Iloiloga 19 o le Atamai i Aoaoga Faavae

Faaaoga Fuaitau o le Atamai i Aoaoga Faavae

tamaitai talavou o loo suesue faatasi i tusitusiga paia

O le aoao e faaaoga afioga a le Alii i tusitusiga paia e mafai ona faamanuiaina ai oe i le tele o auala. O lenei lesona e mafai ona fesoasoani ia te oe e faaaoga upumoni i fuaitau o le atamai i aoaoga faavae mai le afa lona lua o le Tusi a Mamona.

Malosiaga

tamaitai talavou o loo fiafia i se tietiega uila

Mafaufau faapea na e tuleiina pe kikiina se polo. O le a se mea e mafai ona tosina ai le mamao po o le saoasaoa o le taavale a le polo?

O le malosiaga o se tasi lea o auala e faamatala ai le malosi o se mea faitino o loo minoi. Mo se faataitaiga, o se uila vilivae e faaminoi a o tulei ese e le tagata tietie, ma e tumau le malosiaga a o taofiofi faapaleni e le tagata tietie ma faaauau pea ona vili. E maua e le uila le malosiaga a o faateleina e le tagata tietie a latou taumafaiga i le viliina po o le, pe afai e faaifo le auala.

• O a nisi faataitaiga o le malosiaga lelei?

Na aoao mai Peresitene Russell M. Nelson:

Peresitene Russell M. Nelson

E leai se isi taimi ua matuā sili ai ona tatou manaomia le malosiaga lelei faaleagaga e sili atu i lo lenei taimi, e faafetauia ai le saoasaoa ua faateteleina o mea leaga ma faailoga pouliuli o taimi. O le malosiaga faaleagaga lelei o le a faatumauina lo tatou agai i luma i le lotolotoi o le fefe ma le lē mautonu ua mafua mai ona o le faama’i-oti, sunami, maugamu, ma fetaua’iga faafitafita. O le malosiaga faaleagaga e mafai ona fesoasoani ia i tatou ia tetee atu i osofaiga leaga ma fouvale a le fili ma taofia ana taumafaiga e faatamaia lo tatou faavae patino faaleagaga. (Russell M. Nelson, “O Le Mana o le Malosiaga Faaleagaga,” Liahona, Me 2022, 98)

• E faapefea ona e faamatalaina po o le a le malosiaga faaleagaga ma pe aisea tatou te manaomia ai?

• O a vaega o lou olaga e te manatu e te manaomia ai le malosiaga faateleina faaleagaga? O a ni faamanuiaga o le a e faamoemoe e maua?

Faateleina o le malosiaga faaleagaga

O fuaitau o mau o le atamai i aoaoga faavae ua aoao mai ai aoaoga faavae moni e fesoasoani tatou te aoao ai e uiga ia Iesu Keriso ma Lana talalelei. A o tatou mulimuli ia te Ia i le faatuatua, e mafai ona tatou fatuina ma faateleina le malosiaga faaleagaga i o tatou olaga.

aikona, faamaumau

1. Kopi le ata lenei i luga o se itulau avanoa i lau api faamaumau mo suesuega, ma faamaea faatonuga nei:

atatusi o se tagata i luga o se uila vilivae i luga o se auala e i ai faafitauli ma maugā

Mafaufau faapea o oe o le tagata tietie uila, ma o le auala e faatusa i lou olaga. Atonu e te matauina le sasa’o o le vaega muamua o lou ala, ona e fetaiai lea ma faafitauli ma mea lilifa lea e manaomia ai se taumafaiga sili atu e faatoilalo ai. Mafaufau i le malosiaga faaleagaga e te manaomia e agai ai ma le manuia i le olaga ma mea faalavefau ma luitau e te ono oo i ai.

Suesue fuaitau autu o mau o le atamai i aoaoga faavae sa e aoaoina, ma vaavaai mo fuaitau e faatatau i lau malaga patino. I talaane o fuainumera talafeagai i luga o lau ata, tusi ai le mau faasino i se fuaitau o le atamai i aoaoga faavae sa mafai ona fesoasoani ia te oe:

1. Faatumauina le malosiaga faaleagaga ma le alualu i luma i aso taitasi.

2. Aloese pe faatoilalo se faafitauli a o e talitonu ma faatino i le upumoni o loo aoao mai e le fuaitau.

3. Utuvai mai i le mana o le Faaola ma tulai a’e ia ausia au sini faaleagaga.

Mo fuaitau taitasi o le atamai i aoaoga faavae na e filifilia ma faaaofia i lau ata, tusi faamaumau ou manatu e uiga i se tasi o manatu nei:

• O se aafiaga ina ua e lagonaina le moni ma le taua o le fuaitau o le atamai i aoaoga faavae.

