« ចំណេះចំណានខាងគោលលទ្ធិ ៖ នីហ្វៃទី៣ ១២:៤៨—‹ យើងចង់ឲ្យអ្នករាល់គ្នាបានល្អឥតខ្ចោះដូចជាយើង ឬដូចជាព្រះវរបិតារបស់អ្នករាល់គ្នាដែលគង់នៅស្ថានសួគ៌ ទ្រង់ល្អឥតខ្ចោះដែរ › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ចំណេះចំណានខាងគោលលទ្ធិ ៖ នីហ្វៃទី៣ ១២:៤៨ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ចំណេះចំណានខាងគោលលទ្ធិ ៖ នីហ្វៃទី៣ ១២:៤៨
« យើងចង់ឲ្យអ្នករាល់គ្នាបានល្អឥតខ្ចោះដូចជាយើង ឬដូចជាព្រះវរបិតារបស់អ្នករាល់គ្នាដែលគង់នៅស្ថានសួគ៌ ទ្រង់ល្អឥតខ្ចោះដែរ »
នៅក្នុងការសិក្សារបស់អ្នកអំពី នីហ្វៃទី៣ ១២ អ្នកបានរៀនអំពីការបានល្អឥតខ្ចោះដូចជាព្រះយេស៊ូវគ្រីស្ទ និងព្រះវរបិតាសួគ៌ ។ មេរៀននេះនឹងជួយអ្នកឲ្យទន្ទេញសេចក្តីយោង និងឃ្លាបទគម្ពីរគន្លឹះសម្រាប់ នីហ្វៃទី៣ ១២:៤៨ ពន្យល់អំពីគោលលទ្ធិដែលបានបង្រៀននៅក្នុងវគ្គបទគម្ពីរនេះ និងអនុវត្តគោលការណ៍ទាំងឡាយនៃការទទួលបានចំណេះដឹងខាងវិញ្ញាណនៅក្នុងស្ថានភាពជីវិតពិតៗ ។
ពន្យល់ និងទន្ទេញ
នៅក្នុងអំឡុងពេលសិក្សាមេរៀនមុន អ្នកបានរៀនអំពីសេចក្តីពិតខាងក្រោម ៖ ព្រះយេស៊ូវគ្រីស្ទចង់ឲ្យពួកយើងបានល្អឥតខ្ចោះដូចទ្រង់ និងព្រះវរបិតារបស់យើងដែលគង់នៅស្ថានសួគ៌ ។
សូមគិតស្រមៃថា អ្នកមានមិត្តម្នាក់ដែលជឿថា ព្រះមិនមានសេចក្តីរំពឹងទុកពីពួកយើងលើសពីការល្អនិងការគោរពអ្នកដទៃនោះទេ ។
-
តើអ្នកនឹងពន្យល់ នីហ្វៃទី៣ ១២:៤៨ តាមរបៀបដែលអាចជួយបន្ថែមដល់ការយល់ដឹងរបស់មិត្តអ្នកយ៉ាងដូចម្តេច ?
