Faatomuaga o Anomea

Aoaoina e ala i le Faatuatua

O Le Matafaioi a le Tagata Aoao

E alolofa le Tama Faalelagi ma Iesu Keriso ia te oe ma e finagalo e aoao atu ia te oe le talalelei e ala i le mana o le Agaga Paia. O le a se mea e mafai ona e faia e maua atili ai mea ua La naunau e aoao atu ia te oe? O lenei lesona e mafai ona fesoasoani ia te oe e maua ai le tele o mea mai lou aafiaga i le seminare e ala i le malamalama ai i le uiga o le aoao e ala i le faatuatua ia Iesu Keriso.

E fiafia le Alii i taumafaiga

Maimoa le vitio “An Especially Noble Calling,” o loo maua i le ChurchofJesusChrist.org, mai le faailotaimi 2:16 i le 3:49 pe faitau le faamatalaga o loo i lalo. Mafaufau i tulaga e mafai ona faaaoga ai lenei faamatalaga.

Na aoao mai Peresitene Russell M. Nelson:

An Especially Noble Calling

Sister Jones draws on the example and teachings of Joseph Smith to encourage women in striving to fulfill their great spiritual potential.

E fiafia le Alii i taumafaiga, aua o taumafaiga e aumaia ai taui lea e le mafai ona oo mai e aunoa [ma taumafaiga]. (Russell M. Nelson, i le Joy D. Jones, “O Se Valaauga e Faapitoa Lona Tamalii,” Liahona, Me 2020, 16)

• E faapefea ona tatou faaaogaina le saunoaga a Peresitene Nelson i o tatou olaga? Mo se faataitaiga, e faapefea ona faatatau i le galuega faafaifeautalai, auaunaga, po o le mauaina o se aoaoga?

• O le a sou manatu e faapefea ona faatatau i le aoaoina o le talalelei a Iesu Keriso i le seminare i lenei tausaga?

Ina ia fesoasoani ia te oe e iloilo lou lava aoaoina i le talalelei, mafaufau e uiga i fesili nei:

• O a ni taumafaiga o loo e faia i le taimi nei e aoao ai le talalelei a Iesu Keriso? Na faapefea ona e valaauliaina le Atua e aoao ia te oe?

• O e lagonaina o loo e mauaina taunuuga e te manao ai ma manaomia? Aisea pe aisea foi e leai ai?

A o e suesue i lenei lesona, mafaufau e uiga i auala e te manao e aoao ma tuputupu ae ai i lenei tausaga i le seminare. Saili le taitaiga a le Tama Faalelagi e ala i le Agaga Paia e fesoasoani ia te oe ia iloa le auala e faaaoga ai lenei lesona i lou olaga.

Aoaoga o le Tusi a Mamona

Faitau ia le itiiti ifo ma le lua o fuaitau nei o le atamai i aoaoga faavae, ma vaavaai pe faapefea e a tatou lava taumafaiga ma manaoga ona faatino se matafaioi ma le ala e faatino ai e le Atua se matafaioi i lo tatou aoaoina o le talalelei.

• 2 Nifae 28:30

• 2 Nifae 32:3

• 2 Nifae 32:8-9

• Eteru 12:6

• Moronae 10:4-5

• O le a se mea na e maua e mafai ona fesoasoani ia te oe e aoao atili ai mai le Atua i le taimi o le seminare?

• O le a sou manatu o le a le taunuuga pe afai e faamoemoe se tasi e tuu atu e le Atua ia i latou le malamalama ae lei faia sa latou lava taumafaiga? Pe afai foi sa latou faia se taumafaiga ae latou te lei sailia le fesoasoani a le Atua? Aisea?

E faavae i mea na e suesueina i le asō, aotele i se fuaiupu se tasi mea ua e malamalama i ai e uiga i le aoaoina o le talalelei.

E mafai e le seminare ona suia lou olaga?

Maimoa le vitio “Seminary Can Change Lives” (4:14), e maua i le ChurchofJesusChrist.org. A o e matamata, mafaufau i ni mafuaaga talafeagai na faaigoa ai le vitio o le “Seminary Can Change Lives” nai lo le “Seminary Will Change Your Life.”

Seminary Can Change Lives

President Thomas S. Monson teaches how seminary can help you build and strengthen your testimony. "Effort is required," he says. "But it is effort you will never, ever regret."

• Aisea e te manatu ai e sao le faapea atu e mafai e le seminare ona suia olaga?

Faitau le saunoaga lenei a Peresitene Russell M. Nelson, ma vaavaai mo mea o le a fesoasoani e iloa ai pe o le a suia lou olaga e le seminare.

O le tele o lou mulimuli i faataitaiga a Iesu Keriso, o le tele foi lea o lou manuia.

O le ā, le mea, o le a fesoasoani ia te oe ia avea ai o se soo moni o Iesu Keriso? O se tasi o tali o le seminare ma le inisitituti—e le na o le auai ae ia auai ma le mataalia i vasega ma mulimuli ma le faamaoni i soo se galuega atofa e tuuina atu. …

O le faauu mai i le seminare ma le inisitituti o le a faateleina ai lou gafatia e faaeaina ai i mea aupito taua o le a e faia i le olaga. O le a fai mo oe le olioli moni! (Russell M. Nelson, “O se Valaaulia Patino e Auai i le Seminare ma le Inisitituti,” Fep. 2019, ChurchofJesusChrist.org)

• O le a se mea e tulaga ese ia te oe mai le saunoaga a Peresitene Nelson? Aisea?

