“Taiala e Vave Amata Ai: Taliina o A’u Fesili o le Talalelei—Mataupu Faalelotu 280,” Taiala e Vave Amata Ai: Taliina o A’u Fesili o le Talalelei—Mataupu Faalelotu 280 (2022)

“Taiala e Vave Amata Ai,” Taiala e Vave Amata Ai: Taliina o A’u Fesili o le Talalelei—Mataupu Faalelotu 280 (2022)

Taiala e Vave Amata Ai

Taliina o A’u Fesili o le Talalelei—Mataupu Faalelotu 280

O Le Faatomuaga

O Le Taliina o A’u Fesili o le Talalelei o se kosi tulaga ese o le inisitituti lea e mafai ai e tagata aooga ona filifili autu e faatatau i le talalelei latou te maua e talafeagai ma mananao e talanoaina. E le o faamoemoeina faiaoga ia avea ma ni tagata tomai faapitoa i autu e filifili e tagata aoga. Nai lo lena, o le a aoao faatasi tagata aoga ma faiaoga. O le a faaaoga e faiaoga se faagasologa o le aoaoina e faavae i mataupu faavae e mafai ona fesoasoani e faafaigofie ai talanoaga tatala, faamaoni, ma faagaeetia.

O Le Amataina

Ae e te lei amataina lenei malaga ma au tagata aoga, ia faamasani i le mamanu o le kosi. O le faia o nei laasaga muamua e mafai ona mautinoa ai e amata e oe ma au tagata aoga lenei malaga e aoao ai i le itu sa’o ma i luga o le eleele mautu:

Laasaga 1: O Le Vaaiga Aoao.Iloilo le anotusi ma faitau le faatomuaga. Ona tusi lea o mea e sili ona e fiafia i ai e uiga i lenei kosi ma soo se atugaluga o ia te oe.

Laasaga 2: O Taunuuga o le Aoaoina.Saili taunuuga o le aoaoina i le lesona 1, ma mafaufau pe mafai faapefea e le mulimuli i ai ona faamalosia le faatuatua o au tagata aoga ia Iesu Keriso ma Lana Ekalesia toefuataiina.

Laasaga 3: Mataupu Faavae Taiala.Toe iloilo lesona 1–3, ma vaavaai mo mataupu faavae autu o loo aoaoina i nei lesona. Ona mafaufau loloto lea pe mafai faapefea e le faaaogaina o nei mataupu faavae ona faatumauina talanoaga a lau vasega i ni nofoaga mautu pe a talanoaina ni autu faigata.

Laasaga 4: O Se Mamanu mo le Aoaoina.Alu i le lesona 4 ma faailoa mai le “mamanu mo le aoaoina” lea o le a taialaina ai talanoaga a lau vasega. Mafaufau pe aisea e ono taua ai le faataitai o lenei mamanu a o aoao atu ia lesona 4–6, a o lei amata ona filifiliina e au tagata aoga a latou lava autu i lesona 7–14.

Laasaga 5: O Aoaogalaiti.Faitau le faatomuaga mo aoaogalaiti o loo i le Faaopoopoga A. Ia faamasani i aoaogalaiti taitasi. Mafaufau loloto pe faapefea ma o afea e mafai ona e faaaogaina ai e faatamaoaigaina ai aafiaga o le aoaoina o au tagata aoga.

Talanoa Faatasi Ai

Faatulaga se taimi e talanoa ai ma lau taitai faamaopoopo po o le faatonu o le inisitituti e uiga i lenei kosi. Faasoa atu ia te ia au fesili ma atugaluga. I aluga o le kosi atoa, aapa atu i lau taitai faamaopoopo po o le faatonu o le inisitituti pe a manaomia ai.