ឃ្លាបទគម្ពីរគន្លឺះនេះសម្រាប់ នីហ្វៃទី៣ ១២:៤៨ គឺ « យើងចង់ឲ្យអ្នករាល់គ្នាបានល្អឥតខ្ចោះដូចជាយើង ឬដូចជាព្រះវរបិតារបស់អ្នករាល់គ្នាដែលគង់នៅស្ថានសួគ៌ ទ្រង់ល្អឥតខ្ចោះដែរ » ។ សូមប្រើវិធីសាស្រ្តខាងក្រោម ឬវិធីសាស្រ្តផ្សេងទៀតដែលអ្នកជ្រើសរើស ដើម្បីជួយឲ្យអ្នកទន្ទេញសេចក្ដីយោង និងឃ្លាបទគម្ពីរគន្លឹះ ។
សូមសរសេរ « នីហ្វៃទី ៣ ១២:៤៨ » នៅចំកណ្តាលក្រដាសមួយសន្លឹក ។ នៅជ្រុងមួយនៃទំព័រ សូមសរសេរពាក្យ « បានល្អឥតខ្ចោះ » ។ នៅជ្រុងមួយទៀត សូមសរសេរថា « ដូចជាយើង » ។ នៅជ្រុងមួយទៀត សូមសរសេរថា « ឬដូចជាព្រះវរបិតារបស់អ្នករាល់គ្នាដែលគង់នៅស្ថានសួគ៌ » ។ នៅជ្រុងចុងក្រោយ សូមសរសេរថា « ល្អឥតខ្ចោះ » ។ សូមព្យាយាមទន្ទេញឲ្យចាំនូវសេចក្តីយោងបទគម្ពីរ និងឃ្លាបទគម្ពីរគន្លឺះ ដោយប៉ះជាមួយខ្មៅដៃ ឬម្រាមដៃរបស់អ្នកទៅលើឃ្លានីមួយៗតាមលំដាប់លំដោយ ដោយការចាប់ផ្តើមជាមួយនឹងសេចក្តីយោងបទគម្ពីនៅចំកណ្តាល ។ វាអាចជួយអ្នកបានដោយការនិយាយពាក្យទាំងនោះឲ្យឮៗ នៅពេលអ្នកប៉ះពាក្យទាំងនោះ ។ បន្ទាប់ពីការធ្វើដូចនេះបានពីរបីដងហើយ សូមព្យាយាមនិយាយឡើងវិញនូវសេចក្តីយោង និងឃ្លាទាំងមូលចេញពីការចងចាំនោះ ។
ការរៀនអនុវត្ត
សូមចំណាយពេលពីរបីនាទីដើម្បីពិនិត្យមើលគោលការណ៍ទាំងឡាយនៅក្នុង កថាខណ្ឌទី ៥–១២ នៅផ្នែក « ការទទួលបានចំណេះដឹងខាងវិញ្ញាណ » នៃ ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២៣ ) ។ សូមជ្រើសរើសគោលការណ៍មួយនៅក្នុងចំណោមគោលការណ៍ទាំងអស់ដើម្បីសិក្សាបន្ថែមឲ្យបានកាន់តែច្បាស់ ។
-
តើអ្នកនឹងពន្យល់អំពីគោលការណ៍ដែលអ្នកបានជ្រើសរើសនេះទៅកាន់នរណាម្នាក់ ដែលប្រហែលជាមិនធ្លាប់ស្គាល់គោលការណ៍នេះដោយរបៀបណា ?
សូមប្រើប្រាស់សាច់រឿងខាងក្រោមនេះ ដើម្បីជួយអ្នកអនុវត្តការបង្រៀនរបស់ព្រះអង្គសង្រ្គោះនៅក្នុង នីហ្វៃទី៣ ១២:៤៨ និងគោលការណ៍ទាំងឡាយនៃការទទួលបានចំណេះដឹងខាងវវិញ្ញាណ ។
យ៉ូហានជាយុវជនម្នាក់ដែលជឿនៅលើព្រះ ។ ប៉ុន្តែ មានទិដ្ឋភាពមួយចំនួននៃដំណឹងល្អ ដែលគាត់មិនចូលចិត្តគិតអំពី ។ ទិដ្ឋភាពមួយក្នុងចំណោមចំណុចទាំងនោះ គឺជាការដាស់តឿនរបស់ព្រះអង្គសង្រ្គោះដើម្បីបានល្អឥតខ្ចោះ ។ គាត់បានខិតខំព្យាយាមផ្លាស់ប្តូរ ហើយប្រែក្លាយឲ្យមានបុគ្គលិកលក្ខណៈកាន់តែដូចព្រះគ្រីស្ទ ប៉ុន្តែគាត់នៅតែមិនអាចធ្វើបាន ។ គាត់មានអារម្មណ៍ថា គាត់បរាជ័យរួចទៅហើយ ដូច្នេះភាពល្អឥតខ្ចោះសម្រាប់គាត់ គឺមិនអាចទៅរួចនោះទេ ។
ពិនិត្យមើលគោលគំនិត និងសំណួរទាំងឡាយដោយការប្រើទស្សនៈអស់កល្បជានិច្ច
ឯកសារគោលនៃចំណេះចំណានខាងគោលលទ្ធិ បង្រៀនថា នៅពេលដោះស្រាយបញ្ហាដែលពិបាក នោះយើងអាច « កំណត់សំណួរឡើងវិញ ( ដើម្បីមើលសំណួរតាមបែបខុសគ្នា ) និងពិនិត្យមើលគំនិតដោយផ្អែកទៅលើបទដ្ឋាននៃសេចក្ដីពិតរបស់ព្រះអម្ចាស់ ជាជាងការទទួលយកបរិវេណ ឬការសន្មតរបស់ពិភពលោក » ( ទំព័រ ៣ ) ។ សំណួរខាងក្រោមអាចជួយដល់ដំណើរការនេះបាន ។
-
សូមឆ្លើយសំណួរខាងក្រោមនេះ ៖
-
តើអ្នកគិតថា ព្រះអម្ចាស់មានទស្សនៈអំពីភាពល្អឥតខ្ចោះខុសពីមនុស្សជាច្រើននៅក្នុងពិភពលោកដោយរបៀបណា ?
