Rebyo 12 sa Doktrinal nga Kahanas

Sabta ug Gamita

Kini nga leksiyon makatabang nimo sa pagrebyo ug pagbansay sa pagsabot ug paggamit sa mga tudling sa doktrinal nga kahanas nga imong gitun-an.

Pagsabot sa mga tudling sa doktrinal nga kahanas

Handurawa nga ikaw adunay kahigayonan nga makig-istorya sa usa ka tawo nga naghunahuna nga wala siya makasabot sa mga kasulatan ug dili sigurado nga gusto niya nga sulayan.

• Ngano nga mahinungdanon ang pagpaningkamot sa pagsabot sa mga kasulatan?

• Kon mohatag ka og tambag kabahin sa unsay mahimo sa usa ka tawo aron madugangan ang iyang pagsabot, unsay imong isulti?

Ang pipila ka paagi sa pagpalawom sa imong pagsabot naglakip sa

• pagpangita sa mga kahulugan sa mga pulong nga wala nimo masabti;

• pagbasa sa ulohan sa kapitulo o mga bersikulo nga nag-una o nagsunod sa tudling nga imong gitun-an alang sa konteksto;

• pagbasa sa mga cross-reference diha sa mga footnote;

• pagpangita sa mahinungdanon nga mga pulong diha sa Giya ngadto sa mga Kasulatan;

• pagpangayo og tabang sa ginikanan, magtutudlo, o lider sa Simbahan;

• pag-ila sa mga kamatuoran mahitungod ni Jesukristo; ug

• pagpamalandong kon sa unsang paagi ang pagsunod niadto nga mga kamatuoran makatabang kanimo nga mas maduol ngadto sa Manluluwas.

Pagpili og duha ka tudling sa doktrinal nga kahanas gikan sa 1 Nephi ngadto sa Mosiah nga nakapadasig kanimo nga mahibalo pa og dugang mahitungod niini. Dayon paggahin og pipila ka mga minuto sa pagbasa niini og maayo ug gamita ang usa sa mga kahanas nga gilista sa ibabaw aron sa pagpalawom sa imong pagsabot. Mahimo nimong sulayan ang usa o duha ka kahanas nga wala pa nimo masulayan kaniadto.

Unang 12 ka Tudling sa Doktrinal nga Kahanas ug Mahinungdanon nga Hugpong sa mga Pulong

Manwal sa Magtutudlo sa Basahon ni Mormon (2024)

