Ngaahi Naunau Fakafeʻiloakí

Ko e Palani ʻo e Fakamoʻuí

Palani ʻa e Tamai Hēvaní ki Heʻene Fānaú

ʻI heʻetau fononga fakamatelié, ʻoku faʻa ʻohake ha ngaahi fehuʻi fekauʻaki mo e taumuʻa mo e ʻuhinga ʻo e moʻuí: Naʻá ku haʻú mei fē? Ko e hā ʻoku ou ʻi heni aí? Ko ‘eku ʻalú ki fē? ʻE lava ke tokoni hono ʻiloʻi e tali ki he ngaahi fehuʻi ko ʻení ke tataki ho fonongá ‘i he ngaahi faingataʻa ʻo e moʻuí pea mo nofo maʻu ʻi he hala ʻo e fuakava ʻa e ʻEikí. ʻE lava ke tokoni atu ʻa e lēsoni ko ʻení ke mahino kiate koe peá ke ongoʻi ʻa e mahuʻinga ʻo e palani ʻa e Tamai Hēvaní.

Palani ʻa e Tamai Hēvaní

• Ko e hā ha ʻilo ʻokú ke pehē he ʻikai te ke lava ʻo moʻui taʻe maʻu ia? Ko e hā hono ʻuhingá?

‘I he folofolá mo e fakahā fakaonopōní, ‘oku tau maʻu ai ha ʻilo ki he moʻui ʻi he maama fakalaumālié, ko e Fakalelei ʻa e Fakamoʻuí, moʻui ‘i he hili ʻa e maté, pea mo e ngaahi ʻelemēniti lahi kehe ʻo ʻetau moʻui taʻengatá. ʻE faingataʻa ke ʻikai moʻui ʻaki e ʻilo ko ʻení. Toʻo ha taimi ke ke fakakaukau ai ki he meʻa ʻokú ke ʻiloʻi fekauʻaki mo e palani ʻa e Tamai Hēvaní. Fakalaulauloto pe naʻe mei fēfē nai hoʻo moʻuí ka ne ʻikai ke ke ʻiloʻi ia.

ʻI hoʻo ako he ʻaho ní, fekumi ki he takaua ʻa e Laumālie Māʻoniʻoní ke tokoniʻi koe ke ke ako lahi ange fekauʻaki mo e palani ʻofa ʻa e Tamai Hēvaní ki he ʻEne fānaú.

Palani ʻa e Tamai Hēvaní ʻi he Tohi ʻa Molomoná

ʻOku akoʻi ʻe he Tohi ʻa Molomoná ha meʻa lahi fekauʻaki mo e palani ʻa e Tamai Hēvaní. Naʻe fakahā ‘e Palesiteni Lāsolo M. Nalesoni: “ʻOku ou fakamoʻoni ko e Tohi ʻa Molomoná ko e folofola moʻoni ia ʻa e ʻOtuá. ʻOku ʻi ai e ngaahi tali ki he ngaahi fehuʻi mālohi taha ʻo e moʻuí” (Russell M. Nelson, “Ko e Tohi ʻa Molomoná: Ne Mei Fēfē Nai Hoʻo Moʻuí Ka Ne ʻIkai Ia?,” Liahona, Nōvema 2017, 62). Ko ha ngaahi fehuʻi ʻeni ʻe niʻihi ʻoku ‘omi ‘a e talí ʻe he Tohi ʻa Molomoná. Fili ha potufolofola ʻe ua pe lahi ange pea lau ʻa e potufolofola ʻoku tokoni ki hono tali ʻa e fehuʻí.

• Ko e hā ‘oku akoʻi mai ‘e he Tohi ʻa Molomoná fekauʻaki mo e moʻui kimuʻa ‘i he maama fakamatelié? (ʻAlamā 12:25, 30; ʻoku ʻuhinga ʻa e kupuʻi lea “‘ai ‘a e tuʻunga ʻo e māmaní” ki he moʻui ʻi he maama fakamatelié.)

• Ko e hā e fatongia ʻo Sīsū Kalaisi ʻi he palani ‘a e Tamai Hēvaní? (ʻAlamā 22:12–14)

• Ko e hā e taumuʻa ʻo e moʻuí? (ʻAlamā 34:32–33)

• Ko e hā e meʻa ʻoku hoko ʻi heʻetau maté? (ʻAlamā 40:11–14, 21–23)

• Ko e hā ‘e hoko ‘i he ʻikai ke ʻi ai e Fakalelei ʻa Sīsū Kalaisí? (2 Nīfai 9:6–11)

1. Tali e ngaahi fehuʻi ko ‘ení:

   • Ko e hā e ngaahi moʻoni pe tokāteline naʻá ke ʻiloʻi mei he ngaahi veesi naʻá ke laú?

   • Ko e hā ha ngaahi foʻi lea pe kupuʻi lea ʻi he ngaahi vēsí ʻokú ne akoʻi ʻa e moʻoni pe tokāteline naʻá ke ʻiloʻí?

