“Talateu ki he Tohi ʻa Molomoná: Ko e Maka-tuʻu-loto ʻo ʻEtau Tui Fakalotú,” Tohi ʻa Molomoná - Tohi Lēsoni ʻa e Tokotaha Akó (2024)
“Talateu ki he Tohi ʻa Molomoná,” Tohi ʻa Molomoná - Tohi Lēsoni ʻa e Tokotaha Akó
Ngaahi Peesi Fakafeʻiloaki ʻo e Tohi ʻa Molomoná
Talateu ki he Tohi ʻa Molomoná
Ko e Maka-tuʻu-loto ʻo ʻEtau Tui Fakalotú
Naʻe ui ʻe he Palōfita ko Siosefa Sāmitá ʻa e Tohi ʻa Molomoná ko e maka-tuʻu-loto ia ʻo ʻetau tui fakalotú. ʻOku ʻi loto ʻi he tohí ha fakaafe ke fehuʻi ki he ʻOtuá pe ʻoku moʻoni ia. Kuo laui miliona ha kakai kuo nau muimui ʻi he fakaafe ko ʻení pea maʻu ha fakamoʻoni mei he Laumālie Māʻoniʻoní ki hono moʻoni ʻo e Tohi ʻa Molomoná. ʻOku fakataumuʻa ʻa e lēsoni ko ʻení ke tokoniʻi koe ke fakatupulaki hoʻo holi ke ako fakaʻaho ʻa e Tohi ʻa Molomoná ke fakamālohia hoʻo fakamoʻoni ki hono moʻoní.
Ko e ngaahi tāpuaki mei he Tohi ʻa Molomoná
-
Ko e fē ʻi he ngaahi tāpuaki ko ʻení ʻokú ke ongoʻi te ne tākiekina lahi hoʻo moʻui fakaʻahó? Ko e hā te ke loto fiemālie ke fai ke maʻu ai kinautolú?
-
ko ha malava lahi ange ke fanongo ki he leʻo ʻo e Laumālié
-
tali ki he ngaahi fehuʻi mo e fakahinohino ki hoʻo moʻuí
-
ko ha malava lahi ange ke tekeʻi ʻa e ʻahiʻahí mo e koví
-
Ko ha konga ʻeni ʻo e ngaahi tāpuaki ʻe lava ke maʻu mei hono ako ʻo e Tohi ʻa Molomoná.
Lau pea fakakaukau ke fakaʻilongaʻi ʻa e lea ‘a Siosefa Sāmita ʻi he palakalafi 6 ʻo e talateu ki he Tohi ʻa Molomoná.
-
Ko e hā ʻoku mahuʻinga kiate koe mei he fakamatala ʻa Siosefa Sāmitá?
Ko e maka-tuʻu-loto ʻo ʻetau tui fakalotú
-
Ko e hā ʻoku fuʻu mahuʻinga ai ʻa e maka ʻi lotomālie he ʻālesó (ko e maka-tuʻu-lotó)? Ko e hā ʻe hoko ki he ʻālesó kapau ʻe toʻo ia?
Naʻe akoʻi ʻe Palesiteni ʻEselā Tafu Penisoni (1899–1994):
Ko e Tohi ʻa Molomoná ko e maka-tuʻu-loto ia ʻo ʻetau fakamoʻoni kia Sīsū Kalaisí, he ko Ia foki ʻa e makatuliki ʻo e meʻa kotoa pē ʻoku tau faí. ‘Oku fakamoʻoni ia ʻi he mālohi mo e lea mahinongofua ʻo kau kiate Ia. …
… Ko e Tohi ʻa Molomoná ko e maka-tuʻu-loto ia ʻo e fakamoʻoní. ʻE hangē pē holo ‘a e ʻālesó ʻi ha toʻo ‘a e maka-tuʻu-lotó, mo ha tuʻu maʻu ‘a e Siasí pe ko haʻane tō ʻi hano toʻo ʻa e moʻoni ʻo e Tohi ‘a Molomoná. (Ezra Taft Benson, “The Book of Mormon—Keystone of Our Religion,” , Nov. 1986, 5, 6)
Ko e makatuʻu-loto ‘o ‘etau fakamoʻoni kia Sīsū Kalaisí
-
ʻOkú ke pehē ʻoku ʻuhinga ki he hā ko e Tohi ʻa Molomoná ko e maka-tuʻu-loto ia ʻo ʻetau fakamoʻoni kia Sīsū Kalaisí?
