peé, kau ʻi he kalasí, mo kamata ke fokotuʻu ha sīpinga moʻui ako folofola fakaʻaho (vakai, “Credit and Graduation” ʻi he Tohi Tuʻutuʻuni Fakakātoá: Ko e Ngāue ʻi he Siasi ʻo Sīsū Kalaisi ʻo e Kau Māʻoniʻni ʻi he Ngaahi ʻAho Kimui Ní, 15.1.5, mo e “Ko e Kaveinga ʻo e Semineli mo e ʻInisitituti Fakalotú,” Gospel Library). Ko e toʻu tupu kotoa pē ʻoku kehekehe hono poupouʻi ʻe he fāmilí, ʻene mahino ki he ongoongoleleí, meʻa ʻokú ne lavá, mo ʻene lotoʻakí. ʻOku taumuʻa ʻa e ngaahi fiemaʻu ko ʻení ke faitokonia ʻa e kau akó ʻi honau ngaahi tūkunga lolotongá.

Ke lava ʻo ʻosi mei he seminelí, kuo pau ke fakakakato ʻe he taha akó ha faʻahitaʻu ako semineli (semester) ʻe valu mo maʻu ha fakaongoongolelei mei he taki fakalotú.

  • Ke fakakakato ha kalasi fakaako, kuo pau ke maʻu kalasi ʻa e fānau akó ʻo ʻikai toe siʻi hifo he pēseti ʻe 75 ʻo e ngaahi kalasí, fakakakato mo e ngaahi laukonga ʻoku fiemaʻu ʻi he tēmí/semesitaá, mo kau ʻi he sivi fengāueʻaki fakatahá.

  • ʻE lava ke ʻoatu e fakamatala fekauʻaki mo e fakalakalaka ʻa e tokotaha akó ʻe he fakafofonga ʻo e S&I pe maʻu fakahangatonu ʻe he mātuʻá mo e kau taki lakanga fakataulaʻeikí ʻi he mySeminary.ChurchofJesusChrist.org

  • ʻOku ʻi ai ha ngāue ʻe lava ke fai ʻe he fānau ako kuo teʻeki ke nau fakakakato e ngaahi fiemaʻu ko ʻení.

Fakaikiiki fekauʻaki mo e polokalama ʻosí:

  • ʻOku ʻomai ʻe he ngaahi polokalama ʻosí ha founga ʻe taha ke fakalāngilangiʻi ai e ngaahi ngāue mo e lavameʻa ʻa e fānau ako semineli kotoa pē.

  • ʻOku totonu ke fakahoko fakasiteiki fakataʻu ʻa e polokalama ʻosí.

Fakaikiiki ʻo e teuteu ʻo e tipilomá:

  • Ko e fakamoʻoni hingoa tomuʻa paaki pē ʻa e sea ʻo e Poate Ako ʻa e Siasí mo e pule ʻo e Seminelí mo e ʻInisititiuti Fakalotú ʻoku hā ʻi he tipiloma ʻa e seminelí.

  • Kapau ‘e lava, pea ʻoku totonu ke fakahoko e ʻosi mei he seminelí ʻi he faka‘osinga ʻo e taʻu fakaakó ke lava ʻo foaki ʻa e ngaahi tipilomá ʻi he polokalama ʻosí. ‘Oku foaki ʻa e ngaahi tipilomá ki he fakafofonga ʻo e siteikí (ko e angamahení ko ha aleaʻanga māʻolunga kuo vahe ki ai) ke foaki ʻi he polokalama ʻosi fakasiteiki ʻo e seminelí.

  • Kapau ʻoku fakahoko e polokalama ʻosi mei he seminelí kimuʻa ia ʻi he fakaʻosinga ʻo e taʻu fakaakó, ʻe lava pē ke foaki ki he kau ʻosí ha takafi tipiloma. Ko e taimi ʻe maʻu ai ʻa e ngaahi tipilomá, ʻe lava ke toki meili ki he kau ʻosí pe ʻoange ki he kau taki ʻo e siteikí pe uōtí ke tufa.

  • Ko e ngaahi tipiloma ʻa e kau ako ʻoku ʻikai fakaongoongoleleiʻi ʻe he kau taki fakalotú ʻoku ʻoange ia ki he kau pīsopé ke nau foaki ki he fānau ako ko iá ʻi ha taimi kimui ange. Ko e kau ako ʻoku ʻikai fakaongoongoleleiʻí, ʻoku ʻikai fakalāngilangiʻi kinautolu ʻi he polokalama ʻosí.

Ngaahi Tohi Fakamoʻoni kuo Kakató

Fakakakato kotoa ʻa e ngaahi fiemaʻu (credit) ʻi he seminelí. Fakatatau mo e fiemaʻu ʻa e siteikí, ʻe lava ke fakapapauʻi ʻe he kau pule fakalotofonua ʻo e polokalama seminelí, ʻi haʻanau feongoongoi mo e kau taki fakasiteikí, ʻa e taimi mo e feituʻu ke paaki mo foaki ai ʻa e ngaahi tohi fakamoʻoní. ‘E lava ke paaki ʻa e ngaahi tohi fakamoʻoni ʻo e kakató pea tufa ʻi he teemi/semisitā takitaha, ʻi he fakaʻosinga ʻo e taʻu kotoa pē, pe ʻikai tufa. ‘E lava ʻo foaki ʻa e ngaahi tohi fakamo‘oní ʻi he polokalama ʻosi he seminelí, ʻi he ngaahi kalasi seminelí, pe ‘i ha ngaahi founga kehe.