   • Ko e fē ʻi he ngaahi akonaki fekauʻaki mo e palani ʻa e Tamai Hēvaní ʻokú ke houngaʻia taha aí? Ko e hā hono ʻuhingá?

Palani ʻa e Tamai Hēvaní mo ʻeku moʻuí

Naʻe fakamatala ‘e Palesiteni M. Russell Ballard ʻo e Kōlomu ʻo e Kau ʻAposetolo ʻe Toko Hongofulu Mā Uá ʻa e malava ke faitokonia ‘etau moʻuí ‘i he‘etau mahinoʻi ‘a e palani fakamoʻui ʻa e Tamai Hēvaní.  

Answers to Life’s Questions

M. Russell Ballard delivers a message titled "Answers to Life’s Questions."

Ko kitautolu kakai matelié ʻoku fakangatangata pē ‘etau vakai ki he moʻuí mei he fakakaukau taʻengatá. Ka ʻokapau te tau ʻiloʻi pea mo mahino ʻa e palani ʻa e Tamai Hēvaní, te tau ʻiloʻi ai ko e taha ʻo e ngaahi founga tefito ʻoku ʻahiʻahiʻi ai kitautolú ko e fehangahangai mo e faingataʻá. …

ʻI heʻetau tokanga mo moʻui ʻaki e ngaahi tefitoʻi moʻoni ʻo e palani ʻa e Tamai Hēvaní ki heʻetau fiefia taʻengatá, te tau lava ai ʻo fakamavaheʻi kitautolu mei he fai angahala ʻo e māmaní. Kapau ʻoku tau tuʻu maʻu ʻi he mahino totonu ʻoku tau maʻú, ko e hā e ‘uhinga ʻoku tau ʻi he māmaní aí, mo e feituʻu te tau lava ʻo ʻalu ki ai hili ʻa e moʻui fakamatelié ni, he ʻikai lava ke fakamanamanaʻi ʻe Sētane ʻetau fiefiá ʻo fakafou ʻi ha faʻahinga founga pē ʻo e ʻahiʻahí. Kapau ʻoku tau fakapapau ke moʻui ʻaki e palani ʻa e Tamai Hēvaní, te tau fakaʻaongaʻi ‘a e tauʻatāina ke fili ne foaki mai ʻe he ʻOtuá ke fakahoko ʻetau faituʻutuʻuní ʻo makatuʻunga ʻi ha moʻoni kuo fakahā mai, kae ʻikai ko e fakakaukau ʻa e niʻihi kehé pe ko e fakakaukau lolotonga ʻo e māmaní. (M. Russell Ballard, “Answers to Lifeʻs Questions,” Liahona, Mē 1995, 23–24)

2. Tali e ngaahi fehuʻi ko ʻení.

   • ʻOku anga fēfē hono tākiekina hoʻo moʻuí ʻi hoʻo ʻiloʻi ‘a e palani ʻa e Tamai Hēvaní?

   • Ko e hā ha ngaahi tūkunga ʻe niʻihi ʻe kaunga ai ki he ngaahi fili ʻokú ke faí ha ʻilo ki he palani ʻa e Tamai Hēvaní?

   • ʻE tokoni fēfē ha ʻilo ki he palani ʻa e Tamai Hēvaní ke liliu e anga hoʻo vakai ki he ngaahi tūkunga mo e ngaahi aʻusia ʻi hoʻo moʻuí?

Fili: Fie Ako Lahi Ange?

ʻOku anga fēfē e hoko ‘a e palani ʻo e fakamoʻuí ko ha fakamoʻoni ia ʻo e ʻofa ʻa e ʻOtuá?

Naʻe akonaki ʻa Palesiteni M. Russell Ballard ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē:

“Lovest Thou Me More Than These?”

President Ballard teaches us how we can show that we love the Savior above all worldly things by believing in Him, serving Him, and serving others.

Naʻe ʻofa pehē ʻa e Tamai Hēvaní ʻiate kitautolu naʻá Ne teuteuʻi ai ʻEne palani ʻo e fakamoʻuí mo ha Fakamoʻui ke fakatefito mei ai. Pea naʻe ʻofa pehē ʻa Sīsū ʻiate kitautolu, ʻi he Fakataha Alēlea lahi ko ia ʻi he Langí, ʻi he fehuʻi ʻe he Tamai Hēvaní, “Ko hai te u fekauʻí?” Naʻe tali ange ʻe Sīsū, ʻa ia naʻe hoko ko e ʻuluaki fānau ʻi he fānau fakalaumālie kotoa ʻa e Tamaí, “Ko au ʻeni, fekauʻi au” [ʻĒpalahame 3:27]. Naʻá Ne pehē ange ki he Tamaí, “ʻE Tamai, ke fai pē ʻa ho finangaló, pea ke ʻoʻou ʻa e lāngilangí ʻo taʻengata” [Mōsese 4:2]. Naʻe loto-fiemālie ʻa Sīsū ke hoko ko hotau Fakamoʻui mo e Huhuʻi kae lava ke tau hoko ʻo hangē ko Kinauá pea toe foki ki Hona ʻaó. (M. Russell Ballard, “ʻOku Lahi Hake Hoʻo ʻOfa Kiate Aú ʻIate Kinautolú ni?,” Liahona, Nōvema 2021, 52)

Ko e hā e ‘uhinga ‘oku ‘i ai ai ‘a e ngaahi faingataʻa ʻi he moʻuí?