Naʻe toutou fakamoʻoni maʻu pē ʻa kinautolu naʻa nau hiki e Tohi ʻa Molomoná kia Sīsū Kalaisi.
Book of Mormon Experiment Honolulu
One of the most criticized texts in religious history, often by people who haven't read a single page, the Book of Mormon is another testament of Jesus Christ. But instead of having us tell you that, we asked the world.
-
Fakakakato ʻa e ʻekitivitī ko ʻení, pea tali e ngaahi fehuʻi ‘i laló.
Fili ha peesi pē mei he Tohi ʻa Molomoná, pea kumi ʻa e fakamoʻoni fakafolofola kotoa pē ki he Fakamoʻuí ʻi he peesi ko iá.
-
Ko e hā ha meʻa naʻá ke maʻu fekauʻaki mo e Fakamoʻuí?
-
Ko e hā ʻoku tokoni atu e ngaahi potufolofola naʻá ke maʻú ke mahino pe ongoʻi fekauʻaki mo e Fakamoʻuí?
Fakakaukau ki he founga ʻe tāpuekina ai koe ʻi haʻo maʻu ha fakamoʻoni mālohi ange kia Sīsū Kalaisi. ʻI hoʻo ako ʻa e Tohi ʻa Molomoná, kumi ha ngaahi fakamoʻoni fakafolofola kia Sīsū Kalaisi pea mo e meʻa ʻokú ke ako fekauʻaki mo Iá. ʻI hoʻo fai iá, ʻe tupulaki hoʻo ʻilo mo e fakamoʻoni ki he Fakamoʻuí.
Ko e maka-tuʻu-loto ʻo ʻetau fakamoʻoní
-
Ko e fē ʻi he ngaahi fakamatala ko ʻení ʻokú ne fakamatalaʻi lelei taha hoʻo ngaahi ongo kau ki he Tohi ʻa Molomoná?
-
ʻOku ou falala ki he niʻihi kehe kuo nau maʻu haʻanau fakamoʻoni fakataautaha mo fakapapauʻi mai ʻoku moʻoni e Tohi ʻa Molomoná.
-
‘Oku ‘ikai ke u fakapapauʻi pe ‘oku ou ‘iloʻi ʻoku moʻoni ʻa e Tohi ʻa Molomoná.
-
Kuó u maʻu ha fakamoʻoni mei he Laumālie Māʻoniʻoní ʻoku moʻoni ʻa e Tohi ʻa Molomoná.
-
-
ʻOkú ke pehē ko e hā ʻoku fiemaʻu ai ʻe he Tamai Hēvaní ke ke ʻiloʻi ʻoku moʻoni ʻa e Tohi ʻa Molomoná?
Lau ʻa e palakalafi fika ua fakamuimui ʻi he talateú, pea pehē foki ki he Molonai 10:3–5, ʻo kumi ʻa e meʻa te ke lava ʻo fai ke ʻiloʻi ai pe ʻoku moʻoni ʻa e Tohi ʻa Molomoná.
-
Fakatatau ki he meʻa naʻá ke laú, ko e hā ʻoku fiemaʻu ke fai ʻe ha taha ke ne ʻiloʻi ai pe ʻoku moʻoni e Tohi ʻa Molomoná?
Naʻe vahevahe ʻe ‘Eletā ʻUlise Sōalesi ʻo e Kōlomu ʻo e Kau ʻAposetolo ʻe Toko Hongofulu Mā Uá ʻa e founga naʻe tupulaki ai ʻene fakamoʻoni ki he Tohi ʻa Molomoná lolotonga ʻene ʻalu ki he seminelí. Mahalo te ke fie mamata ʻi he “Ko Hono ʻOmi ʻo e Tohi ʻa Molomoná,” ʻoku maʻu ʻi he ChurchofJesusChrist.org, mei he taimi 12:03 ki he 14:12.
Ko Hono ʻOmi ʻo e Tohi ʻa Molomoná
ʻOku fakamatalaʻi ʻe ʻEletā Soalesi ʻa e ngaahi mana lahi naʻe hoko ʻi hono ʻomi ʻo e Tohi ʻa Molomoná, kau ai e ngaahi mana ʻe lava ʻo hoko ʻi heʻetau moʻuí koeʻuhi ko e lekooti toputapu ko ʻení.
Lau ʻa e palakalafi fakaʻosi ʻi he talateu ki he Tohi ʻa Molomoná, ʻo kumi ki he ngaahi ʻilo kehe ʻoku maʻu ʻi ha fakamoʻoni ki he Tohi ʻa Molomoná.