Ngaahi Tufakangá mo e Fatongiá

Ko e palesiteni fakasiteikí:

  • Feongoongoi mo e pule ako semineli fakasiteikí pe kouʻōtineitá ke teuteu mo palani ʻa e polokalama ʻosi fakasiteiki he seminelí.

  • Tokangaʻi e fakaongoongolelei ʻa e taki lotu ʻo e kau teu ʻosí.

  • Vahe ki ha supavaisa fakasiteiki ʻi he seminelí pe ko ha aleaʻanga māʻolunga ke ne fakafekauʻaki e polokalama ʻosi fakasiteiki he seminelí.

ʻE hanga ʻe he pīsopé ʻo:

  • Fakapapauʻi pe ʻe fakaongoongoleleiʻi ʻa e tokotaha ʻe ala ʻosi mei he seminelí. ‘Oku ʻikai totonu ke vahevahe ʻa e tuʻunga fakaongoongoleleiʻi ʻo e fānau akó ʻi he ngaahi polokalama seminelí.

  • Fakahā ki he tokotaha ako semineli ʻoku ʻikai fakaongoongoleleiʻí ʻa hono ʻuhingá. ʻOku totonu ke tokanga makehe ʻa e pīsopé ke fakahā ki he ngaahi mātuʻa pe kau tauhi ʻo e taha akó, kapau he ʻikai ke kau ʻa e taha akó ʻi he polokalama ʻosi he seminelí.

  • ʻAve ki he palesiteni fakasiteikí ha lisi ʻo e kau ako kuo fakaongoongoleleiʻí ke tānaki atu ki he polokalama ʻosi ʻa e siteikí.

Fakaongoongolelei mei he Taki Fakalotú ki he Seminelí

Ki he kau palesiteni fakasiteikí mo e kau pīsopé:

  • ʻOku hanga ʻe he fakaongoongoleleiʻi ʻe he pīsopé ha taha ke ʻosi mei he seminelí, ʻo “fakamahinoʻi ʻoku moʻui taau ʻa e taha akó mo tukupā ke moʻui ʻaki ʻa e ngaahi tuʻunga moʻui ʻo e ongoongoleleí” (Tohi Tu‘utuʻuni Fakakātoá [2020], 15.1.5, ChurchofJesusChrist.org

  • ʻE lava ke fakaʻaongaʻi ʻe he pīsopé pe taha ʻo hono ongo tokoní ʻa e ngaahi ʻinitaviu angamaheni kuo fakataimi-tēpileʻi ʻo e toʻu tupú ke makatuʻunga mei ai e fakaongoongoleleiʻi pe ʻikai fakaongoongoleleiʻi ha taha ako ʻoku ʻamanaki ke ʻosi. ʻOku ʻikai fiemaʻu ia ke fai ha ʻinitaviu kehe ki he fakaongoongolelei ʻa e taki fakalotú mo e kau ako ko ʻení.

  • ‘Oku tuku ki he pīsopé ke ne fakakaukauʻi ʻa hono fakaongoongoleleiʻi ʻo e tokotaha takitaha ʻe malava ke ʻosí.

  • ʻE fakapapauʻi ʻe he kau puleako pe kau kouʻōtineita seminelí ʻoku mahino ki he palesiteni fakasiteiki kotoa ʻa e fiemaʻu ʻo e fakaongoongolelei ʻa e taki fakalotú ke ʻosi ha taha mei he seminelí.

  • ʻE fakapapauʻi ʻe he palesiteni fakasiteikí ʻoku mahino ki he pīsope pe palesiteni fakakolo takitaha ʻa e ngaahi fiemaʻu ʻo e fakaongoongolelei ʻa e taki fakalotú ke ʻosi ha taha mei he seminelí.

  • Ko e kau ako pē kuo nau maʻu ha maaka fakaako feʻunga ki ha tipilomá, ʻoku totonu ke fakalāngilangiʻi ʻi he polokalama ʻosi fakasiteiki he seminelí.

Sīpinga ʻo e Polokalama ʻOsi mei he Seminelí

[Hingoa ʻo e siteikí]

ʻOsi mei he Seminelí

[ʻAhó/taimí (lōloa ʻoku fokotuʻu atú: houa ʻe 1)]

[Feituʻú]:

Tokangaʻí:

Tatakí:

Tā pianó:

Fai hivá:

Talitali Lelei Kinautolu:

Fua hivá:

Fua lotú:

Ngaahi lea ʻi he kau ki he polokalama seminelí:

Lea ʻa e taha ako (toko taha pe tokolahi ange):

Hiva:

Lea ʻa e taha ako (toko taha pe tokolahi ange):

Lea nounou ʻa e fakafofonga ʻo e S&I (ʻe lava ke kau ai ʻa e Kaveinga S&I, fakalāngilangiʻi e ngāue ʻa e kau ʻosí, mo ha fakamatala ki he ngaahi fiemaʻu ʻo e māká):

Lea ʻa ha mēmipa ʻo e kau palesitenisī fakasiteikí (ʻe lava ke kau ai ha fakaafe ke lēsisita ki he ʻinisititiutí):

Foaki ʻo e ngaahi tipiloma seminelí:

Hiva tukú:

Lotu tukú:

Ko e lisi ʻeni ʻo ha ngaahi hingoa mo e ngaahi uepisaiti, ʻoku fokotuʻu atu ke fakakau ʻi he polokalama ʻe pākí:

Paaki