• E faapefea ona e taulai atu i le mulimuli ia Iesu Keriso i le taimi o lou aafiaga i le seminare?

• O le a sou manatu i le uiga o le “auai atoatoa” i le seminare?

Auala e maua ai le tele o mea aoga mai le seminare

1. Tusifaamaumau lau fautuaga mo le vaaiga faataitai lenei.

   

   Mafaufau faapea o le alii talavou o loo i lenei ata o loo auai i le seminare mo le taimi muamua. E manao o ia e aoao ma tuputupu a’e faaleagaga ae e le o mautinoa pe faapefea ona fai. E faavae i mea ua e aoaoina i le asō ma lou aafiaga ua tuanai i le seminare ma le lotu, tusifaamaumau le fautuaga o le a e tuuina atu ia te ia.

   Ia mautinoa e aofia ai

   • mea e mafai ona ia faia a o le’i amataina, i le taimi o faagasolo, ma pe a maea le vasega e faalautele ai lona aoaoina faaleagaga

   • le ala na te taulai atu ai i le mulimuli i le Faaola ma valaaulia le Agaga Paia e aoao ia te ia

Faatu se sini ia tele ni mea aoga e maua mai lou aafiaga i le seminare i lenei tausaga. Ina ia faia lenei mea, e ono mafai ona e taliina fesili nei:

• O le a se mea o e faamoemoe e te maua mai le seminare i lenei tausaga?

• O le a se mea ua e naunau e fai e faaali atu ai i le Alii e te manao e aoao mai ia te Ia ma avea atili e faapei o Ia?

Tuu i le Faitalia: O e Manao e Aoao Atili?

O le a se mea e mafai ona ou faia e maua ai ma manatua mea e finagalo le Tama Faalelagi e aoao mai ia te au?

Na faamatala mai e Elder Richard G. Scott (1928–2015) o le Korama a Aposetolo e Toasefululua:

Tusi i lalo i se mea malupuipuia ia mea taua ua e aoaoina mai le Agaga. O le a e iloa ai a o e faamaumauina se uunaiga taua, e masani lava o le a oo mai nisi uunaiga semanu e te le mauaina. Ma le isi, o le malamalama faaleagaga e te maua o le a mafai ona e mauaina i lou olaga atoa. I taimi uma, ao ma le po, po o fea lava e te iai, po o a lava au mea e fai, saili ia iloa ma tali atu i le taitaiga a le Agaga. Ia maua se fasipepa po o se kata e faamaumau ai se taitaiga faapena.

Faailoa atu le lotofaafetai i le Alii mo le taitaiga faaleagaga e te maua ma usitai i ai. O lenei faiga o le a faamalosia ai lou gafatia e aoao e ala i le Agaga. O le a faaleleia atili ai le taitaiga a le Alii i lou olaga. O le a e aoao atili a o e faatinoina ai le malamalama, aafiaga, ma musumusuga e fesootai atu ia te oe e ala i le Agaga Paia. (Richard G. Scott, “How to Learn by the Spirit,” New EraSete. 2014, 48)

Aisea e taua ai lo’u auai i le vasega?

Na aoao mai Elder Richard G. Scott (1928–2015) o le Korama a Aposetolo e Toasefululua:

O le faaiuga a tamaiti aoga e auai o se faatinoga lea o le faitalia e faataga ai le Agaga Paia e fesootai mai se savali patino e fetaui ma o latou lava manaoga taitoatasi. …

O lena auai o le a aumaia ai i o latou olaga [tamaiti aoga] le taitaiga a le Agaga. … O le auai e mafai ai e tagata taitoatasi ona oo i le taitaiina e le Agaga. Latou te aoao ia iloa ma lagona le mea e ta’u o le taitaiga faaleagaga. (Richard G. Scott, “To Learn and to Teach More Effectively” [Brigham Young University Education Week devotional, Aug. 21, 2007], 4–5, speeches.byu.edu)

Na saunoa Elder David A.Bednar o le Korama a Aposetolo e Toasefululua e faapea:

O le faatuatua moni e taulai atu i le Alii o Iesu Keriso ma e sosoo lava ma le taitaiina atu ai pea lava i faatinoga. …

 O le aoao e ala i le faatuatua e manaomia ai uunaiga faaleagaga, o le mafaufau, ma le faaletino ae le tau lava ina faaleano iai.… O le faamaoni a’ia’i ma le ogatasi o a tatou faatinoga musuia i le faatuatua, e faailoa atu ai i lo tatou Tama Faalelagi ma Lona Alo o Iesu Keriso lo tatou naunautai e aoao ma talia faatonuga po o aoaoga mai le Agaga Paia. (David A. Bednar, “Saili e Aoao e Ala i le Faatuatua,” Liahona, Sete. 2007, 63–64)

Maimoa le vitio “1.3.3 Spiritual Learning Requires Effort,” o loo maua i le ChurchofJesusChrist.org, mai le faailotaimi 0:00 i le 2:13. Vaavaai mo mea na aoao mai e Elder Bednar e uiga i le taua o le auai atoatoa i le vasega.

1.3.3 Spiritual Learning Requires Effort

Elder Bednar teaches the youth the importance of using their agency by acting in a way that invites the Holy Ghost into their classroom expereince (David A. Bednar, The Doctrine and Covenants-Welcome to Seminary DVD).