“Iloiloga 20 o le Atamai i Aoaoga Faavae: Tauloto,” Tusi Lesona a Tagata o le Vasega o le Tusi a Mamona (2024)
“Iloiloga 20 o le Atamai i Aoaoga Faavae,” Tusi Lesona a Tagata o le Vasega o le Tusi a Mamona
Iloiloga 20 o le Atamai i Aoaoga Faavae
Tauloto
O lenei lesona o le a tuuina atu ia te oe se avanoa e tauloto ai mau o le atamai i aoaoga faavae ma a latou fuaitau autu o mau ma taulotoina ai fuaitau uma.
E mafai ona tatou mulimuli i le faataitaiga a le Faaola e ala i le taulotoina o mau
-
O a nisi o auala e mafai ona tatou mulimuli ai i faataitaiga a Iesu Keriso?
O se tasi o auala e mafai ai ona tatou mulimuli i le faataitaiga a Iesu Keriso o le taulotoina lea o mau. Sa faaaoga e le Faaola mau tauloto e faatoilalo ai faaosoosoga (tagai i le Mataio 4:1–11) ma aoao atu ai isi (tagai i le Luka 24:27; 3 Nifae 22).
-
O a nisi o tulaga lea o le a fesoasoani ai le taulotoina o mau?
A o e taulotoina fuaitau o mau o le atamai i aoaoga faavae po o fasifuaitau autu o mau, ia manatua o loo e mulimuli i le faataitaiga a Iesu Keriso.
Atamai i Aoaoga Faavae o le Tusi a Mamona: Alema–Moronae
Tusi Lesona a le Faiaoga o le Tusi a Mamona (2024)
|
Mau Faasino |
Fasifuaitau Autu o le Mau |
|---|---|
Mau Faasino | Fasifuaitau Autu o le Mau “Ma o le a afio atu o ia, ma mafatia i tiga ma puapuaga ma faaosoosoga o ituaiga eseese uma.” |
Mau Faasino | Fasifuaitau Autu o le Mau “E ao ona i ai se togiola, … o se taulaga e ao ina leai sona gataaga ma e faavavau.” |
Mau Faasino | Fasifuaitau Autu o le Mau “Aua e te toe saili atu i tuinanau o ou mata.” |
Mau Faasino | Fasifuaitau Autu o le Mau “E lei avea lava le amioleaga ma fiafia.” |
Mau Faasino | Fasifuaitau Autu o le Mau “O luga lava o le papa o lo tatou Togiola … e ao ina oulua atinaa’e ai lo oulua faavae.” |
Mau Faasino | Fasifuaitau Autu o le Mau “Na ou tuu atu ai i le finagalo o le Tamā i mea uma mai le amataga.” |
Mau Faasino | Fasifuaitau Autu o le Mau “Ia outou atoatoa e pei lava o aʼu, po o lo outou Tamā o le o i le lagi e atoatoa.” |
Mau Faasino | Fasifuaitau Autu o le Mau “O mai ia te au ma ia papatiso … ina ia faapaiaina outou i le taliaina o le Agaga Paia.” |
Mau Faasino | Fasifuaitau Autu o le Mau “Aua tou te le maua se molimau seia uma ona tofotofoina o lo outou faatuatua.” |
Mau Faasino | Fasifuaitau Autu o le Mau “Afai e o mai tagata ia te au … ona ou faia lea o mea vaivai ia avea ma mea malolosi ia te i latou.” |
Mau Faasino | Fasifuaitau Autu o le Mau “O le alofa mama o le alofa le pona lea o Keriso.” |
Mau Faasino | Fasifuaitau Autu o le Mau “Ole atu ma le loto faamaoni, ma le manatu moni i ai, ma le faatuatua ia Keriso … [ma] o le mana o le Agaga Paia e mafai ona outou iloa ai le moni o mea uma lava.” |
© 2023 by Intellectual Reserve, Inc. Ua taofia aia tatau uma.
Mafaufau i ou lava tulaga. Iloilo le siata o fuaitau o le atamai i aoaoga faavae ma filifili se tasi (po o ni nai fasifuaitau autu o mau) e te lagona o le a sili ona aoga mo oe e taulotoina i le taimi nei. Mafaufau e faaaoga se tasi o auala nei (po o vaega o le taulotoina i le polokalama o le Atamai i Aoaoga Faavae) e fesoasoani ia te oe e tauloto ai le fuaitau (po o fasifuaitau) na e filifilia.
-
Tusi i fafo: Seti le fua taimi (po o se uati) i se umi faatulagaina o se taimi talafeagai (mo se faataitaiga, 30 sekone). Tusi le tele o le fuaitau e te mafaia e aunoa ma le tilotilo i tusitusiga paia po o le siata. Toe seti le taimi ma tusi nisi mea e sili atu. Toe fai seia uma ona e tusia le mau atoa. E mafai ona e toe faia le gaoioiga e vaai pe mafai ona e tusia i se taimi televave atu.
-
Mataitusi muamua: Tusi i lau api faamaumau o suesuega le mau faasino atoa ma le fuaitau na e filifilia. I talaane, tusi ai le mataitusi muamua mai upu taitasi. Faitau faafia i le fuaitau atoa. Ona ufiufi lea o le fuaitau ma taumafai e faaaoga na o mataitusi muamua e toe tauloto ai le mau faasino ma le fuaitau (faailoa le fuaitau atoa pe a manaomia). Fai mo ni nai taimi lenei mea seia oo ina mafai ona e toe faia le fuaitau mai le mafaufau.
-
Fuaitau i lea fuaitau: Muamua, tuu eseese le mau faasino ma le fuaitau i ni fasifuaitau laiti. Ona tauloto lea o le fasifuaitau muamua i le fuaitau e ala i le toe ta’ua pe tusi foi i ni nai taimi. Ona fai lea o le mea lava lea e tasi i le fasifuaitau lona lua. Toe fai le faagasologa lenei seia oo ina e taulotoina atoa le mau ma le fuaitau.
Toe Iloilo
-
Faamae’a mea nei:
Tusi se faamatalaga puupuu i lou faiaoga. Ia aofia ai mea nei:
-
O le fuaitau o le mau po o fasifuaitau autu o mau sa e galue ai i le taulotoina ma po o le fea metotia o le taulotoina sa e faaaogaina
-
O tulaga o loo feagai ma oe i le taimi nei pe o le a feagai ma le lumanai lea o le a fesoasoani ai le mauaina o lenei fuaitau po o fasifuaitau autu ua taulotoina.
-
O ou mafaufauga i le auala e mafai ai e le taulotoina o mau ona fesoasoani ia te oe e mulimuli i le faataitaiga a Iesu Keriso
-
Vaavaai mo avanoa e toe fai soo ai mau faasino ma fuaitau ua taulotoina (po o fasifuaitau autu) e masani ona fai.