Naʻe pehē ʻe Palesiteni Dallin H. Oaks ʻo e Kau Palesitenisī ʻUluakí:

Opposition in All Things

Elder Oaks teaches how various forms of opposition in mortality help to further our growth.

ʻOku tau aʻusia kotoa ha ngaahi fakafepaki kehekehe ʻokú ne siviʻi kitautolu. Ko e niʻihi ʻo e ngaahi siviʻi ko ʻení ko ha ngaahi fakatauele ke fai angahala. Ko e niʻihi ko ha ngaahi faingataʻaʻia fakamatelie ʻoku ʻikai kaunga ki ai e angahala fakatāutahá. ʻOku ʻi ai e niʻihi ʻoku fuʻu lalahi. Pea iiki ha niʻihi. ʻOku hokohoko atu ha niʻihi, pea fakataimi pē ha niʻihi. He ʻikai ke tau hao mei ai. ʻOku fakaʻatā kitautolu ʻe he fehangahangaí pe fakafepakí ke tau fakalakalaka ki he meʻa ʻoku finangalo e Tamai Hēvaní ke tau aʻusiá. (Dallin H. Oaks, “Fehangahangai ʻi he Meʻa Kotoa Pē,” Liahona, Mē 2016, 115–16)

ʻE tokoniʻi fēfē au ʻi he‘eku ʻiloʻi e palani ʻa e Tamai Hēvaní?

 

Palani ‘o e Fakamoʻui - Mau Kei Fāmili Pē

Ko e vahevahe ʻe ha talavou e founga kuo tokoniʻi ai ia ʻe he palani ʻo e fakamoʻuí ke mamata ki he ngaahi tāpuaki ʻe lava ke maʻu he ngaahi faingataʻá.

Ko e hā ‘a e taumuʻa mo e ʻuhinga ʻo e moʻuí?

Naʻe fakamatala ʻe Palesiteni Tāleni H. ʻOakesi ʻo e Kau Palesitenisī ʻUluakí ʻo pehē:

Ko e Palani Lahí

ʻOku akoʻi ʻe Palesiteni ʻOakesi ʻa e ngaahi tefitoʻi meʻa mahuʻinga ʻo e palani ʻa e Tamai Hēvaní, kau ai ʻa e ngaahi fakapapau ʻe fā ke tokoniʻi kitautolu ʻi he matelié.

ʻOku lau ki ai e folofolá ko e “palani lahi ʻo e fiefiá,” “ko e palani ʻo e huhuʻí,” pea “ko e palani ʻo e fakamoʻuí” (ʻAlamā 42:8, 11, 5), ko e palani ko iá—ʻa ia ne fakahā ʻi hono Fakafoki Mai ʻo e Ongoongoleleí—ne kamata ia ʻi ha Fakataha Alēlea ʻi he Langí. ʻI heʻetau hoko ko e ngaahi laumālié, ne tau loto ke maʻu e moʻui taʻengata ne fiefia ai ʻetau ongomātuʻa fakalangí. ʻI he tuʻunga ko iá ne tau fakalakalaka ki he tuʻunga te tau lava ʻo aʻu ki ai ʻo ʻikai ha aʻusia fakaesino. Ne palani e ʻOtuá ke fakatupu e māmani ko ʻení, ke maʻu ai e aʻusia ko iá. ʻI he palani ʻo e moʻui fakamatelié, ʻe fakameleʻi kitautolu ʻe he angahalá ʻi heʻetau fepaki mo e ʻahiʻahi ʻoku ʻaonga ki heʻetau tupulaki fakalaumālié. Te tau toe moʻulaloa foki ki he mate fakaesinó. Ne palani ʻetau Tamai Hēvaní ke ʻomai ha Fakamoʻui, ke lava ʻo fakafoki kitautolu mei he maté mo e angahalá. ʻE hanga ʻe Heʻene Toetuʻú ʻo huhuʻi e tokotaha kotoa pē mei he maté, pea totongi ʻe Heʻene feilaulau fakaleleí e meʻa ʻoku fiemaʻu ke fakamaʻa ai e taha kotoa mei he angahalá ʻo makatuʻunga mei ai haʻatau tupulaki. Ko e Fakalelei ʻa Sīsū Kalaisí e uho ʻo e palani ʻa e Tamaí. (Dallin H. Oaks, “Ko e Palani Lahí,” Liahona, Mē 2020, 93)

 

What Is the Purpose and Meaning of Life? | Now You Know

God has a plan for us. It's called the plan of salvation, and it contains the answers to life's questions. Jesus Christ is the central figure in God's plan.

Our Eternal Life

We are eternal beings. We lived as spirits before we were born and we will continue to live after we die.