• Pe mafai faapefea ona e faaaogaina lelei le aoaoga faavae po o le mataupu faavae o le fuaitau i lou olaga.

• Mafuaaga e te manatu ai o lenei fuaitau o le a faamanuiaina ai oe i le mana o le Faaola ma faateleina ai lou malosiaga faaleagaga.

• Pe ua faapefea ona faateleina e le aoaoga faavae lou alofa mo le Tama Faalelagi ma Iesu Keriso.

Atamai i Aoaoga Faavae o le Tusi a Mamona: Alema–Moronae

Tusi Lesona a le Faiaoga o le Tusi a Mamona (2024)

Mau Faasino	Fasifuaitau Autu o le Mau
Mau Faasino Alema 7:11–13	Fasifuaitau Autu o le Mau “Ma o le a afio atu o ia, ma mafatia i tiga ma puapuaga ma faaosoosoga o ituaiga eseese uma.”
Mau Faasino Alema 34:9–10	Fasifuaitau Autu o le Mau “E ao ona faia o se togiola, … o se taulaga e le gata ma faavavau.”
Mau Faasino Alema 39:9	Fasifuaitau Autu o le Mau “Aua e te toe alu e tusa ma tuinanau o ou mata.”
Mau Faasino Alema 41:10	Fasifuaitau Autu o le Mau “E lei avea lava le amioleaga ma fiafia.”
Mau Faasino Helamana 5:12	Fasifuaitau Autu o le Mau “O luga lava o le papa o lo tatou Togiola … e ao ina oulua atinae ai lo oulua faavae.”
Mau Faasino 3 Nifae 11:10–11	Fasifuaitau Autu o le Mau “Na ou tuu atu ai i le finagalo o le Tamā i mea uma mai le amataga.”
Mau Faasino 3 Nifae 12:48	Fasifuaitau Autu o le Mau “Ia outou atoatoa e pei lava o Aʼu, po o lo outou Tamā o le o i le lagi e atoatoa.”
Mau Faasino 3 Nifae 27:20	Fasifuaitau Autu o le Mau “O mai ia te au ma ia papatiso … ina ia faapaiaina outou i le taliaina o le Agaga Paia.”
Mau Faasino Eteru 12:6	Fasifuaitau Autu o le Mau “Aua tou te le maua se molimau seia uma ona tofotofoina o lo outou faatuatua.”
Mau Faasino Eteru 12:27	Fasifuaitau Autu o le Mau “Afai e o mai tagata ia te au … ona ou faia lea o mea vaivai ia avea ma mea malolosi ia te i latou.”
Mau Faasino Moronae 7:45–48	Fasifuaitau Autu o le Mau “O le alofa mama o le alofa le pona lea o Keriso.”
Mau Faasino Moronae 10:4–5	Fasifuaitau Autu o le Mau “Ole atu ma le loto faamaoni, ma le manatu moni i ai, ma le faatuatua ia Keriso … [ma] o le mana o le Agaga Paia e mafai ona outou iloa ai le moni o mea uma lava.”

© 2023 Puletaofia e le Intellectual Reserve, Inc. Ua taofia aiā tatau uma.

aikona, faamaumau

2. Mo fuaitau taitasi o le atamai i aoaoga faavae na e filifilia ma faaaofia i lau ata, tusi faamaumau ou manatu e uiga i se tasi o manatu nei:

   • O se aafiaga ina ua e lagonaina le moni ma le taua o le fuaitau o le atamai i aoaoga faavae.

   • Pe mafai faapefea ona e faaaogaina lelei le aoaoga faavae po o le mataupu faavae o le fuaitau i lou olaga.

   • Mafuaaga e te manatu ai o lenei fuaitau o le a faamanuiaina ai oe i le mana o le Faaola ma faateleina ai lou malosiaga faaleagaga.

   • Pe ua faapefea ona faateleina e le aoaoga faavae lou alofa mo le Tama Faalelagi ma Iesu Keriso.