-
តើចំណេះដឹងរបស់យើងអំពីផែនការនៃសេចក្ដីសង្គ្រោះ និងដង្វាយធួននៃព្រះយេស៊ូវគ្រីស្ទ ជួយយើងឲ្យយល់កាន់តែច្បាស់អំពីអ្វីដែលព្រះអង្គសង្គ្រោះបង្រៀននៅក្នុង នីហ្វៃទី៣ ១២:៤៨ ដោយរបៀបណា ?
ស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាព
-
តើអ្នកអាចប្រើប្រាស់អ្វីដែលអ្នកបានរៀននៅក្នុង នីហ្វៃទី៣ ១២:៤៨ អំពីភាពល្អឥតខ្ចោះដើម្បីឆ្លើយតបទៅនឹងសេចក្តីកង្វល់របស់ យ៉ូហាន ដោយរបៀបណា ?
សូមអានយ៉ាងហោចណាស់ខគម្ពីរចំនួនបីខាងក្រោមដើម្បីរកមើលការយល់ដឹងបន្ថែមអំពីការបានល្អឥតខ្ចោះតាមរបៀបដែលព្រះយេស៊ូវបានបង្រៀន ។
-
សូមឆ្លើយសំណួរខាងក្រោមទាំងនេះ ៖
-
តើការយល់ដឹងដែលអ្នករកឃើញអាចជួយដល់យ៉ូហាន ចំពោះបញ្ហាបារម្ភរបស់គាត់បានដោយរបៀបណា ?
ធ្វើសកម្មភាពដោយសេចក្ដីជំនឿ
សូមអាន កថាខណ្ឌទី ៥–៧ នៅក្នុងផ្នែក « ការទទួលបានចំណេះដឹងខាងវិញ្ញាណ » នៃ ឯកសារគោលនៃចំណេះចំណានខាងគោលលទ្ធិ ហើយរកមើលអ្វីដែល យ៉ូហាន អាចធ្វើសកម្មភាពដោយសេចក្ដីជំនឿបាន ។
-
សូមឆ្លើយសំណួរបីខាងក្រោមនេះ ៖
-
តើការបង្រៀនមួយណាដែលអ្នកគិតថា អាចជួយដល់យ៉ូហានបាន ? ហេតុអ្វី ?
-
តើយ៉ូហានអាចអធិស្ឋានអំពីអ្វីខ្លះដែលនឹងជួយដល់ស្ថានភាពរបស់គាត់បាន ?
-
តើអ្នកនឹងផ្ដល់យោបល់អ្វីខ្លះដែលយ៉ូហានធ្វើដើម្បី « រស់នៅដោយសេចក្ដីជំនឿ » រហូតដល់គាត់មានការយល់ដឹងបន្ថែមទៀតអំពីសក្ដានុពលរបស់គាត់ដើម្បីបានល្អឥតខ្ចោះ ?
-
តើអ្វីខ្លះដែលអ្នកបានរៀននៅក្នុង នីហ្វៃទី៣ ១២:៤៨ អំពីភាពល្អឥតខ្ចោះមានឥទ្ធិពលទៅលើអារម្មណ៍ និងសកម្មភាពផ្ទាល់ខ្លួនរបស់អ្នកដោយរបៀបណា ?