Atamai i Aoaoga Faavae: 2 Nifae 32:8–9

“E Ao Ina Outou Tatalo E Le Aunoa”

talavou o loo tatalo

I se lesona talu ai, “2 Nifae 32:8–9,” na e aoaoina ai afai tatou te tatalo e le aunoa, o le a faapaiaina e le Tama Faalelagi a tatou galuega mo le manuia o o tatou agaga. O lenei lesona o le a fesoasoani ia te oe e tauloto ai mau faasino ma le fasifuaitau autu o le mau mo le 2 Nifae 32:8–9, faamatala le aoaoga faavae, ma faaaoga mataupu faavae o le mauaina o le malamalama faaleagaga i tulaga masani faalesoifuaga.

Faamatala ma tauloto

Iloilo le mau faasino o le atamai i aoaoga faavae “2 Nifae 32:8–9” ma le fasifuaitau autu o le mau “E ao ina outou tatalo e le aunoa.” Fatu se tala puupuu e faafesootai ai numera taitasi i le mau faasino i le fasifuaitau autu—mo se faataitaiga, “Sa tatalo Addi mo le 32 itula i le aso.” E le afaina pe afai o mea e te fatuina e le talafeagai. O le manatu o le fesoasoani lea ia te oe e faafesootai le mau faasino i le fasifuaitau autu o le mau.

aikona, faamaumau

1. Faamaea mea nei:

   Vaai faalemafaufau faapea o loo e talanoa ma se uo e le o lagonaina le agavaa e tatalo ai. Faaaoga fasifuaitau mai le 2 Nifae 32:8–9 e fesoasoani ai ia i latou ia malamalama pe aisea e manaomia ai ona tatou tatalo e le aunoa. Ia aofia i lau faamalamalamaga ou manatu i le uiga o le tatalo e le aunoa.

Faataitai le faaaogaina

aikona, faamaumau

2. Filifili se tasi o mataupu faavae o le mauaina o le malamalama faaleagaga. Tusi mea uma e mafai ona e manatua e uiga i le mataupu faavae. A mae’a, faatusatusa mea na e tusia i le vaega mai le parakalafa 5–12 i le vaega o le “Mauaina o le Malamalama Faaleagaga” o le Pepa Autu o le Atamai i Aoaoga Faavae (2022). Vaai pe i ai se mea e te manao e faaopoopo i mea na e tusia.

aikona, faamaumau

3. Mafaufau i ni fesili po o ni atugaluga e ono i ai ia te oe po o se isi tagata e uiga i le tatalo. (Ina ia mafaufau i ni fesili po o ni atugaluga e ono i ai, e mafai ona e fesili ifo ia te oe lava, “O a nisi o mafuaaga atonu e le tatalo ai tagata?” po o le “E mafai faapefea e se tasi ona faia ia anoa atili a latou tatalo?”) Filifili se fesili po o se atugaluga se tasi e te manao e taulai i ai, ma tusi i lalo. Faaaoga mataupu faavae o le mauaina o le malamalama faaleagaga e fesoasoani ai i se tasi o i ai lena fesili po o le atugaluga, ma tusi i lalo pe mafai faapefea e mataupu faavae taitasi ona fesoasoani ia i latou. E mafai ona e faaaogaina mea nei e fai ma taiala.

Saili le malamalama atili e ala i punavai mamana ua filifilia

• O a punavai mamana filifilia o le a e faaaogaina e tali atu ai?

Faaaoga se punavai mamana ua filifilia e fesoasoani ia te oe e saunia ai se tali. E mafai ona e auina atu se savali i se matua po o se taitai o le Ekalesia e talosagaina ai se fesoasoani i ni tali talafeagai. E mafai foi ona e suesue i tusitusiga paia po o anomea i le ChurchofJesusChrist.org. Mo nisi o atugaluga, e mafai ona fesoasoani le saunoaga lenei a Peresitene Polika Iaga (1801–1877):

Peresitene Polika Iaga

E le afaina pe o oe po o au ua lagona le manao ina ia tatalo, afai e oo mai le taimi e tatalo ai, tatalo. Afai e le o maua se lagona e tatalo ai, e ao ona tatou tatalo seia oo mai lena lagona. (Aoaoga a Peresitene o le Ekalesia: Polika Iaga [1997],45)

Iloilo manatu faavae ma fesili ma se vaaiga e faavavau

• O le a se mea ua e iloa e uiga i le Tama Faalelagi ma Iesu Keriso e fesootai i lenei fesili po o le atugaluga?

• O a upumoni faavavau mai le 2 Nifae 32:8–9 e mafai ona fesoasoani i se tasi o i ai lenei fesili po o le atugaluga?

Faatino i le faatuatua

• O le a se mea e te fautuaina lenei tagata e faia e faatino ai le faatuatua ia Iesu Keriso? Aisea?

• O le a se mea e te valaaulia lenei tagata e manatua e mafai ai ona fesoasoani ia i latou e faatino ai i le faatuatua?