-
ʻE liliu fēfē hoʻo moʻuí ʻi hono maʻu ha fakamoʻoni ki he Tohi ʻa Molomoná?
Ako fakaʻaho ʻa e Tohi ʻa Molomoná
Naʻe fakahoko ʻe Palesiteni Lāsolo M. Nalesoni ha palōmesi kiate kitautolu kotoa ʻo kapau te tau ako fakaʻaho e Tohi ʻa Molomoná. Lau ʻa e fakamatala ko ʻení, pe mamata ʻi he foʻi vitiō “Ko e Tohi ʻa Molomoná: Ne Mei Fēfē Nai Hoʻo Moʻuí Ka Ne ʻIkai Ia?” ʻi he ChurchofJesusChrist.org mei he taimi 11:52 ki he 13:05.
Ko e Tohi ʻa Molomoná: Ne Mei Fēfē Hoʻo Moʻuí Ka Ne Taʻeʻoua Ia?
President Nelson explains the importance of the Book of Mormon, testifies that it teaches of Christ, and encourages us to prayerfully study it every day.
ʻOku ou palōmesi atu ʻi hoʻo ako [ʻi he faʻa lotu] e Tohi ʻa Molomoná he ʻaho kotoa peé, ʻe toe lelei ange ai hoʻo fai tuʻutuʻuní—he ʻaho kotoa pē. ʻOku ou palōmesi atu ʻi hoʻo fakalaulauloto ki he meʻa ʻokú ke akó, ʻe fakaava mai e ngaahi matapā ʻo e langí, pea te ke maʻu e tali ki hoʻo ngaahi fehuʻí mo e tataki ki hoʻo moʻuí. ʻOku ou palōmesi atu ʻi hoʻo fakaʻutumauku fakaʻaho he Tohi ʻa Molomoná, ʻe lava ke maluʻi koe mei he ngaahi kovi ʻo e kuongá, kau ai e haʻahaʻa fakalilifu ʻo e ponokalafí mo e ngaahi maʻunimā ʻokú ne fakakonahi ʻetau fakakaukaú.
ʻI haʻaku fanongo ki ha taha, ʻo aʻu pē kiate au, ʻokú ne pehē, “ʻOku ou ʻiloʻi ʻoku moʻoni e Tohi ʻa Molomoná,” ʻoku ou fie pehē ange au, “ʻOku lelei ia, ka ʻoku ʻikai feʻunga ia!” ʻOku fiemaʻu ke tau ongoʻi moʻoni ʻi he konga “loloto taha” ʻo hotau lotó [ʻAlamā 13:27], ko e Tohi ʻa Molomoná ko e folofola moʻoni ia ʻa e ʻOtuá. Kuo pau ke tau fuʻu ongoʻi moʻoni ia pea ʻikai ke tau teitei loto ke ʻosi atu ha ʻaho taʻe te tau moʻui ʻaki ia. (Russell M. Nelson, “Ko e Tohi ʻa Molomoná: Ne Mei Fēfē Nai Hoʻo Moʻuí Ka Ne ʻIkai Ia?,” Liahona, Nōvema. 2017, 62–63)
-
Tali e ngaahi fehuʻi ko ‘ení:
-
Ko e hā ʻoku mahuʻinga kiate koe mei he fakamatala ko ʻení?
-
Ko e hā hoʻo ongo fekauʻaki mo e fakaafe ke lau fakaʻaho e Tohi ʻa Molomoná?
-
Kapau kuo teʻeki ai ke ke faʻu ha palani, fakahoko ia ke fakamālohia hoʻo fakamoʻoni kia Sīsū Kalaisí ʻo fakafou ʻi hono ako fakaʻaho ʻo e Tohi ʻa Molomoná. Hangē ko ʻení, te ke lava ʻo fakapapauʻi pe ko e miniti ʻe fiha he ʻaho te ke ako aí. Te ke lava ʻo palani ʻa e founga ke tukutaha ai hoʻo tokangá ki he meʻa ʻoku akoʻi ʻe he Tohi ʻa Molomoná fekauʻaki mo e Fakamoʻuí. Fakakaukau ki ha ngaahi faingataʻa pē te ke ala fehangahangai mo ia ʻi hoʻo ako fakaʻahó pea mo e meʻa te ke lava ʻo fai ke ikunaʻi ai kinautolú.