Pakisayran sa Kasulatan	Mahinungdanong Hugpong sa mga Pulong sa Kasulatan
Pakisayran sa Kasulatan 1 Nephi 3:7	Mahinungdanong Hugpong sa mga Pulong sa Kasulatan “Ako moadto ug mobuhat sa mga butang nga ang Ginoo nagsugo.”
Pakisayran sa Kasulatan 2 Nephi 2:25	Mahinungdanong Hugpong sa mga Pulong sa Kasulatan “Si Adan napukan aron ang mga tawo mahimo; ug ang mga tawo naingon, nga unta sila makabaton og hingpit nga kalipay.”
Pakisayran sa Kasulatan 2 Nephi 2:27	Mahinungdanong Hugpong sa mga Pulong sa Kasulatan “Sila gawasnon sa pagpili sa kalingkawasan ug sa kinabuhi nga dayon … o … sa pagkabihag ug sa kamatayon.”
Pakisayran sa Kasulatan 2 Nephi 26:33	Mahinungdanong Hugpong sa mga Pulong sa Kasulatan “Ang tanan managsama ngadto sa Dios.”
Pakisayran sa Kasulatan 2 Nephi 28:30	Mahinungdanong Hugpong sa mga Pulong sa Kasulatan Ang Dios “mopadayag ngadto sa mga katawhan og pagtulun-an human sa usa ka pagtulun-an, lagda human sa usa ka lagda.”
Pakisayran sa Kasulatan 2 Nephi 32:3	Mahinungdanong Hugpong sa mga Pulong sa Kasulatan “Pagbusog sa mga pulong ni Kristo; kay tan-awa, ang mga pulong ni Kristo magtug-an kaninyo sa tanan nga mga butang nga inyong buhaton.”
Pakisayran sa Kasulatan 2 Nephi 32:8–9	Mahinungdanong Hugpong sa mga Pulong sa Kasulatan “Kamo kinahanglan gayod nga mag-ampo sa kanunay.”
Pakisayran sa Kasulatan Mosiah 2:17	Mahinungdanong Hugpong sa mga Pulong sa Kasulatan “Kon kamo anaa sa pag-alagad sa inyong mga isigkatawo kamo anaa lamang sa pag-alagad sa inyong Dios.”
Pakisayran sa Kasulatan Mosiah 2:41	Mahinungdanong Hugpong sa mga Pulong sa Kasulatan “[Kadto] nga naghupot sa mga sugo sa Dios … bulahan sa tanan nga mga butang.”
Pakisayran sa Kasulatan Mosiah 3:19	Mahinungdanong Hugpong sa mga Pulong sa Kasulatan “[Isalikway] ang … kinaiyanhon nga pagkatawo ug [mahimo] nga usa ka santos pinaagi sa pag-ula ni Kristo ang Ginoo.”
Pakisayran sa Kasulatan Mosiah 4:9	Mahinungdanong Hugpong sa mga Pulong sa Kasulatan “Tuo sa Dios; … tuo nga siya aduna sa tanan nga kaalam.”
Pakisayran sa Kasulatan Mosiah 18:8–10	Mahinungdanong Hugpong sa mga Pulong sa Kasulatan “Pagpabunyag diha sa ngalan sa Ginoo, ingon og usa ka saksi … nga kamo nakasulod ngadto sa usa ka pakigsaad uban kaniya.”

© 2024 by Intellectual Reserve, Inc. All rights reserved.

1. Ipakigbahin kon hain sa mga tudling sa doktrinal nga kahanas ang imong napili, ang kahanas nga imong gigamit sa pagpalawom sa pagsabot, ug ang bisan unsang mga panabot nga imong naangkon gikan sa imong pagtuon.

Paggamit sa mga tudling sa doktrinal nga kahanas

2. Pilia ang kalihokan A o B aron mabansay ang paggamit sa usa sa mga tudling sa doktrinal nga kahanas nga imong napili.

Kalihokan A. Pagmugna og senaryo

1. Sa usa ka bahin sa usa ka piraso nga papel, pagsulat og pangutana sa ebanghelyo nga mahimong matubag o usa ka kahimtang nga mahimong matabangan sa paggamit niini nga tudling sa doktrinal nga kahanas.

2. Sa pikas nga bahin, isulat ang pakisayran sa doktrinal nga kahanas, mahinungdanon nga hugpong sa mga pulong, ug mubo nga pagpasabot kon sa unsang paagi kini makatabang.

Kalihokan B. Paghimo og usa ka gilatid nga bidyo [video outline]

Hunahunaa nga ang imong stake mipili og usa sa mahinungdanon nga mga hugpong sa mga pulong sa kasulatan sa doktrinal nga kahanas isip ang tema alang sa komperensiya sa kabatan-onan. Gihangyo ka nila nga magplano og bidyo aron ipaila ang tema. Paghimo og outline alang sa usa ka bidyo nga naglakip

• sa mahinungdanong hugpong sa mga pulong sa kasulatan ug sa pakisayran,

• usa ka mamugnaong paagi sa pagpasabot unsa ang kahulogan sa tudling sa doktrinal nga kahanas ug nganong mahinungdanon kini sa kabatan-onan, ug

• kon sa unsang paagi kini magamit sa atong mga kinabuhi ug makatabang kanato nga mas maduol sa Manluluwas. (Mahimo nimong ilakip ang usa ka ehemplo o istorya gikan sa mga kasulatan, kinatibuk-ang komperensiya, o imong kaugalingong kinabuhi.)